رحلة نصر جميله …مشوار كله بطوله

زائر

يا حبايب بالسلامه روحتم ورجعتولنا بألف سلامه رحلة نصر جميله مشوار كله بطوله خطوة عزم مجيده لسنين جايه طويله روحتوها بسلامه وجيتوا بالسلامه …. ألف مليون مبروك لمصر الانتصار التاريخي والفوز بكاس الأمم الافريقيه الثالثة علي التوالي ولم يكن هذا النصر بالنصر العادي بل انه كان وليد ملاحم طاحنه خاضها لاعبي مصر الأبطال وجهازهم الفني بقيادة العظيم العبقري حسن شحاته وكان لكل ملحمة من هذه الملاحم شعار رفعه لاعبي منتخب مصر وجهازهم الفني .

* والآن اذهب وإياكم للحديث عن أهم ملاحم منتخبنا الوطني في انجولا ونبدأ بأول هذه الملاحم والتي كانت تحت شعار مين اللي قال كنتي بعيده عنا وكانت المباراة هي مصر ونيجيريا لنتابع في السطور التالية .

مين اللي قال كنتي بعيده عنا

بدأ المنتخب المصري البطوله وهو مثقل بانتقادات بعض الخبراء والفنيين في مصر من جانب وهجوم الشارع المصري من جانب أخر وكان للعبقري شحاته نصيب الأسد من هذا النقد وذاك الهجوم كما أن مواجهة فريق بحجم نيجيريا في المباراة ألافتتاحيه زادهم ضغطا كبيرا خاصة في ظل توقع الكثيرين في مصر أن الكأس بعيده عنا تماما فما كان من أبطالنا غير أنهم رفعوا شعار واحد وجهوه لكاس البطوله مين اللي قال انك بعيده عنا وقالوها من خلال فوزهم علي نيجيريا 3-1 .

*وبما أننا نتحدث عن أهم الملاحم المصرية في الدورة بنا نطير من أولي المباريات مباشرة لمباراة دور الثمانية أمام منتخب اسود الكاميرون والتي رفع فيها الفراعنة شعار واحد وهو من اختمار الحلم ييجي النهار ولنذهب سويا عزيزي القارئ لنري دور الثمانية بين مصر والكاميرون في سطور .

من اختمار الحلم ييجي النهار

بعد تأهل الفراعنة لدور الثمانية في البطوله وتحقيقهم الرصيد الكامل من النقاط في الدور الأول مع الوضع في الحسبان أن مصر منتخبها كان الاقوي دفاعيا والأفضل هجوميا بدأ حلم البطوله الثالثة علي التوالي يختمر في أذهان المصريين جماهير ولاعبين وجهاز فني ورغم صعوبة المواجهة وضغط الفريق الكاميروني الكبير علي المرمي المصري إلا أن المعلم وأولاده كانوا قد رفعوا شعار واحد ليتخطوا هذه الملحمة التي كانت الأصعب في طريق الفراعنة لإحراز اللقب وهذا الشعار هو إن من اختمار الحلم ييجي النهار وبالفعل استطاع اختمار حلم البطوله في أذهان المصريين ككل أن يكون الدافع الأبرز لجلب النهار للكره المصرية بالصعود للدور قبل النهائي من البطوله بالفوز علي الكاميرون 3-1 .

*ونذهب لملحمة مصريه أخري من نوع خاص ولم تفرض الفنيات خصوصية هذه الملحمة أي أنها لم تكن هامه بسبب قيمة المنافس بل كانت هكذا لاعتبارات أخري يعلمها القارئ قبل الكاتب فرفع أبطال مصر شعار كوني يا مصر وعيشي يا مصر وطبعا كلكم عارفين إن ده كان في مباراة مصر والجزائر في الدور قبل النهائي ونبحر في السطور التالية .

كوني يا مصر وعيشي يا مصر

كانت مباراة مصر والجزائر ذات أهميه وطابع خاص خلال هذه الملحمة المصرية الطاحنة في انجولا خاصة وأنها أعادت للأذهان المباراة الفاصلة في تصفيات كاس العالم في السودان بكل ذكرياتها الاليمه علي المصريين وبكل ما صاحبها من أحداث كسرت نفس المصريين وأشعرتهم بشئ من الاهانه كما أن الاهانات التي وجهها ويوجهها الإعلام الجزائري لمصر كدوله جعل لها أهميه خاصة لدي المصريين جميعا لهذا أصر لاعبي منتخب مصر وجهازهم الفني علي كسر انف هؤلاء المتعجرفين وتأكيد أن مصر لن تكون في المونديال العالمي بسبب ظروف كانت خارجه تماما عن النطاق الرياضي والمناخ الكروي في الخرطوم لا بسبب الفنيات وهذا ما دفع اللاعبين المصريين والجهاز الفني أن يكون شعارهم كوني يا مصر وعيشي يا مصر وهذا ما تحقق بعد أن لقن المصريين دروسا في فنون كرة القدم للجزائريين وكشفت مصر للعالم بأسره أن الجزائريين حينما تضعهم في مناخ لا يوجد فيه سوي كرة القدم لا يمكن أن يفعلوا شئ كما أعطوا لاعبي مصر درسا في الأخلاق والانضباط والالتزام والتحضر للعالم بأسره وللجزائريين بشكل خاص الذي كلفهم الحقد والكراهية وسوء الأخلاق وكل ما هو غير متحضر من تصرفات طرد 3 لاعبين ودك الفراعنة حصونهم الجزائرية برباعيه نظيفة واجبروا العالم علي تعلم دروس في كرة العالم .

*وصعدت مصر لنهائي بطولة الأمم الافريقيه لتخوض أخر ملحمة في بطولة 2010 وكانت المواجهة مصريه – غانيه ولان هذه الملحمة إنهائها بانتصار يعني فوز ببطولة غالية جدا ومعناها كبير جدا لمصر فكان لاعبي مصر وجهازهم الفني وجماهيرهم الذين يعدوا بالملايين رجال أشداء شعارهم أن الانتصار في النهائي الكبير هي خطوة عزم مجيده لسنين جايه طويله ولنري هذه الملحمة الاخيره في رحلة النصر والمشوار البطولي للمصريين في عجالة من خلال السطور التالية .

خطوة عزم مجيده لسنين جايه طويله

دخل المصريين المباراة النهائية للبطولة أمام غانا بمعنويات مرتفعه عقب فوز رائع علي منتخب الجزائر برباعيه نظيفة ورغم تأخر المكسب المصري في المباراة إلا أن أبناء العبقري حسن شحاته كانوا مؤمنين كعادتهم بان الله معهم طالما أنهم اجتهدوا وأدوا ما عليهم ولأنها كانت مباراة في كرة القدم فقط ومن يتفوق في الملعب يكسب النتيجة تفوق المصريين بهدف الظاهرة المصرية الجديدة جدو محققين الحلم الذي كان قد بدا في الاختمار مع مباراة الكاميرون في دور الثمانية وكانت مصر وعاشت مصر في مباراة نصف النهائي أمام الجزائر من خلال الأبطال المصريين وردوا علي كل من قال أن الكأس كانت بعيده عنا قبل البطوله وحققوا أهم خطوه بفوزهم باللقب الغالي وكانت بالفعل خطوة عزم مجيده لسنين جايه طويله

في النهايه لنا لقاء جديد

اسمحلي يكون ليا الشرف كاول المعلقين
واول المرحبين
نورت بيتك يا ميدو
وتحياتي ع المقال الجميل والعنوان الهايل
اختيارك للكلمات بجد من اهم مايمز كتاباتك
تسلم ايديك ودماغك يا باشا

زائر

ميرسي اوي يا مدين علي تحيتك دي وميرسي قطعا عالاشاده اللي اعتز بيها والشكر لمنتخب مصر طبعا اللي خلاني اكتب الكلام ده

الله عليك ياابنى بعد الغيبة الطويلة دى رجعتلنا بموضوع جامد جدا الله ينور ياخشبة باشا

زائر

اسلام حبيب قلبي ميرسي ليك جدا والمقال جامد بزوقك والجامده بلدنا اللي بتخللي الواحد يكتب الكلام ده

بجد موضوع رائع وده من اكتر العناوين اللي عجبتني

من اختمار الحلم ييجي النهار

ومحدش فينا مبيحبش مصر بجد تستاهل تكون ام الدنيا
وبالنسبه للجزائر فربنا اراد انه يثبت للعالم كله مستواهم ومستوانا والفرق

زائر

الاء ميرسي اوي علي مشاركتك وميرسي علي اشادتك بالعنوان وكمان ميرسي لاشارتك موضوع الجزائر ولازلت عند راي احنا مصر وهما مين ميرسي علي مشاركتك ومساهمتك

شكرا على المقال الجميل

بجد موضوع هايل جدا انا بصراحة بحييك عليه
لانه بجد يستاهل والمنتخب بجد فرحنا المرة دى
بس غير كل مرة لان المرة دى غير عادية
بجد هم رجالة ويستهلوا فعلا واللى خلانى
فعلا فرح المرة دى اكتر انهم ظبطوا الجزائر
وعرفوهم مقامهم وعرفوهم مين للى يستاهل
ومين اللى مايستاهلش ومش هدف ولا اتنين دول اربعة
ويارب نفضل كدة على طول وبجحد بشكرك اوى على
التوبيك دة بجد فى وقته

والله المنتخب يستحق كل اشاده وكل احترام لانهم فعلا تعبوا واجتهدوا ونالوا في النهاية الهدف الغالي مش بس البطوله لأ كسبوا احترام العالم وبقوا في المركز العاشر المعترف به دوليا عند الفيفا بعد اعجاز مش انجاز تاريخي غير مسبوق وان شاء الله نشوف مواهب اكتر وظواهر في الدوري والنتخب والمحترفين . وكلنا بنشكرك على الموضوع الهايل ده .

ميرسى على الموضوع الجميل ده

واحشنى جدا أهلا بيك و أهلا بكلماتك الجميلة فى بيتك معانا

بجد كانو رجاله

بجد حاجة مجيدة فعلا و الرجالة دول يستهلوا تقدير و احترام كبير مننا

تسلم ايدك ومرسي ليك
بجد توبيك اكتر من راائع واسلوب رائع ومميز
تسلم ايدك مره تانيه وتالته

زائر

زيزو ميرسي علي مشاركتك وميرسي الاشاده وياريت تشرفني دايما

زائر

مروه ميرسي اوي علي التحيه دي وفعلا ابطالنا يبستاهلو والمقال جامد بتعليقاتك وتعليقات الاعضاء ميرسي ليكي جدا علي تقديرك

زائر

ميرسي يامحمد وتشكرني علي ايه ده اقل واجب لابطالنا هما اللي عمله وانا بشكرك وبشكر كل القراء علي تقديرلاهم ليا واهتمامهم

زائر

ميرسي يا مريم علي تقديرك ومساهمتك في المقال

زائر

وانت كمان يامايسترو واحشني وميرسي ليك علي ردك الجميل كلك زوق ميرسي لمساهمتك الجميله

ميرسييييييييييي يا ميدو عالتوبيك التحفة ده وفعلا عندك حق فى كل كلامك وطبعاااااااااا المنتخب كله يستاهل تقديرنا واحترامنا

كلامك حلو جدا
شكرا ع الموضوع الرائع
كان نفسنا ابو تريكة يكون معاهم بس(قال تعالي:وعسي أن تكرهوا شيئا وهو خير لكم)الحمد لله

الحمد الله اننا اثبتنا اننا احسن مليون بالميه من الجزائرين لو كان ده فى اطار كره القدم
وانا مفتخره جدا انى مصريه واقول (مصر لم تخسر المونديال بل المونديال خسر مصر )

أولا ..... حمد الله عالسلامة وأهلا بيك تاني
ثانيا ....موضوع جنان كالعادة طبعا
وبجد عناوين الفقرات رائع وهي دي مصر وهتفضل مصر طبعا
بولادها اللي بيعلوها في كل المجالات
وميرسي ليك على المقالة الجميلة دي...

زائر

دلوعه التريكاويه ميرسي ليكي جدا علي مساهمتك وتقديرك ليا واكيد متشكرنيش علي حاجه بعملها لمصر

» في بداية مشوار عودة المارد الأحمر: شاهد ضربة البداية لزيزو في مرانه الأول(في بداية مشوار عودة المار
» قرعه بطوله افريقيا للاندايه<<وموجهات الاهلى>>
» ( استفتاء) في رايك هل سينجح الاهلي ف الحصول علي بطوله الدوري

رحلة نصر جميله …مشوار كله بطوله

رحلة نصر جميله …مشوار كله بطوله

مواضيع مماثلة

مواضيع مماثلة