اية هديتك الى الله ورسوله ....ادخل سجل هديتك !!

طبعا كل الاخوة والاخوات عرفوا اسم الموضوع وهو ( ياترى اية هديتكم الى الله ورسولة يلا ادخلوا سجلوا هديتكم بسرعة )

طيب ياترى انا اقصد اية من العنوان دة
اقولكم
طبعا انا مش محتاجة اقولكم على نعم ربنا على كل واحد فينا وانه اد اية كريم وغفور وحليم ووووووو
وكلنا عارفين ان نعمه علينا لا تعد ولا تحصى ولا بنقدر نقدرها بثمن ولا بكل كنوز الدنيا
وبردوا كلنا عارفين اد اية الرسول صلى الله عليه وسلم تعب وجاهد وبذل الكثير من اجل نشر رسالة الاسلام ولكى يجعلنا مسلمين وتعرض للاذى وتحمل الكثير من اجلنا
طيب بذمتك لو واحد عمل معاك حاجة حتى لو حاجة بسيطة مش بتردهالة بهدية
طيب تخيل بقى ان ربنا ورسوله عملوا معانا كل دة واكتر تتخيل بقى احنا المفروض نقدم اية
اقولكم على حاجة كمان
طبعا كلنا بنخطئ وبنرتكب ذنوب لان ربنا سبحانه وتعالى قال كل بنى أدم خطاء وخير الخطائون التوابون
يعنى مفيش حد مننا مش بيعمل خطا سواء كان كبير او صغير لكن المهم اننا نتوب على طول وبسرعة وتكون توبة نصوحة
طيب ما تيجوا نتوب بشكل تانى وجديد بس الاول نعمل شروط التوبة اللى كلنا عارفينها الندم على فعل الخطا وان اوقف الذنب وان اعزم على عدم العودة
طيب اية الشكل التانى والجديد دة
بجانب التوبة دى واللى لازم طبعا نعملها نقدم هدية بسيطة الى الله والى الرسول تعبيرا عن الاعتراف بالخطا والحب والشكر

طيب اقولكم مثال يخلينا نتحمس اكتر ويوضح عندكم الفكرة اكتر شوية ويحمسكم تقدموا احلى واكبر هدية
لو حد عزمك على عيد ميلاد او فرح وقالك لازم تيجى طبعا انت اول حاجة هتفكر فيها غير انك تلبس اية وتروح امتى وازاى وكل التفاصيل دى اهم حاجة هتفكر فيها ( هتجيب هدية اية )
وطبعا اهم حاجة فى الهدية دى انها تكون فخمة اوى وكبيرة وغالية ويكون كمان كل اللى يهمك ازاى تجيب اغلى هدية والناس كلها يقولوا انك جبت هدية غالية اوى وكبيرة وفخمة
تخيل بقى انى بقولك تقدم هدية الى الله وهدية الى الرسول هتقدم اية
اتمنى انى اكون قدرت اوضح للجميع فكرتى بشكل واضح وسلس
واتمنى الاقى القبول من الاخوة والاخوات الافاضل
مستنية مشاركاتكم وهداياكم
بس بشرط مهم اوى
اللى يكتب هديتة لازم يكون قادر على انة يقدمها ميبقاش كلاااااااام وبس وتكون الهدية على قدر المحبة ليهم والاعتراف بالجميل والشكر

السلام
عليكم
انا هسجل اول هدية ان
شاء الله واتمنى ان الجميع يدخل معايا يسجل هديتة
هديتى الى
الله
هى ان اقرا
القران بتدبر واحفظة واعمل بة فى الدنيا اخدم
الدين واصلى الفروض فى اوقاتها واذكرة كثيرا واتقية وابتغى
مرضاتة
هديتى الى الرسول صلى الله
عليه وسلم
ان اسير على سنته
واهتدى بهديه وان اعمل بها فى الدنيا

فكرة جميلة جدا يا قمر جزاكى الله خيرا وجعله فى ميزان حسناتك
طبعا هديتى مش واحدة دول كتييييير جدا بس يمكن اولهم الاهتمام بالقران الكريم اكتر من الاول لان فعلا احنا مش بنهتم بيه للاسف
كمان اننا نتبع سنة رسولنا الكريم "صلى الله عليه وسلم" فهو قدم لنا الكتير وجاهد علشاننا واحنا للاسف مش بنعمل حاجة علشان نحمى ديننا ابدا
اما الهدية التالتة فانا بصراحة شيفاها مهمة جدا وهى توعية الناس اللى مش فى دماغهم الدين للاسف وفى كتير جدا من الناس دى للاسف ميعرفوش حاجة عن دينهم واحنا لازم نقف بجانبهم
ده غير هدايا كتير جدا لازم نقدمها علشان نحس اننا عملنا حاجة مفيدة فى حياتنا
بجد فكرة حلوة اوى يا اية جزاكى الله خيرا واسفة على الاطالة

شكرا على الموضوع الجميل دة شكرااا

اية هديتك الى الله ورسوله ....ادخل سجل هديتك !! 1

اية هديتك الى الله ورسوله ....ادخل سجل هديتك !! 2

اية هديتك الى الله ورسوله ....ادخل سجل هديتك !! 3

اية هديتك الى الله ورسوله ....ادخل سجل هديتك !! 5

شكراا مرة اخرى اية هديتك الى الله ورسوله ....ادخل سجل هديتك !! 420156

فكره راااااائعه جزاكي الله عنها كل خير وجعلها في ميزان حسناتك
ان هقدم هديتي لله وررسوله
اني اكون بنت ملتزمه في ديني وخلقي وحجابي واني اكون قدوه لغيري
واني اساعد كل من يحتاجني
وان اعلم غيري ما تتعلمته

هديتى انى افضل محافظة على ايمانى

ميرسى جدااااااااااااا

موضوع حلو وجديد

هديتي الي الله
ان حبه يملا كل ما في قلبي
وهديتي الي رسول الله
ان اطيعه في الحياه الدنيا وفي حياه البرزخ وفي حياه الخلود

شكرا يا ايه علي الفكره الجميله اوي دي
بارك الله فيكي

دلوعة التريكاوية كتب:: فكرة جميلة جدا يا قمر جزاكى الله خيرا وجعله فى ميزان حسناتك
طبعا هديتى مش واحدة دول كتييييير جدا بس يمكن اولهم الاهتمام بالقران الكريم اكتر من الاول لان فعلا احنا مش بنهتم بيه للاسف
كمان اننا نتبع سنة رسولنا الكريم "صلى الله عليه وسلم" فهو قدم لنا الكتير وجاهد علشاننا واحنا للاسف مش بنعمل حاجة علشان نحمى ديننا ابدا
اما الهدية التالتة فانا بصراحة شيفاها مهمة جدا وهى توعية الناس اللى مش فى دماغهم الدين للاسف وفى كتير جدا من الناس دى للاسف ميعرفوش حاجة عن دينهم واحنا لازم نقف بجانبهم
ده غير هدايا كتير جدا لازم نقدمها علشان نحس اننا عملنا حاجة مفيدة فى حياتنا
بجد فكرة حلوة اوى يا اية جزاكى الله خيرا واسفة على الاطالة

ربنا يبارك فيكي يا قمر واتكلمي براحتك يا جميل الموضوع موضوعك

نورتوا بمروركم
ربنا يبارك فيكم وينفع بكم الامة