ده شعر صحبتي عملاه في حب مصر حبيت اجيبه ليكو علشان اعرف رايكو فيه

اهل و صحبة و جيران
و فرحة و ضحكة جنان
و لهفة و شوق و حنان
اكيد دي بلد الجدعان
فيها شهامة و رجولة
و بنات عسولة و شباب معقول
كل ده في بلدي الحنونة
دي مصر بلدنا و اهلنا
صحيح بنزعل منها و في لحظةغضب
بنشتكي منها
و نقول يا رب ابعدنا عنها
كأنك رافض تعيش وسطها
و مش حاسس بحضنها لكن مع اول رفعة علم ليها
بتصرخ و تنادي باسمها بلدي ما حدش ييجي
جنبها و لا يكون احسن منها
و لو سألتك ليه بتنادي عليها
تقول انا بنادي علي اهلي و صحبتي و جيراني
و بيتي و اصدقائي و ناسي
ما هي دي البلد
يا اللي في غفلة و ناسي
هي الاهل و الصحبة و الجيران
مش بس حكومة و نظام
دي ام حنان تحويك و تديك مكان
و في البطاقة الجنسية كمان
و حضارة و اهرام و تاريخ زمان
ما انت من بلد الجدعان
بنوا ليهم بصمة في كل مكان
و كفاية انك تكون انسان
عارف ليك مكان في بلد فيها امان
ما فيها ذل و لا هوان
و لو كنت حاسس منها بالحرمان
جرب تبعد عنها هتلاقي نفسك غلبان
كنت عايش في بلدك سلطان
و في الاخر انت اللي غلطان
كان قبلك في حضارات بنوا بايديهم عمارات
فن و اهرامات
عزم بطولات
و الفرق انهم اتخذوا قرارات
ما استنوا ايد تتمد
و لا حد يمسح دمع الخد
ايه لسه عندك رد ؟؟!!
يا عم دي بلدك بجد...........

جميل اوى ياالاء وتسلم ايدك وايد صحبتك