ساعة الهنا ساعة... وساعة الهم مية ساعة
وساعتنا ليه مؤخرة...دايما عن الساعة
ترقص ساعات البشر...وساعتنا لسًاعة
ايه الحكاية...مفيش عندك غير الساعة؟
شايل همومك...ومشغول ليه بالساعة
فيه ايه في حياتنا...حياته ماشية بالساعة
اذا رحت مشوار...عايزلك فيه كذا ساعة
تركب وتنزل...وتتمشى كمان ساعة
ومعاد صديقي الوفي..لا تحكمه ساعة
اذا قال لي ساعة...يجيني بعدها بساعة
وطابور ساعدة الرغيف...محتاجله كام ساعة
واقف تمام مطرحه...خدمة بدون ساعة
مليان حكاوي عجب...ومدارها على الساعة
تسمع حكاية...اللي سايب شغله كام ساعة
والتايه اللي بيسال ...عن ضياع ساعة
واللي بيحلم كمان...لو قامت الساعة
عجب العجب تسمعه...ساعة ورا ساعة
ومعاد ساعدة المدير...معفي من الساعة
في الصبح ييجي..وساعته ماخرة ساعة
وفي نهاية اليوم...سعادته يقدم الساعة
وفي اخر الشهر...يسبق حضرته الساعة
والحاجة في السوق بتغلى ...ساعة عن ساعة
وظالم الناس..مبيفكرش في الساعة
وشاهد الزور...يموت موزور عشان ساعة
والست في البيت ..تمشي جوزها على الساعة
عايشين زمانا...لكن غايبين عن الساعة
وزمانا يشهد...بانه علامة الساعة