قرر واحد حبيب اته يعزم حبيبته علي الغدا و يا ريته ما عمل لان البنت دي لا بيعجبها العجب و لا الصيام في رجب و شوفوا الحوار و احكموا بنفسكوا
هو \ تطلبي ايه ؟
هي \ مش عارفة انت هتطلب ايه؟
هو \ انا هطلب بيتزا
هي \ ماشي و انا كمان
هو \ طيب
هي \ ولا اقولك بلاش
هو \ ليه عايزة حاجة تانية
هي \ لأ مش عارفة
هو \ انتي جعانة
هي \ اممم مش عارفة
هو \ يعني ايه مش عارفة اكيد الواحد بيعرف هو جعان و لا لأ
هي \ نص نص
هو \ يعني اطلبلك معايا
هي \ لأ
هو \ خلاص
هي \ ولا اقولك يمكن اجوع كمان شوية
هو \ خلاص هاطلبلك و علي بال ما ييجي الاكل تكوني جوعتي
هي \ طيب افرض لما ييجي الاكل اكون لسه ما جوعتش
هو \ خلاص خلي الاكل قدامك و لما تجوعي ابقي كلي
هي \ ما كده الاكل هيبرد
هو \ خلاص نطلب اكل تاني
هي \ بس كده يبقي تبذير
هو \ تبقي ناخد الاكل معانا تيك اواي و نبقي ناكله بعدين
هي \ طب افرض ما كانش ليا نفس للبيتزا بعدين
هو\ خلاص هابقي اكلها انا
هي \ و انا ما اكلش
هو \ جننتيني يعني اطلبلك و لا بلاش
هي \ بلاش احسن
هو \ خلاص انا هاطلب لنفسي علشان انا جوعت جدا
هي \ ماشي , بس اطلب البيتزا بالتونة
هو \ بس انا ما بحبش البيتزا بالتونة
هي \ بس انا اللي بحبها
هو \ بس انا اللي هاكلها
هي \ ما يمكن لمت ييجي الاكل اكون جوعت و اكل معاك
هو \ هو انتي عاوزة ناكلي و لا لأ
هي \ احتمال
هو \ يعني انا لازم اطلب البيتزا بالتونة علشان انتي ( احتمال ) تاكلي معايا
هي \ ايوه بالظبط
هو \ طيب لو انتي جوعتي و اكلتي البيتزا بتاعتي انا هاكل ايه
هي \ ما انا ممكن ما اكلش اصلا معاك
هو \ رحمتك يا رب
هي \ مالك في ايه
هو \ يعني دلوقتي انتي لو ما اكلتيش انا هاكل حاجة مش بحبها
هي \ يعني انت تاكل و انا ما اكلش
ههههههههههه انا لما قريتها اتخنقت من رخامة البنت دي و احب احيي حبيبها ده لان عنده صبر ايوب لان دي لو كانت خطيبتي كنت قلتلها انتي طالق من قبل ما اتجوزك ههههههههه اقروها و قولولي رايكوا

هههههههههههههههههههه
توبك روعة

واو التوبيك رائع
يسلموا ايديك

بسلموا ايديكي بجد

شكرا ليك

هههههههههههههههههههههه


جميلة و شكرا ليكي يا قمر

ههههههههههههههههههههه اية البت دي انا اتخنققققققققققققققت
كتر خيرها خطيبها
توبيك روعة والله تسلموووووووووا الايادي

ميرسى قووووووووووووووووووووووووووووى

ههههههههههههههههههههه ايه الغلاسه دي

هههههههههه
ايه الرخامة دى
ميرسى كتير

ههههههههههههه بجد البنت دي رخمة اوي ميرسي على التوبيك

تسلم يابرنس