مره واحد ماشى فى الشارع قابل واحد تانى مش على بعضه ومستعجل اوى
وبيقول له :لو سمحت قلعنى الجاكته

فالاولاني قال له : نعم؟!!!
فالتاني قال : قلعني الجاكتة بسرعة
حاضر.. حاضر و راح مقلعه الجاكتة
لو سمحت بقه قلعني الكرافتة
إيه؟!!
الكرافته ..الكرافته بسرعة
حاضر.. حاضر و راح مقلعه الكرافته و هو مستغرب اوي من الراجل الغريب ده : ها يا سيدي اي خدمة تانية!!
اه .. معلش فكلي زراير القميص
لااااا دانت زّودتها اوي .. كده تاخد برد يقلب بنزلة شعبية حادة تاخد أجلك
من فضلك فكها .. بسرعة .. ارجوك
ُافففففف.. وادي زراير القميص خلاص فكتها.. دا كان يوم إيه المهبب ده, ها أي اوامر تانية؟
أيوه قلعي بقه القميص
يا سيدي عييب .. مايصحش كده , د إحنا فى الشارع خللي عندك دم .. .. يا حول الله يا رب !!
أرجوك.. أرجوك بسرعة.. مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ... هاااا.. إيه تاني!!
إرسملي على ظهري خطوط بالطول و خطوط بالعرض
حسبي الله و نعم الوكيل .. إنت مجنون ياراجل أنت؟؟!!
من فضلك .. أرجوك
رسمتلك زفت بالطول و زفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب .. بقه إنت معطلني كل ده علشان تلعبني سيجه على قفاك؟!!!!
بسرعة لو سمحت .. أرجوك رقمهم .. من فضلك مش قادر
أديني رقمتهم...
لو سمحت بقى أهرشلي في المربع رقم 33

ما تنسوش تقولوا دى
لا الاه الا الله عدد ما كان وعدد ما سيكون وعدد الحركات والسكون

هههههههههههههه انا بطالب بحذف التوبيك ده
لانه مضر بالصحة ههههههههههههههه
لالا جميل بجد يا الاء وفعلا قمة ف الرخامة ههههههههههههه

ده مفيش ارخم من كده فعلاً شكراً على التوبيك

ههههههههههههههههههههههههه
رووووووووووووووووووووووووووعة

ايه الرخامه دى

انا عمرى ما شفت ولا هشوف زى الرخامة دى

ميرسى جدا يا آلاء

تسلم ايدك