السلااااااااااااام عليكم ورحمة الله وبركااااااااااااااته
علييييييييييييكم جمييييييييييييييييييعا

وياااااارب تكونوا فى احسن حال


موضوع النهاردة
هو دعوة للنقاش
وفى نفس الوقت دعوة لنعرف سلبياتنا
ونحاول نغيرها


وبطلب من كل حد هايشارك اى يشوف الموضوع
يحاول يضيف حاجة شايفها سلبية
فى اى نظام


اما بخصوص موضوعى
ازاى تعرف ان المترو ده فى مصر ولا لا
فده طبعا من عده اشكال وانماط غريبة وعجيبة بتقوم بيها الركاب المصريين
فمثلا هانقول :


لما تركب المترو من محطة حلوان "ودى اول محطة ع فكرة" وتلاقى الميكروفون بيقول
ممنوع ركوب القطار على رصيف 3 "القطار غير شغال"
ايه بقى غير شغال دى
يبقى المترو اكيد فى مصر

لما تحط تذكرتك فى المكنه صح ومع ذلك المكنه تزمر
يبقى المترو ده اكيد فى مصر

لما تلاقى واحد متــشعلق فى باب المترو والمترو عمال يزمر
يبقى المترو ده فى مصر

لما تلاقى ناس بتنزل من باب "ممنوع النزول" وناس بتركب من باب "ممنوع الصعود ، مع انهم بيعرفوا يقروا وكمان فيه رسومات واضحه
يبقى اكيد المترو ده فى مصر

لما تلاقى واحد زهقك باغانى تليفونه وبيفرض عليك انك تسمعها غصب عنك
يبقى المترو اكيد فى مصر


لما تلاقى بياعين وشحاتين من كل الانواع طالعين نازلين ورايحين جايين عليك
يبقى اكيد المترو ده فى مصر


لما تلاقى عيال فى وقت خروج المدراس عاملين المترو اتوبيس وعاملين هيصة وزيطه
يبقى اكيد المترو ده فى مصر


لما تلاقى بنت واقفة وسط زحمة الرجالة وعمالة تبصلك وانت قاعد بتحرجك عشان تقوم تقعدها مكانك
مع ان ليهم عربيتيين "من اصل تسعه" وكمان بينادوا بالمساواة
يبقى المترو ده اكيد فى مصر

:::::::

دى كانت حاجة بسيطة كده جت ع بالى قلت اوصلهالكم
واكيد اللى ركب منكم مترو الانفاق "بالذات" هايعرف معنى وقيمة كلامى ده

وياريت اللى عنده اى مثل زى الامثال دى
ياريت يوصلهالنا


تقبلى خالص تحياتى
kamatsho

لما تشوف الصورة دى فى مترو

تاكد ان المترو ده فى مصر