حاجه غريبة

زائر

كثير من المصريين انتابهم شعور من الاستغراب عقب خروج مصر من تصفيات كاس العالم وكان لكل من هو مختص أو مهتم بكرة القدم رأي أو كلمه يعبر بها عن هذا السقوط الصادم للفراعنة فبعض قاطني المحروسة قالوا أن أحداث السودان هي السبب الرئيسي في خروج المصريين و هناك سكان في المحروسة حملوا الهزيمة للمعلم حسن شحاتة المدير الفني لمنتخب مصر وغيرها من الآراء رغم أن أهم أسباب الخروج المصري واضحة أمام الجميع إلا إن أعين جميع المهتمين بالكره في مصر لم تلتفت لهذا السبب وهو مانويل جوزيه .

المدير الفني السابق للنادي الأهلي الذي كان سببا قاطعا وأساسيا في تدهور مستوي النادي الأهلي في العامين الماضيين بغض النظر عن البطولات التي كان يكسبها الأهلي بسبب ضعف المنافسين من جانب وخبرة لاعبيه من جانب أخر ومع تراجع مستوي الأهلي هبط معه مستوي أهم ركائز الفريق وبالتبعية هم الركائز الاساسيه في المنتخب المصري وعلي رأس هؤلاء محمد ابوتريكه و عماد متعب خوف الخواجة علي اسمه في الفترة الاخيره دفعه لإشراك ابوتريكه وهو مصاب ويتألم وهذا كلام الدكتور الألماني ايمهوف عن أن ابوتريكه يعاني من أصابه منذ شهر أغسطس 2008 وكان يحتاج للراحة من وقتها ولكن جوزيه أصر أن لا يرتاح تريكه خوفا أن يخسر الأهلي البطولة فظهر ابوتريكه بغير مستواه المعروف اللهم إلا في مباريات قليله وراجع معي مباريات الأهلي الموسم الماضي تجد أن في معظم المباريات التي غاب عنها تريكه الأهلي خسر نقاط فيها إذا لو كان هناك عبقري فهو تريكه وليس الخواجة .

أما عن عماد متعب الذي ترك الأهلي بل وترك البلد بحالها بسبب عجرفة جوزيه معه وعدم صبره عليه علما بأنه صبر علي فلافيو من قبل سنه و ثلاثة أشهر كاملة فما كان من العمدة غير الرحيل لأي فريق أخر بعدا عن الخواجة.

وآخرين من نجوم الأهلي وركائز المنتخب هبط مستواهم هبوطا حادا بسبب إفلاس الخواجة وأعود لأذكر الكل يعلم كيف كسب الأهلي الدوري الموسم الماضي بعد مباراة فاصله وهو الذي كان متقدما بفارق 15 نقطه في الصدارة إضافة لأن الفريق خرج بشكل مهين من كاس مصر وبصوره أكثر اهانه من كاس العالم للانديه والبطولات القارية هذا بالنسبة لتأثير مانويل جوزيه وتسببه في خروج منتخب مصر من تصفيات كاس العالم وقد تطرح قارئي العزيز السؤال ما دخل هذا في منتخب مصر ؟ والرد ببساطه أليس الأهلي هو الداعم الرئيسي لمنتخب مصر الم تصعد مصر للمونديال عام 1990 حينما كان الأهلي في القمة الم نكسب بطولة إفريقيا 7 مرات وفي المرات السبعه كان الأهلي هو سيد كرة المصريين أليس الأهلي هو الممول الأساسي والممول الأهم للمنتخب دون منافس ومنذ أن انطلقت لعبة كرة القدم في مصر ومن أيام حسين حجازي ورفاقه والي الآن .

و إذا نظرنا للناحية المادية نجد أن ما جناه النادي الأهلي من وراء مانويل جوزيه في أول عامين له مع الفريق أضاعه جوزيه وببراعة منقطعة النظير في العامين التاليين ونجد أن جوزيه أضاع أموال طائلة علي الأهلي ويلا نحسب بالأرقام لنعرف أن الأهلي خسر 2 مليون جنيه جائزة الفوز بكاس مصر و 10 مليون جنيه جائزة الفوز بدوري أبطال أفريقيا ومثلها جائزة الاشتراك في كاس العالم للانديه وهناك جانب أخر للأموال الطائله التي خسرها الأهلي بسبب جوزيه من خلال دفع الأهلي لأموال طائلة وكثيرة جدا لجلب لاعبين تحت طلب الخواجة ومع مرور الوقت يرفض إشراكهم لعدم قناعته بهم رغم انه هو من طلب هؤلاء اللاعبين وعن هؤلاء حدث ولا حرج عن لاعب طلبه جوزيه يدفع الأهلي ثم يرفضه جوزيه ببرود غريب .

والأمر المستهجن أن رغم كل ما سبق أجد من بين الاهلاويه من يلقب جوزيه بالعبقري وأصوات أخري أهلاويه أيضا تنادي بعودته للقلعة الحمراء طب بذمتك مش غريبه دي ؟ لا بجد حاجه غريبه .

موضوع: رد: حاجه غريبة 2010-03-20, 2:56 am

صح معاك كل الحق
وشكرا

موضوع: رد: حاجه غريبة 2010-03-20, 3:14 am

موضوعك بجد حاجة فظيعه

بس انا اكيد هاختلف معاك فى نقاط ونتفق فى نقاط

بس على قدى بقى اوك

وبالمراحل كدا

جوزيه حاصد البطولات للنادى الاهلى ودا اللى هيزكره التاريخ يعنى اكيد هيبقى عبقرى من وجهه نظر الاجيال اللى جايه

وانا مع سياسته فى ادارة الفريق للبطولات

بصرف النظر عن المنتخب دلوقتى لانه اللى يهمه مكانه اللى هو فيه

كان لازم يكسب كل بطوله بيدخلها بشتى الطرق وبكل اللاشكال

يشترى لاعبين ويبوظ فرق تانيه ممكن تنافسه .. ماشى

يشرك لاعبين فى مباريات وهم مصابين ....... ماشى

يقتنع بلاعب عن لاعب وصبر عليه بردو ..... ماشى

بس المهم فى النهايه بطولااااااااااااااااااااااااااااات كتير جدا بعبقريه وباستغلال كل الفرص

اما المنتخب الاهلى الممول الرئيسى ..... لا

دا كان زمان اهلى وزمالك يعنى منتخب

بس دلوقتى الدورى العام كله

وكمان ابوتريكه مع حسن شحاته مكنش زى ما كان مع جوزيه

كان ممكن يلعب ماتش كامل وممكن يلعب شوط وممكن يكون فى دكه الاحياطى

يعنى مكنش الاعتماد كله عليه مع حسن شحاته

شحاته كان بيلعب ب11 لاعب مش ابو تريكه بس

وخروجنا من تصفيات كاس العالم مش سببها جوزيه

ما قبلها حسن شحاته كان عامل شغل فى 2008 وبنفس لافريق .. جوزيه ماله بقى

هو كان سوء حظ وسياسه جزائريه لعبت باعصاب لاعبينا

وقدر الله وما شاء فعل
والحمد لله الذى لا يحمد على مكروه سواه

اما جوزيه انا مع انه عبقرى انه بيفكر بالشكل دا علشان يوصل لهدفه

هو المفروض فى حرب والحرب خدعه يكسبها بشتى الطرق وكلها متاحه

انا مع انه عبقرى وتفكيره فظيع بجد واتباعه فى سياسه الاهلى فى ادارة الفريق

اما عودته للنادى ... لا .. انا مع حسام البدرى خليه يعمل فريق ينافس بكره مش النهاردة وبس

واكيد البدرى اتعلم كتير من جوزيه ( بس الفرق شخصيه جوزيه والبدرى )

ربنا معاه

بس انت شكلك زملكاوى صح يا ميدو ؟؟؟؟؟؟؟؟؟؟؟؟؟

موضوع: رد: حاجه غريبة 2010-03-20, 3:40 am

موضوعك حلو ياميدو وغريب فعلا بس انا مش معاك بان السبب هوه جوزيه لان جوزيه فعلا حقق بطولات كتير للنادى الاهلى معتقدش اى حد تانى يحققها انا معلش مليش فى الكوره اوى بس ده رد على قدى بقى بس فى النهايه احب اقلك موضوعك حلو وغريب فعلا

موضوع: رد: حاجه غريبة 2010-03-20, 4:30 pm

فعلا هى حاجة غريبة فعلا بس مهما كان الاهلى بردو نادى
كويس وجامد بيه او من غيره ودة لان اللعيبة اللى فيه فعلا
لعيبة محترمة جدا وعندها مهارات كويسة والدليل على كدة
انه مشى وجاه واحد تانى بداله والنادى بردو مازال متفوق
وفى القمة وبعدين مش حيخاف عليك ولا على مصلحتك
غير واحد منك ماتجبش واحد مش من هنا اصلا وعاوزه
يبقى صادق معاك فى اى حاجة وطبعا محدش يقدر ينكر
ان الفرة اللى كان فيها مع الاهلى كان مستوى النادى
كويس جدا بس هو جاه فى الاخر وهد كل دة
شكرا لموضوعك الجميل ياميدو تسلم ايدك بجد لموضوعاتك
وافكارك الهايلة

موضوع: رد: حاجه غريبة 2010-03-21, 2:24 am

جامد ياحج ولله تسلم ايديك ياميدو مبدع من يومك وافكارك جامدة

موضوع: رد: حاجه غريبة 2010-03-22, 3:09 am

مش عارف والله يا ميدو اتفق ولا اختلف معاك
انا بصراحة من المعجبين بجوزيه وماقدرش انكر انه صاحب اسلوب ناجح
ولكنه ناقص .. هو قدر يحصد بطولات متتالية بس فشل في الابقاء علي حيوية الفريق
وعموما ان شاء الله ناشئين الاهلي قدها وقدود وشايفين شكري وعفروتو وطلعت وشبيطة الاولاد زي الفل وباذن الله هيواصلوا وهيكملوا مسيرة الجيل اللي موجود حاليا
والاختلاف في الراي لا يفسد للود قضية يا ميدو
بس جوزيه كان تجربة ليها ايجابياتها وسلبياتها ولكن مفيش اختلاف علي انه حقق نجاحات كبيرة

موضوع: رد: حاجه غريبة 2010-03-22, 3:21 am

معاك حق والله يامدين

موضوع: رد: حاجه غريبة 2010-03-24, 2:15 am

يا سلام عليك يا صاحبى كلامك صح ضيع أحسن نجوم فى مصر و كمان ما ننساش السد العالى اللى كان جوزيه سبب مشيانه من الأهلى و من ساعتها مفيش حارس قادر يشيل حمل عرين المارد الأحمر بس بردو احنا كمان مشاركين فى المشكلة لأننا تغاضينا عن غلطاته

ألف شكر على التوبيك يا ميدو

موضوع: رد: حاجه غريبة 2010-03-24, 3:30 am

انا اوفقك فى الكلام بالنسبة للسودان بس وانما الباقى عندى تعليق تانى وهو ان النادى الاهلى لما خاد الدورى الموسم الماضى ان الاندية كانت ضعيفة بسببة لانة كان بيشترى اللعيبة المميزين فى الاندية لكى يقوم بدمار الاندية التانية وانا من رأى ان الاهلى لا يستحق بطولة الدورى الموسم الماضى بسبب الى عملة فى الاندية لان دة ما بقت كورة ومن ناحية تانية لو ان حسن شحاتة يكز على العيبة الى موجودة فى الاندية الاخرى سوف يرى لاعيبة افضل من الى فى النادى الاهلى ولاكن ما بيأخدهم الا لما يروحو النادى الاهلى وانا اتمنى ان نظام الاحتراف داخل الاندية المحلية يتلغى ويبقى الاحتراف فى الخارج فقط .وشكرا

» صور رياضيه و تعليقات جمده موووووووووووت حاجه جديده اخر حاجه
» حاجه تشل!!!
» بجد حاجه تخنق

حاجه غريبة

حاجه غريبة

مواضيع مماثلة

مواضيع مماثلة