السلام عليكم ورحمة الله وبركاته
::..:.:...:.:::.:.:.:.:.:.::..:...:::.:::...:.:.:...:::...::::.:....:
المنتدى بس بنظرة مختلفه
يعنى مثلا
احنا نقوم الصبح نبدأ يومنا
باننا ندخل
"المنتدى الاسلامى العام" نتوضا ونصلىوبعدين نطلع ندخل
"على خطى الحبيب" نصلى على سيدنا النبى
صلى الله عليه وسلم
ونقرا شوية عن سيرته النبوية الشريفه
وبعد كده ندخل ع
"مكتبة الصوتيات والمرئيات الاسلامية"ننضف ودانا وعيوننا بشوية خطب او دروس اسلامية جميلة
وممكن اما نخلص اللى فات ده
تقعد مع حد فى البيت وتقوله "خبر ع الماشى " كده وانتو قاعدين فى "الصالون"
وتروحوا داخلين "مقهى المنتدى" تشربوا اى حاجة
وتليفزيون المقهى يكون مشغل فيديو لوحد "سياسى وقلمه حر" تروح قايم وطالع بره جرى طبعا
لاننا زى ما "الركن الادبى" بيقول :
بنحب نمشى جمب الحيط والحيطة ليها ودان ويا حيطه دراينى والكلام الشاعرى المألوف ده
وتلاقى جالك وجع فى بطنك ولا حاجة من مشاريب المقهى
تروح داخل "الركن الطبى" تاخدلك اسبرينه ولا حاجة
خلاص بقيت زى الفل !!
ممكن تروح القلعه او الاهرامات اى حاجة من باب "خمسة سياحه"
وطبعا هايكون معاك من "مكتبة الصور" الكاميرا بتاعتك عشان تصور وكده
وممكن يكون معاك فى رحلتك السياحية دى "شباب تريكاويه" و "بنوتات تريكاوية" وزمالكاوية واسمعلاوية
تتعرف عليهم بقى وتقولوا نكت ومواقف تضحك وتعيشوا "خمسه زغزغه"
واللى عنده فزروه يقولها واللى عنده "لعبه" ولا "مسابقة" يعرضها
وتتكلموا بقى عن الكورة والرياضه
واذا ذكرت الكورة ذكر نجم الكورة
محمد ابو تريكه
وتتكلموا عن "اهداف تريكه" وحلاوتها واوقاتها الصعبه الحاسمه
وتطلع موبايلك ولا الكاميرا بتاعتك وتوريهم صورة من "صور تريكه" الجميلة السكر دى
وواحد منكم يقولكم خبر من "اخبار تريكه" انه مثلا احتل المركز الاول لاكثر لاعبى العالم شعبية
وتروح مشغلهم فيديو من "فيديوهات تريكه" اللى بيقطع فيها اللاعيبة اللى ادامه
وتلاقى على جمب كده قاعد شوية اهلاوية بيتكلموا عن "نادى القرن"
وعمالين يتكلموا عن "صحافه الاهلى" وبرامج و"نقاشات الاهلى"وكليبات واهداف من "ميديا الاهلى"
وتلاقى فيهم "كاتب بقلمه" قصيدة شعر او قصة رومانسية او رواية
و"تتبادلوا الخبرات" وتستفادوا من بعض
الرحلة خلصت بقى وانت رجعت روحت ع الساعه 7 كده بالليل
بعد شوية الاهلى هايلعب فى الدورى
تروح فاتح التليفزيون وتعيش مع عالم "الستالايت" مع الدش
وتجيب برنامج "ستاد كورة مصرية" تتابع تحليل وتوقعات الماتش
ومثلا يكون ضيف البرنامج واحد من اشهر "الكتـّاب بالقلم الكبار"
وكمان برنامج "ستاد كورة عالمية" بيجيب اخبار ناديك الاوربى المفضل
وقناة مودرن بتجيب اخبار "الرياضات الاخرى" سله بقى وطايرة وسباحه و......
وطبعا الكابتن ممدوح فرج و"المصارعه الحره" و هووووبا فول اسلام .. بيوجع اوى
اكيد زهقت من التليفزين
عادى جدا
اقفله وافتح الكمبيوتر
وابدا برنامج من "برامج الكمبيوتر" عندك اشتغل عليه
فوتوشوب و جرافيك او ميكسات وكده و"ابدع" و "صمم" وعيش
ماعندكش او مالكش
عادى بردو
شغل لعبه من "العاب الكمبيوتر" واتسلى
او لو كنت مثقف وبتحب تقرا ادخل على موقع "تريكيبديا"
هاتعرف حاجات كتير فى الاقتصاد مثلا او الاجتماع او السياسة او ....
مالكش فى الكلام ده بردو
وكنت من محبى الروايات والقصص والكتب
ادخل على موقع من مواقع "الكتب الالكترونيه" وحمل اى كتاب عايزه او روايه او قصه او....
ولو عايز تنمى لغة تانية عندك ممكن تدخل "منتدى اللغات" وتشوف لغتك وتستفاد
النتيجة ع الابواب !! وانت عايز تجيب نتيجتك
ماتقلقش ادخل على "منتدى التربية والتعليم" واختار مرحلتك التعليمية وسنة دراستك وان شاء الله ناجح
ولو موبايلك عايزله نغمة او سيمز او برنامج
اوعى تقلق
ادخل من باب "موبايلات" وهتلاقى كل اللى نفسك فيه
لو احتاجت اى "دعم" او "مساعده"
اوعى تتردد فى انك تكلم "الادراة"
ولو بتتدور على حاجة عدى عليها وقت ومش لاقيها ف مكانها
عادى جدا
روح لـ "الارشيف" هتلاقى اى حاجة عايزها هناك
خلاص بقى
انت تعبت كده اوى
ولفيت كتير
وروحت هنا وهنا
وحان وقت النووووووووم
تروح متوجه الى "علبة الدردشة" وتقفلها كويس عليك
وتقفل البالكونه بتاعتها عشان الهوا بيبقى جامد بالليل
واحلام سعيدة يا قمر
الفيديو 
أحدث الصور 
موضوع: المنتدى .. بس !! بشكل تانى 
2010-03-31, 5:05 pm
