أولا إزيكم كلكم؟؟ وعاملين إيه؟؟ ووحشتوني جدا!!

نبدأ بقه...
أنا عايزة حد منكم أو كلكم يشوفلي حل في مشكلتي
أنا مخنـــــــــــــــــــــــــــــــــوقة أخر حاجة بجد
أنا عندي مشكلة في عدم القدرة على التعامل مع الناس كلهم
حتى أقربهم ليا أصحابي واختي وكل الناس
بحس إني لما هتعامل معاهم هغلط وممكن أخسرهم
وحاليا فعلا أنا بخسرهم كلهم
لإني مش بتكلم معهم خالص ولا حتى بقدر أتعامل معاهم إلا بشكل سطحي جدا
وهما فاكرين إن أنا قصدي كده أوبتعامل معهم بمبدأ الغرور والتعالي عالكلام معاهم
فبدأو يبعدوا عني"بعضهم"
غير كده لما بكون متضايقة من حاجة عمري ما بقدر أحكي لحد
وده بيتعب نفسيتي جدا فوق ما تتصوروا
بجد لو حد عنده حل ليا ويقدر يساعدني ببيه
أنا هبقى ممتنة ليه جدا
وآسفة لو طولت عليكم

والله مش عارف اقلك اي غير انك
تحاولي تتحكمي في نفسك
والحجات انا مريت بيها واكيد كتير مر بيها
بس انا لقيتلها الحل لاني ساعتها مكنتش بصلي وكنت اصلي يوم و عشره لاء وكنت
مخنوق من كل اللي قدامي
فالحمدلله لما صليت كل حاجه ابتدت تحسن
وكال واحد وحسب الظروف اللي بيعيشها
وان شاء الله تبقي امورنا كلها بخير وتتحسن
وحاولي تغصبي نفسك علي الكلام مع الناس حتي لو ملكيش نفس تتكلمي
هتلاقي نفسك اتعودتي وكل حاجه تمام
ده اللي عندي
وشكرا يا سلمي
وربنا يصلح احوالنا جميعا

بصى انتى مشكلتك دى بتحصل كتير جدا
بصى انتى مش متكبرة ولا اى حاجة لكن
دة بيبقى اسمه انطواااااااااااااااااااااء ع نفسك
ومش حتعرفى تتخلصى من مشكلتك دى غير
لما تتعاملى مع ناس كتير مش تقتصرى ع اختك
او صحابك بس وكمن انتى مش بتتكلمى معاهم
يعنى حاولى بقدر الامكان تتقربى من اختك الاول
احكيلها اى حاجة ودة حييجى بالتعود لانها اكيد
عاوزة تسمعك بعد كدة حتلاقى نفسك اتعودتى ع
الكلام مع الناس وبعد كدة حتلاقى نفسك تلقائيا
اتعودتى ع الكلام مع صحابك بس ابدئى باختك
كدة وهى اكيد حتفرح بدة اما بسبب خنقتك دى
ممكن زى مامحمد قالك انك ممكن تكونى بعيدة
عن ربنا شوية انتى بقى شوفى نفسك كدة دة غير
ان من اسباب خنقتك دى مشكلتلك اللى انتى فيها
فزى ماقلتلك حاولى كدة تبداى مع اختك وتخرجى
من حالة الانطوء اللى انتى فيها وهى حتيجى معاكى
واحدة واحدة كدة وان شاء الله ربنا يفك ضيقتك

أنا بجد متشكرة ليكوا جدا
والحمد لله أنا متقربة من ربنا جدا جدا
و هحاول أسمع كلامكم وأحاول معاهم
وبجد أنا مش قادرة أوصف ليكم شكري

السلام عليكم
فعلا المشكلة دى بتحصل كتير اوى مع ناس كتير
بس انا من رايى ان انتى لما تواجهك مشكلة تحاولى تتغلبى عليها وتقفى ادامها واول حاجة لازم تكونى مستعده وواثقة ف نفسك انك ان شاء الله هتقدرى تتغلبى ع المشكلة دى
تانى حاجة انك المفروض تخرجى من نطاق الناس القريبة منك شوية يعنى تتعاملى مع مدرسين اكتر ناس كتيييير يمكن تكون غريبة عنك شوية لانك لو قدرتى تتعاملى مع دول اكيد هيبقى سهل عليكى انك تتعاملى مع الناس القريبة
حاولى وان شاء الله توصلى لحل
يارب اكون قدرت افيدك يا قمرر

ميرسي جدا ليكم والحمد لله حاليا الأمور بدأت تتحسن بعض الشيء
وبدأت أتكلم من كتر ما أنا ساكتة
وميرسي جدا يا مدين عالرد بتاعك لإنه ضحكني جدا

بصي يا سلمى
الموضوع ده بيمر ع الكل
وانا واحد منهم
اوقات بكون كده
حاولي تقربي ليهم اكتر
وحاولي تتكلمي انتي معاهم
ودي فترة وهتعدي ان شاء الله

اولا انا بحييكى على جراتك وصراحتك لانك طالما اعترفتى انك عندك مشكلة تبقى هى دى بداية الطريق
وبعدين دى مش مشكلة ولا حاجة كل الحكاية انك من المفروض
انك زى مكنتى صريحة مع نفسك ومعانا كونى كمان صريحة مع اصحابك
واشرحيلهم ان دى طبيعتك انك انطوائية شوية
وصدقينى اكيد هم هيتقبلوا ده لانهم بيحبوكى
واكيد كمان هما هيحاولوا يغيروكى
وانتى كمان حاولى تغيرى من نفسك ومن تعاملك مع الناس
واعرفى انك مدام عاوزة حاجة يبقى اكيد هتوصليلها
يعنى حاولى تخرجى معاهم وتقعدى مع اختك وقت اكتر وتروحى
تزورى قرايبك واصحابك وابتدى انت بربط الود معاهم من جديد
اكيد هتلاقيهم كلهم جنبك وبيحبوكى
زى احنا مبنحبك كده ويمكن اكتر
يارب اكون قدرت اساعدك ولو شوية صغيرة
لانك بجد انسانة جميلة وتستاهلى اننا نساعدك