مدرسه الحياه(عاش فقير (-)ومات امير)

فى مدرسه الحياه شوفت حجات كتير شوفت الى عاش فقير وفى الاخر مات امير علشان كان عندو حلم بس شبه مستحيل قدر يحققو وما استسلمش للبديل احساس جميل لما توصل وتكسب والناس بتكتب علشان توصل هتتعب لازم تفضل صاحى لما يجيلك فرصه تركب ما تخليش حد يقف فى طريقك هتسبق وتلحق والى يحاول يشوشك ويشتتك عن الى واثق انو فى يوم هيسعدك ما تصدقوش خليك قد كلمتك مستقبلك جوا قلبك ما تخليش حد يحبطك ولو وقعت مره حاول مره كمان علشان احنا فى زمان الضعيف مالوش مكان ركز يلا وانجز مفيش وقت للكلام دا حتى الاكل مالوش طعم لو مكنتش جعان بتعدى بينا وتلف بينا ايام واحنا تلاميذ فى مدرسه الحياه *الحياه زى المدرسه وفيها كتير مدرسين والباقى تلاميذ مش عجبهم الروتين الى بقو مهندسين والى بقو مجرمين فيهم المزيف والحقيقى بوشين والسؤال لو ماتبع الكلام انته شارى نفسك ولا بايع القضيه انته دارى بنفسك ولا عايش للتسليه ما انته عارف نفسك مش محتاج تحليل شخصيه اصحى الناس بتجرى حولينا واحنا دلوقتى بنجرى بين ادينا ونسينا الى حصل للى تاهو قبلنا بلاش نغلط زيهم ونفتح عنينا للى جاى علينا مهما كان مدرسه الحياه ودا ميعاد الامتحان وزى ما واحد صاحبى قالها من زمــــــان الحقيقه مسيرها تبان وهنعرفها مع الايام والله والايام عدت اوام ياما شوفنا سوا وكبرنا اوام فى مدرسه الحياه