بسم الله الرحمن الرحيم
اكيد كلنا بنحب الله عز وجل وحتى ان مكناش حاسين بكده واكيد كمان بنحب رسوله الكريم محمد صلى الله عليه وسلم ولو كان ده موجود عندنا فساعتها هنحب بلادنا
علشان مطولش عليكم
الفكره باختصار انى احنا كشباب لازم يكون لينا دور فى الحياه علشان نرضى ربنا وكمان علشان ننهض ببلدنا
ونزود مهارتنا وخبرتنا الشخصيه
طيب المهم انى انا فكرت اننا نعمل مش عايزه اقول جمعيه هى بالتعبير الادق فرق هتكون فى كل محافظات مصر هتعمل ايه؟ هقولكم هى هتساعد الناس المحتاجه هوضح اكتر
انا مثلا عايشه فى اسيوط فى المكان الى انا عايشهفيه شايفه الناس المعدومه الى بتبقى عايشه على الرصيف وكده وطبعا المشهد ده فى كل انحاء العالم فهروح انا ومجموعه الشباب الى انشاء الله هيكونوا معايه هنوفر من دخلنا الشخصى جزء ونساعد الناس دى باكل بهدوم باى شئ وكمان هنروح ملاجئ ايتام وحاجات كتير من النوع ده دا جزء
الجزء التانى ان شاء الله
هيكون مجله هنبدا بيها احنا الشباب الى نكتبها ونعمل فيها كل شئ
وهيكون هدفها اننا نحاول نوصل بيها للشباب الصغير ونحبه فى بلده ننمى قدراته نحسسه انه مهم وكمان احنا اكبر المستفدين لان عندها هتعلم تحمل المسؤليه وهنستفيد من بعضنا وهنمى وماهبنا فى الكتابه والرسم والتخطيط وكل حاجه.
فاتمنى ان الفكره تعجبكم والاقى اعوان كتير يكونا جادين زى ما انا متوقعه
وللمزيد من التفاصيل ممكن تزوروا