تسمحلى اوديك ف داهية !!

موضوع: تسمحلى اوديك ف داهية !! 2010-06-23, 3:46 am

تسمحلي أوديك في داهيه؟

تسمحلي أضرك ضرر كبير

تسمحلي أضحك عليك و أخليك تعمل اللى بقولك عليه و متنفذش كلام اللى بيحبك رغم إن كلامي هيضرك

تسمحلي أخليك تضيع فلوسك و صحتك على حاجه ملهاش لزوم

تسمحلي أخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب نظرة تنظرها لحد تاني

تسمحلي أخليك تبطل تعمل الحاجه اللى بتصفي روحك و تقربك من اللى بيحبك

تسمحلي أخليك رخيــــــــص أوي و كل من هب و دب ينهش فيك و انت بيتهيألك إنك جميل أوى

تسمحلي اخليك بدل ما تسكن فيللا جميله تسكن تحت اي كوبري

ها .. قلت ايه ؟ ... يا ترى هتسمحلي بكل ده ؟

ايه ده بتقول مش موافق .. و بتقول عليا مجنون كمان

طيب استنى استنى أنا مش مجنون

اصل انت سمحت لحد تاني بكل ده و أنا قلت يمكن تسمحلي انا كمان

مع ان الحد التاني ده عدو ليك و ليا و انا اقربلك منه بكتير

عارف مين هو ؟

لأ انت عارف بس مش واخد بالك

اقولك اسمه

كل الناس عارفه اسمه

حتى الاطفال الصغيرين

إسمه

الشيطان

طيب مش أنا اولى بيك من الشيطان

طيب لو انت مش هتسمحلي بكل ده

يبقى ليه تسمح للشيطان انه يعمل معاك كده

ايه ؟ .. بتقول ايه ؟ ... بتقول انك مسمحتش للشيطان بكل ده

لالالالالا انت سمحتله بس انت ناسي
و انا هفكرك

لما تعصي ربك و تسمع كلام الشيطان يبقى سمحتله يضحك عليك و يخليك تعمل اللى بيقولك عليه و متنفذش كلام ربك اللى بيحبك

لما تشتري بفلوسك سجاير تضر بيها صحتك يبقى سمحتله يخليك تضيع فلوسك و صحتك على حاجه ملهاش لزوم

لما ما تغضش بصرك يبقى سمحتله يخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب النظرة دي

لما ماتصليش يبقى سمحتله يخليك تبطل تعمل الحاجه اللى بتصفي روحك و تقربك من ربك اللى بيحبك

لما تلبسي محزق و مكشوف يبقى سمحتيله يخلي كل من هب و دب ينهش فيكي و انتي بيتهيألك إنك جميله أوى

لما من كتر معاصيك و استسلامك لوسوسة الشيطان تبعد عن الجنه و تقرب من النار يبقى سمحتله يخليك بدل ما تسكن فيللا جميله تسكن تحت اي كوبري

راجع نفسك .. راجعي نفسك

عرفت بقى انى مش مجنون لما طلبت منك كده

عرفت ان انت اللى مجنون لو كنت بتسمح للشيطان بكده

لو كنت وافقت ع اللى طلبته منك يبقى مش هلومك لما تسمع كلام الشيطان

لكن لا الفطره ولا العقل ولا المنطق ولا الاخلاق و لا الدين ولا كلام ربنا يوافق على الكلام ده

يبقى بقى لازم ............. لازم تراجع نفسك و تبعد الشيطان عنك

انا اسفه جدا علي عنوان الموضوع وبعد الشر عليكم اخواني واخواتي من ايييي داهيه))

موضوع: رد: تسمحلى اوديك ف داهية !! 2010-06-23, 4:06 am

الله الله الله
بجد توبيك روعه اوي
يارب كل الي يقراه يفهم معناه
جزاكي الله خيرا يا اميره
ربنا يجعله سبب ف دخولك الجنه

موضوع: رد: تسمحلى اوديك ف داهية !! 2010-06-23, 4:08 am

يااااااااااااااااارب يا احمد
وجزاك مثله ان شاء الله
شكرااااااااااا لمرورك الرائع

موضوع: رد: تسمحلى اوديك ف داهية !! 2010-06-27, 12:10 am

بجد توبيك روعة تسلمى

و جزالك الله عنا خيرا كثيرا وعن كل قارئ له

موضوع: رد: تسمحلى اوديك ف داهية !! 2010-06-27, 12:27 am

رووووووووووووووووووووووووووووووووعة
بجد جمبلة جدا يا ميرو
تسلم ايدك
ربنا يباركلك يااااااااااارب

موضوع: رد: تسمحلى اوديك ف داهية !! 2010-06-27, 12:35 am

توبك اكث من رائع يا اميره ربنا يجعله فى ميزان حسناتك

موضوع: رد: تسمحلى اوديك ف داهية !! 2010-06-27, 2:49 pm

جزاكي الله خيرا
تسلم ايدك

موضوع: رد: تسمحلى اوديك ف داهية !! 2010-06-27, 4:48 pm

اللهم احفظنا من الوقوع في المعاصي والمهالك
جزاك الله خيرا

موضوع: رد: تسمحلى اوديك ف داهية !! 2010-06-27, 10:50 pm

جزاكم الله خيرا مثله ان شاء الله
نورتوا التوبيك بردودكوا