ناس كتير جدا بتختلف ارائها حول الصعيد او الصعايدة ففى مثلا اللى يقولك دول احسن ناس وفى اللى يقول العكس

مع اننا عارفين جدا ومسلمين كمان ان الصعايدة جدعان قوى واهل الكرم والخير كله

ده غير ان مشاهير الادباء والعظماء من الصعيد زى (عباس محمود العقاد و عبد الرحمن الابنودى والريس جمال عبد الناصر والشيخ عبد الباسط عبد الصمد)

وغيرهم كتير قوى من العظماء اللى اثروا البلد وساهموا فى نجاحها

ده غير نظرة الناس لاهالى الصعيد على انهم غير متمدنين او مقفلين مع ان الفكرة دى اتغيرت من زمان قوى

وبقى الصعيد متفتح جدا وليس منفتح لان فى فرق كبير جدا بين الانفتاح والتفتح

واكيد انا اقصد التفتح بمعنى التمدن والتقدم لكن طبعا كل ده فى حدود

حدود فرضها المجتمع الصعيدى على الصعايدة حدود كلنا نتشرف اننا ملتزمين بيها

وخاصة ان الحدود او القيود اللى فرضها عليها مجتمعنا الصعيدى مؤيدة جدا

لديننا الحنيف الدين الاسلامى ولسنة نبينا محمد عليه افضل الصلاة والسلام

لكن مش معنى كدا ان المجتمع الصعيدى وحده اللى ملتزم بتعاليم الاسلام لا طبعا فى كتير جدا من المجتمعات الشرقية ملتزمين قوى بتعاليم الاسلام السمحة

ولكن لكل قاعدة شواذ

لو دخلت فى اى بيت من بيوت الصعيد هتلاقى احسن استقبال وترحاب واجمل ابتسامة ممكن تشوفها فى حياتك وده اكيد نابع من الاصل الطيب والروح الجميلة اللى بيتحلى بيها كل الصعايدة

والقلوب المضيافة والكريمة والسعيدة بكل ضيوفها

واخيرا من كل قلبى ببعت تحية كبيرة قوى لكل اهلى وحبايبى الصعايدة
اللى يشرفنى بجد وافتخر انى اكون وحدة منهم

اى خدمة يامنونة لا شكر على واجب دى اقل حاجة ممكن نقدمها لاهالينا فى الصعيد وبجد لازم نفتخر قوى اننا من الصعيد بلد الاحترام والكرم والجدعنة والدم الخفيف
فعلا (لو لم اكن صعيديا لوددت ان اكون صعيديا) ههههههههههههههه
تشلمى يامنونة على مرورك نورتينى ياقمر

تسلمى ياكبيرة على ذوقك انتى انضميتى للرباطية وانا هجيبلك عريس صعيدى عشان تبقى صعيدية رسمى كدا
وولادك كمان يبقوا جدعان قوى ورجالة قصدى ردالة هههههههههههههه
ميرسى ياايمى ياقمر
وتحيا مصر اول وتانى ومليون المهم اننا كلنا ايد وحدة
مدام بنحب بعض وبنحترم بعض يبقى لازم نبقى اجدع ناس
لاننا مصريين وبكل فخر
واحب اسمع اغنية مصر هى امى خيرها جوا فمى هههههههههههههههههههههههههه