بسم الله الرحمن الرحيم

يا جماااعه انا كتبت الموضوع ده ...وبكل اسى ..اكتبه وانا لا املك كلمات للتعبير عن ما بداخلى
فقد يجد الكثيرون ان الموضوع ليس به كلاام كافى ...او ان الموضوع ليس دسما كفايه

لكن انا جايه النهارده اتكلم عن الشعب المصرى .....قلى انا ما زلت مصره على انه احسن واجدع شعب
بجد يا جماااعه انا حاسه بجزن شديد على الشعب المصرى ...لانه ليس فى المكان الصحيح ولا الدوله الصحيحه
[size=24]
انا شايفه ان الشعب المصرى ده بجد شعب رائع ...وجدع جدا (لكن الحكومه هى الى مطلعه عينه)
[/size]
هتقولولى شعب ايه الى حلو .....انتى مش شايفه جرائم السرقه
*هقولكم طيب وهو سرق ليه مش علشان يأكل ولاده ...مش علشان يعيش

هتقولولى طيب وجرائم القتل (كلها على الفلوس)
* هقولكم نفس الشئ ...عايزين ياكلوا ..عايزين يعيشوا

_ لكن تعالى بقى شوف جدعه الشعب المصرى ...لو مثلا نتكلم عن قضيه خالد سعيد ...شايفين الشعب المصرى عمل ايه الشعب مش ساكت ...رجاله مضر وبناتها وشاببها وستتها مش ساكتين ..ولا هيسكتوا

[size=24]الشعب المصرى ده جوهره ...لو اطحت فى دوله تقدره وحكومه تقدره
هنكون احسن ناس فى العالم ......علشان كده انا كل يوم ببكى على هذا الشعب العظيم
الذى اره نزيفه امام عينى ...وارى انه بهذا الشكل فى يوم من الايام سيوف يموت من كتر النزيف
[size=2[/size]4]
امشى فى كل حته ارى من يشرب الممنوعات
وعند سؤالك له يقول :الدنيا الى خلتنى كده (ابويا ميت وعندى حوالى 5 اخوات بنات وامى تعبانه ومش لقين نأكل تعبت وعلشان ااقدر استحمل لازم اشرب اعمل ايه )
[/size]
مش حراام يا جماعه ....مش حراام يا حكومه ...مش حراام يا بلد
احنا بننزف وهنضيع ونظيف ولا هنا وحد سمعنا
الشعب هيموت وهيأكل فى بعضه .....اسعار غاليه ومرتبات منخفضه ...قتل وسرقه علشان الفلوس
شببنا الى تعب من كتر اللف والدوران على الشغل وفى الاخر راح للمنوعات
مش حرااام ..مش حرام يا نظيف ..مش حرام يا حكومه ...مش حرااام

فاليوم 52 مليون مصرى يعيشون تحت خط الفقر ...ولسه كمان
نسبه البطاله تعدت 23% ولسه برضوا
13 مليون عانس ...ولسه برضوا
4 مليون مدمن ...وده الظاهر والله اعلم ايه الى مش ظاهر
قضيه فساد كل دقيقتين
اكبر نسبه فشل كلوى وكبدى وسرطانى فى العالم

انا تعبت وكلاامى خلص ومش عارفه ااقول غير (حسبى الله ونعمل وكيل)

قال الله تعالى "ولا تحسبن الله غافلا عما يعمل الظالمون انما يوخرهم ليوم تشخص فيه الابصار مهطعين ومقنعين روسهم لا يرتدوا اليهم ترفهم و افئدتهم "
صدق الله العظيم

والله ما عارف اقول ايه
الكلام يعتبر معظمه صح
فعلا احنا يعتبر ضايعين
تاقهوه اشتكت من قعده الشباب عليها
بجد الحكومه مش بتفكر فينا
انا كنت زمان بدافع عنها
بس دلوقتي مش لاقي مبررات ليها
كل حاجه بتتعمل غلط
ربنا يستر من الي جاي
شكا علي الطرح القيم ده يا عاشقه تريكه
جزاكي الله خيرا

ده يعني على أساس إن اللي قتلوا خالد مش مصريين
أو إن الحكومة دي مش مصرية
ما كلهم كانوا مصريين زينا وبيحبوا البلد وبيغيروا عليها زينا برضه
بس السلطة عمتهم
وإحنا كمان عميناهم عننا
هيأنا ليهم إن مصر دي مزرعة وارثينها عن أهاليهم
وإحنا العبيد اللي بنجيب رزقها
ونديه ليهم وهما بيدونا ملاليم وبيميزوا ناس عن ناس
أشهرهم طبعا لاعبي كرة القدم والفنانين
غير السرقة العلني اللي بتحصل من ناس مصريين
إحنا لو عايزين حقنا بجد في المزرعة دي هنجري عليه
ومش مستنيين نعرف نجري عليه إزاي!!
وسوري لو دخلتي كانت جامدة شوية

حسبنا الله ونعم الوكيل

فعلا الشعب المصري شعب راااااااااااااااااااااائع وكفاية انهم خير جند الارض

ربنا يصلح الحال يااااااااااااارب
تسلمي يا عاشقة ابو تريكة علي الموضوع والطرح

كلامك جميل اوي
وشئ جميل انك تحسي بالناس وبالمشاكل اللي بيعانيها الشعب
لكن انا تقريبا مش متفق معاكي في مضموون المووضوع

وهاخد من موضوعك عبارة هاعلق عليها

اقتباس :

الشعب المصرى ده جوهره ...لو اطحت فى دوله تقدره وحكومه تقدره
هنكون احسن ناس فى العالم

انا معاكي ان الشعب المصري شعب جدع واصيل
بس الحكومة دي ماهي مننا ومن الشعب المصري .. الاصيل والجدع
ان الله لا يغير مابقوم حتي يغيروا ما بانفسهم
ومثل ما تكونوا يول عليكم
لازم نصلح من نفسنا

كمان دفاعك عن المدمنين والحرامية والمحرمين غير مقبول
ومش منطقي ابدا ان اللي ظروف الحياة تتعبه يتجه للمخدرات اللي تمنها الشئ الفلاني
واللي بدورها بتدفعه لسلوك طرق غير مشروعه للكسب
عشان يقدر يصرف ع الكييييف

ليه مانبصش للشباب المحترم اللي بيكافح رغم صعوبة الظروف
مؤهلات عليا وطلبة كليات وبيشتغلوا في مهن ماحدش يتوقعها
وبمقابل مادي ضعيف جدا بس اهو بيساعدهم

بدل مايحطوا ايدهم علي خدهم ويقولوا البطالة والحكومة والريس ... الخ الخ

البلد فيها عيوب كتير ولكن احنا اللي صنعنا العيوب دي سواء كافراد او كمجتمع

والاصلاح عمره ماهيجي فيوم وليلة ولا عمره هيجي من فوق
لانه مش هيحصل ابدا انه ينزل ملاك من السماء ويحكمنا ويصلح البلد

لازم القاعدة اللي بيخرج منها الرئيس والوزير والمدير تبقي كويسة عشان كل المسؤلين دول يبقوا كويسين

والقاعدة دي اللي هي احنا

فكل واحد فينا لازم يصلح من نفسه ويحاول يساعد اللي حواليه انهم يبقوا احسن

اسف ع الاطالة
واؤكد احترامي ليكي ولرأيك .. رغم اختلافي معاكي في الرأي

وباحيكي ع المقال وع انك فكرتي فحاجة
غيرك اكبر اهتماماته البوم عمرو وفيلم تامر وفستان اليسا
فبجد انتي تستحقي التحية

بسم الله الرحمن الرحيم
طيعا اشكركم كلكم كل من اتفق او اختلف معى فى الرأى لكن عندى ملحظات بسيطه على ردودكم

اولا احمد الشعار ::::::::::

طبعا شكرا ليك جدا يا احمد وانا برضوا كنت زيك بدافع عن الحكومه ....لكن كلاامى خلص
ومش بقيت عارفه ااقول ايه (ربنا يهديهم )

ثانيا lmlm:::::::::

طبعا يا حببتى معاكى حق الحكومه فعلا مش الشعب المصرى انا مش قولت غير كده ...لكن انا موضحه فى موضوعى ان الحكومه ظلمه الشعب زى ما ممكن الا حد يظلم حد
الحكومه ديه ناس عمتها المناصب والاموال والسلطات وبتتحكم فى الشعب ....وطبعا احنا الى غلطانين برضوا علشان ادنلهم المساحه انهم يتحكموا فينا ....بس هما السلطه الاكبر الى سمحت لاى حد عنده سلطه انه يعمل الى هوه عايزه بسلطته وبسهوله .. واى شعب يا حببتى فيه الحلو وفيه الوحش ...بس ااقصد ان شعبنا الاكثر منه او الى داخله حلو زى الناس الى وقفت بجانب خالد سعيد واكيد منهم انتى
لاء يا حببتى عادى ادخلى بشده وبرحتك انا مش زعلاانه خلااص من ابداء الراى

ثالثا عاشقه الاهلى :::::::::

طبعا يا حببتى متشكره جدا جدا على مرورك الكريم

رابعا واخيرا المدير الكبير مدين :::::::::

اقتباس :

انا معاكي ان الشعب المصري شعب جدع واصيل
بس الحكومة دي ماهي مننا ومن الشعب المصري .. الاصيل والجدع
ان الله لا يغير مابقوم حتي يغيروا ما بانفسهم
ومثل ما تكونوا يول عليكم
لازم نصلح من نفسنا

طبعا يا مدين انا رديت على الجزء ده فوق عند lmlm
وطبعا لازم نغير نفسنا الاول معاك جدا جدا فى الجزء ده

اقتباس :

كمان دفاعك عن المدمنين والحرامية والمحرمين غير مقبول
ومش منطقي ابدا ان اللي ظروف الحياة تتعبه يتجه للمخدرات اللي تمنها الشئ الفلاني
واللي بدورها بتدفعه لسلوك طرق غير مشروعه للكسب
عشان يقدر يصرف ع الكييييف

مدين انت فهمتنى غلط انا مش بدافع اطلاقا عنهم لكن انا كنت بطرح صوره من الصور الى موجوده فى مجتمعنا مش اكتر ..لكن طبعا مش بدافع عنهم هما غلطانين وغلطانين جدا جدا كمان
وطبعا لازم الحكومه تأخد معاهم موقف صارم ...لكن انا بطرح صوره ليس اكتر

اقتباس :

ليه مانبصش للشباب المحترم اللي بيكافح رغم صعوبة الظروف
مؤهلات عليا وطلبة كليات وبيشتغلوا في مهن ماحدش يتوقعها
وبمقابل مادي ضعيف جدا بس اهو بيساعدهم

طبعا الشباب دول احسن ناس وربنا يهدينا ونكون زيهم
ونخدهم قدوه لينا احسن ناس الشباب دول والله

اقتباس :

البلد فيها عيوب كتير ولكن احنا اللي صنعنا العيوب دي سواء كافراد او كمجتمع

والاصلاح عمره ماهيجي فيوم وليلة ولا عمره هيجي من فوق
لانه مش هيحصل ابدا انه ينزل ملاك من السماء ويحكمنا ويصلح البلد

وامتى هيجى الاصلااح ده انت بتقول مش فى يوم وليله
طب احنا بقلنا سنين وكل يوم نسوء عن اليوم الى قبله لحد اممتى

اقتباس :

اسف ع الاطالة
واؤكد احترامي ليكي ولرأيك .. رغم اختلافي معاكي في الرأي

لاء طبعا مدين مش تتأسف خاااااااالص
بالعكس انا استفيج من رائيك جدا ....علشان لو كنت قولت حاجه غلط افهمها منك
وطبعا الاختلااف لا يفسد للود قضيه

اقتباس :

وباحيكي ع المقال وع انك فكرتي فحاجة
غيرك اكبر اهتماماته البوم عمرو وفيلم تامر وفستان اليسا
فبجد انتي تستحقي التحية

الحمد لله وشكرا ليك

بس يا جماعه انا بس مش كاتبه الموضوع ده علشان ادافع عن الشعب المصرى فى نقطه محدش اخد باله منه .....انا كاتبه الموضوع علشان عايزه الحكومه تسمعنا وتقرب منا .وضربت نماذج عن قلى بقى بيحصل فى البلد من عدم الاهتمام


متشكره ليكم كلكم ويارب مش اكون ضايقت حد بردى ونورتوا الموضوع

مرسى جدا يا جماعه على ردودكم بس برضوا عندى تعليق بسيط

اولا محمد مايكون اهلاوى ::::

اقتباس :

+
----
-

انا
شايف ان دى فى حد ذاتها كارثة ان سورى يعنى بنت فى بداية عمرها زيك عندها
يجى 14 سنة تبقى حاسة كده وتبقى شايفه اد ايه الشعب بيعانى

يا محمد الحكايه مش حكايه سن ...الحكايه حكايه انى واحده من الشعب الى بينهار كل يوم اكتر من اليوم الى قبله ...الحكايه انى شايفه وحاسه بناس بتمووت خلاااص ....الحكايه انى شايفه ان الدوله هتضيع وشببها هيضيع وكل الى بنقوله ربنا يسهل
وشكرا طبعا يا محمد على كلاامك وطول برحتك ...ومش تخاف انا فهماك صح فى الاول


وبعدين محمد ميكانو ::::::::

اقتباس :

اولا :انا هعلق علي الجملة دي
اوبوه مات وعندة 5 بنات وامة تعبانة
يعني بالزمة دا المفروض يخلية يشرب مخدرات

عندك حق ....لكن مش عايزه ااقولك اقسم بالله ان الى انا قولته ده حقيقه وبيحصل
وشباب كتييير اوووووى بيعملوا كده ...وبيتجهوا للممنوعات
لكن طبعا انا وضحت انى مش برجح نهائى انهم يعملوا كده ...لاء انا برجح انهم يشتغلوا ويتعبوا

اقتباس :

ثانيا:انا مش عاوز حد يقول مفيش شغل
فية شغل والشغل كتيييييييييييير جدا كمان

لاء يا محمد مش متفقه معاك الشغل مش كتييييييييير جدا زى ما انت بتقول
امل الناس الى بتفضل بالاربع والخمس والست سنين بيدوروا على الشغل
طب اقسم بالله ان الجراج بتاع العربيات الى تحت البيت بتعنا ....شغال فيه مهندس متخرج من كليه هندسه ...وفضل يدور على الشغل لمده 5 سنين ومش لقى وفى الاخر جراج

والزبال الى شغال عندنا فى العماره خريج تجاره ...وبرضوا مش لقى شغل وفى الاخر زبال

بص يا محمد هو فعلا فيه شغل .....بس مش كتيييييير
انما لو بباك معاه وسطه او حاجه مسئوله فى البلد الشغل بس سعتها هيكون كتيير

اقتباس :

مقلناش الي هيشرب مخدرات انا هخرجة من الي هوا فية
واسف علي الاطالة

تمام عندك حق ....بس الشباب الى عمل كده عددهم مش قليل 4 مليون مدمن
وده الظاهر بس
عموما خلااااص وعادى يا محمد انت تطول برحتك

بصى يا هدى انا هبدأ بكلام الله الجليل :
"انتشر الفساد فى البر والبحر بما كسبت ايدى الناس ".
صدق الله العضيم .


احنا الى عملنا كده هو مين الى بيرتكب الذنوب الى ربنا علشنها بيعمل فينا كده .
ده عقاب ربنا .
انا متفقه معاكى بس برضو احنا علينا جزى كبير جدا .
لان ممكن الشعب لو مترابط بجد يقوم بثوره او يغير نفسه ليه بنتنكر لنفسنا
محنا الى بنلوث الهوا والميه والاكل وكل شى واحنتا الى لوثنا البشر
بشر ابرياء زى وزيك وزى كل الناس نفسهم فى مجتمكع نظيف ليس فقط من
القمامه دى مقدور عليها .
نضيف من الغش والخداع والكذب والخيانه وكل حاجه فكان الحل لمعظم الناس الابرياء
الانتحار للاسف وهم جاهلين ان كده هيخشو النار يمكن يكون النار ارحم عليهم من الى هما عايشينه وشيفينه

وبقولك العيب فى الكل منهم انا وانتى والكل والضفاء الى بقولو يارب نفسى
وتولع الدنيا بما عليها .

دول لزم يتغيرو

وهرج واقول واختم بقوله تعالى :
"لا يغير الله ما بقوم حتى يغيروا ما بانفسهم "

وده ردى ويا ربت مش يكون زعلك

انتى لسه صغيره لزم الدنيا تبقى بامبى

انا زيك بس للاسف متابعه اخبار العالم وده الى كبرنى قبل مكبر
انا بطلت اتفرج ع الخبار والافلام والمسلسلات علشان بيجيلى اكتأااااااااب من الى بيحصل
المس بتاع المدرسه قالتلى " يابنتى بطلى تتفرجى ع التلفزيون والاخبار علشان تقدرى تعيشى "
ههههههههههههه.
يعنى لازم نفضل مغيبين علشان نعيش ودى مس مش عيزانى حتى افهم العالم علشان اقدر اكمل
طيب مين الى هبغير البلد لما الشبابا يطلعوا مغيبين ومنعزلين عن العالم .

انا مش بقول كده علشان تياسى

بس مش عندى حاجه تانيه اقولها ومش عايزه اكذب عليكى واقولك لو الحكومه اتغيرت الدنيا هتتغير لان الحكومه الجايه من الشعب وهتبقى اكثر فساد .

والله يا هدي انتي الاول تستحقي تحيه من الناس كلها
ثانيا العيشه اللي احنا فيها مره نقول من الحكومه ومره نقول من الناس ومره نقول ازمه وهتعدي
وكل اللي احنا فيه ده منينا احنا من الناس مش من الحكومه
الحكومه لاقيه ناس علي هواها فابتعمل اللي بتعملو فيها
كل يوم تسمعي اعتصام قدام مجلس الشعب اعتصام قدام مش عارف اي وناس بتنام في الشوارع علشان تطول حاجه من حقها
لكن لا حياة لمن تنادي
لكن تسمعي بقي بره في اوربا ولا امريكا لو الشعب حس ان الحكومه بتعامل الكلاب بتاعت الشوارع معامله وحشه ولا حاجه ممكن يغيرو الحكم علشان الكلاب تلاقي الدنيا اتقلبت


واحنا ياريت نبص لنفسنا ونبص لشبابنا ولبناتنا والمظاهر اللي احنا بنطلع بيها
نبص لعادتنا محدش يقول انا بسرق علشان ااكل اخواتي او اصرف علي البيت
محدش يقول اني انا ادمنت علشان العيشه صعبه ومفيش شغل ومفيش .........
مهو ده اللي جايبنا ورا
وربنا يتولانا برحمته
اسف للاطاله