سؤال كده فكرت فيه وقولت أما أسألكم....


هو بجد أسنان الإنسان عورة واللا لأ؟؟!!



أكيد الإجابة هتكون لأ ومعتقدش إن حد ممكن يقول عورة ولازم تتخبى...

بس أنا شايفة إن كلنا خلاص اعتبرناها عورة ومبقيناش نظهرها..

ابتسم ياعم .... ابتسمي يا أمورة



كل الناس دلوقتي بقت ماشية في الشارع متجهمة ومكشرة معرفش ليه؟؟!!

مش عايزة حد يقولي البلد بقى حالها زفت وهنبتسم إزاي وفلسطين بتتضرب

والكلام اللي أنا وانتم كنا بنقوله دايما وعمال على بطال

بنبرر بيه التكشيرة بتاعتنا الدايمة على وشنا

وبعتقد إن اللي عايز يبتسم هيبتسم لإننا بنعمل كل حاجة وحال البلد بايظ...
مش هنعرف نبتسم يعني!!

تخيل إنك دايما بتمشي في الشارع وشكلك كده ...



وانتي شكلك كده..



ده شكلم وانتم مكشرين..عـــــــــــاجبكم!!
طب ليه منفتحش الستارة اللي على سنانا دي ونبين الشيش الجميل اللي جوه

ياعم عالأقل نفذ حاجة سهلة من اللي الرسول قال عليها..

"تبسمك في وجه أخيك صدقة"

"إنكم لن تسعوا الناس بأموالكم فليسعهم منكم بسط الوجه وحسن الخلق"

"لا تحقرن من المعروف شيئا ولو أن تلقى أخاك بوجه طليق"

مش بتقولوا بنحب أبو تريكة دايما ... طب ما أبو تريكة عل طول مبتسم



طب بالأمانة مش هتبقى أمور وإنت مبتسم...
على فكرة كمان الإبتسامة دي مفتاح الدخول لأي قلب..
ياريـــــــــــــــــت دايما تكونوا مبتسمين وميكونش حد مكشر أبدا

جزاكى الله خيرا
معتقدش انها عوره

ايه الجمال دا
تحفة المووضوع والفكرة والاسلوب
بجد تسلم ايديكي
وانا بيني وبينك سناني وقعت من كتر ماباعرضها للهوا ههههههههههههههه
تكشير ايه بس هي ناقصة


ومرة تانية تسلم ايديكي ودماغك
الموضووووووع ممتااااااااااااز للصبح