السلام عليكم ورحمة اله وبركاته

ازيكم كلكم عاملين ايه؟

جبتلكم لعبة حلووووووووووووة جداا
هتبين مدا احترافكم في النصب والكدب

اللعبة هي ان كل واحد يقول لنا حكاية توقع الطير اللي فالسماء من الصواريخ اللي فيها
عايزين صواريخ وحكايات لو برج التجارة بتاع 11 سبتمبر موجود توقعه
عايزين حكايات متتصدقش ولو 1% عايزين النصب على اصوله

ولازم افكركم بالقوانين الصارمة صرما مبرحا
1. يجب ان يكون صاروخ اقصد حكاية تضحك وحلوة يضحك عليها حتى المجانين
بس لو ملقتش صاروخ يضحك مش مهم اكتب اللي تكتبه (بس مينكدش علينا يعني)


2.يحق لاي نصاب اقصد عضو المشاركة باكتر من مرة

3.واهم حاجة هو ان كل واحد يعلق على نصب اللي قبليه

ها يا جماعة وروني بئة مشاركتكم

الصراحه يانورهان موضوعك ده بيفكرني اما كنت رايح أصطاد سمك

فأول موصلت كان فيه شويه هوا

فأخدت برد فعطست

فالمياه كله طارت علي الشط التاني بعيد

ومتقلقتش مياه اصطاد فيها

طيب قلت لنفسي ياواد يامحمود ايه الحل؟؟

فقعدت افكر حوالي تسع ست سنين

وانا قاعد من غير متحرك

وبعدين قلت الحل الوحيد اني اجيب جردل ميه كبير اوي

وادلقه في البحر واصطاد

وفعلا قعدت أدلق لغايه ما البحر اتملى

وفاض شويه في الجردل

مردتشي ادلقهم عشيان ميحصلش فيضان

وبعد كده قعدت اصطاد براحتي

ومرة واحدة اتلاقيت نفسي عطست تاني !!!!!!!!!1

العابك دايما اسطوره يا نورهااااااااان وفظيعه المهم بقي

موضووع البحر دا والسمك بيفكرنى لما كنت في يوم وانا ماشي وسط الصحراء

فجوعت طلعت الصناره الى من غير طعم طبعا ورميتها في البحر

وقعدت كدا بالظبط 30 سنه بس لغايه لما طلعت سمكه مشويه

زعلت جدا بصراحه اصلى كان نفسي تكون مقليه ورميت السمكه في البحر

رميت الصناره تانى لقيت السمك علق بسرعه في الصناره بعد 50 سنه بس

طلعت سمكه مقليه كنت صرفت نظر وقولت اكل المشوى احسن ورميتها في البحر تانى

رميت الصناره تالت لا قيت ورقه طلعت في الصناره من سمكه

بتقولى حدد عايز ايه بسرعه عشان المطعم قرب يقفل صرفت نظر

وقولت اجيب دليفرى احسن بدل مالواحد هيحتاار بس المشكله الى قابلتنى

انى نسيت رقم الراجل بتاع الدليفري فقولت تعمل ايه تعمل ايه

بصراحه انا محتار انتو ايه رايكم ارمى الصناره تانى

والا اجيب دليفري احسن

ساعدونى اصلى محتار قووووووووووى

انا دخلت فين ......!! ايه ده كلله ده

العفو يا نورهان

الموضوع جميل جدا

عشان كده كان لازم أثبته

الحمد لله علي نعمة العقل

ييييييييييييياااااااااهههههه

قلبتوا عليا المواجع وفكرتونى بأيام زمان

كنا فى رحلة انا وبعض الزملاء باحد الجبال الوعرة

وطبعا قبل وصولنا لسفح الجبل مررنا بغابات طويلة

اشجارها كثيفة يشيب لهول منظرها الولدان

واحنا ماشيين شفت عصفور على احد الاغصان شكله حلو خالص

مشيت ناحيته واقتربت اكثر وحاولت الامساك به لكنه طار لغصن اخر

فتبعته وفى هذه الاثناء كان رفاقى قد غابوا عنى وابتعدوا كثيرا ولم

ينتبهوا الى تاخرى عنهم ، وفجأة لقيت اسدين طالعين لى من وراء الاشجار

لا بل ثلاثة اسود بل اربعة .

فقلت يا واد يا سحس هتعمل ايه تنادى على الجماعة وقلت لنفسى لا

دا يبقى عيب فى حقك وتبقى فضيحة يقولوا عليك خواف وخاف من حبة اسود

وقررت ان اتصدى لهم ودرت دورة كامله رافعاً احد رجلاى لاعلى

وصحت صيعة شقت سكون الغابة ففزع منها اسدين وتراجعا بسرعة

وبذات السرعة تناولت انا احد الفروع الملقاه على الارض وغرستها فى عين احد الاسود

الذى صرخ صراخاً مدويا وولى الادبار ، فى ذات اللحظه التى استدرت فيها لاغرس

العصا فى بطن الاسد الاخر الى ترنح وسقط ارضا .

وما ان شاهداة الاسدين الاخرين حتى فرا مزعورين ..

بس وصحيت من النوم

هههههههههه

ايه رايكم