يا عم بالراحة علينا بس ..... اقوله ايه دة ؟؟؟

الحمد لله و الصلاة و السلام على رسول الله
و بعد

الموضوع دة موجه لناس كتير

- موجه للي مبيصليش و بيقول الدين يسر و لما اكبر هأصلي

- موجه للي لابسة حاجة بيسموها حجاب و هي لا تمت للحجاب بصلة و بتقول لما أكبر و اتجوز هأبقى ألبس الحجاب الشرعي
-موجه للي بيسمع أغاني و عارف انها حرام و بيقول يا شيخ سيبني اعيش شبابي
-موجه للي بيتفرج على أفلام و عارف انها حرام و بيقول يا شيخ بلاش تشدد بلاش تعصب دة الدين يسر
-موجه للمدخن اللي بيقول هأبطل بعدين و تدريجي مع انه اللي هيبطل تدريجي هيرجع تدريجي و دة معروف

الدين يسر ؟؟؟؟؟؟ صحيح فعلا الدين يسر

بس معناها ايه ؟

هل معناها اني اعرف ان الحاجة الفلانية حرام و برضه اعملها و اقول الدين يسر ؟؟؟؟؟

لو الدين كدة فعلا يبقى دة مش دين ابدا

يسر الدين نابع من تعاليمه

انت عارف يعني ايه حرام ؟؟؟؟؟؟

اتفضل اعرف من هنا

ربنا لما حرم علينا أي حاجة حرمها لحكمة و لما أحل لنا حاجات كتييييييير أحلها لحكمة

بعض الحكم عرفناها و الأكثر لا يعلمه الا الله

ليه تسيب الحلال و تصر على الحرام ؟؟؟

ايه انتمائك للدين طالما مبتعملش بيه

أعرف منين انك مسلم لما اشوفك في الشارع

مستني ايه ؟؟؟؟؟؟ مستنية ايه ؟؟؟؟؟؟

مستني الزيارة الي هتجيلك أكيد

الزيارة اللي بتيجي مرة واحدة في العمر

و بعد الزيارة دي بينتهي العمر

مستني "" ملك الموت يزورك "" علشان ساعتها تتمنى لو أنك كنت مشيت كويس من الاول و تتمنى انك التزمت بشرع ربنا

اقرأ :::: و شوف الفرق اقرأ الآيات و استشعرها بقلبك

قال الله تعالى : "حَتَّى إِذَا جَاءَ أَحَدَهُمُ
الْمَوْتُ قَالَ رَبِّ ارْجِعُونِ (99) لَعَلِّي أَعْمَلُ صَالِحًا فِيمَا
تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ
بَرْزَخٌ إِلَى يَوْمِ يُبْعَثُونَ (100) فَإِذَا نُفِخَ فِي الصُّورِ
فَلَا أَنْسَابَ بَيْنَهُمْ يَوْمَئِذٍ وَلَا يَتَسَاءَلُونَ (101) فَمَنْ
ثَقُلَتْ مَوَازِينُهُ فَأُولَئِكَ هُمُ الْمُفْلِحُونَ (102) وَمَنْ
خَفَّتْ مَوَازِينُهُ فَأُولَئِكَ الَّذِينَ خَسِرُوا أَنْفُسَهُمْ فِي
جَهَنَّمَ خَالِدُونَ (103) تَلْفَحُ وُجُوهَهُمُ النَّارُ وَهُمْ فِيهَا
كَالِحُونَ (104) أَلَمْ تَكُنْ آيَاتِي تُتْلَى عَلَيْكُمْ فَكُنْتُمْ
بِهَا تُكَذِّبُونَ (105) قَالُوا رَبَّنَا غَلَبَتْ عَلَيْنَا شِقْوَتُنَا
وَكُنَّا قَوْمًا ضَالِّينَ (106) رَبَّنَا أَخْرِجْنَا مِنْهَا فَإِنْ
عُدْنَا فَإِنَّا ظَالِمُونَ (107) قَالَ اخْسَئُوا فِيهَا وَلَا
تُكَلِّمُونِ (108) إِنَّهُ كَانَ فَرِيقٌ مِنْ عِبَادِي يَقُولُونَ
رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ
الرَّاحِمِينَ (109) فَاتَّخَذْتُمُوهُمْ سِخْرِيًّا حَتَّى أَنْسَوْكُمْ
ذِكْرِي وَكُنْتُمْ مِنْهُمْ تَضْحَكُونَ (110) إِنِّي جَزَيْتُهُمُ
الْيَوْمَ بِمَا صَبَرُوا أَنَّهُمْ هُمُ الْفَائِزُونَ(111) " سورة
المؤمنون

و قال تعالى : " وَأَنْفِقُوا مِنْ مَا رَزَقْنَاكُمْ
مِنْ قَبْلِ أَنْ يَأْتِيَ أَحَدَكُمُ الْمَوْتُ فَيَقُولَ رَبِّ لَوْلَا
أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُنْ مِنَ
الصَّالِحِينَ (10) وَلَنْ يُؤَخِّرَ اللَّهُ نَفْسًا إِذَا جَاءَ
أَجَلُهَا وَاللَّهُ خَبِيرٌ بِمَا تَعْمَلُونَ (11) "
سورة المنافقون

عارف ان دة غلط ؟؟ طيب بتعمله ليه ؟؟؟؟

مش عارف انه غلط ؟؟؟ طيب مسألتش ليه ؟؟؟؟؟؟؟

قال الشاعر :

فإن كنت لا تدري فتلك مصيبةٌ

و إن كنت تدري فالمصيبة أعظمُ

مستني ايه ؟؟؟؟ مستنية ايه ؟؟؟؟؟

يا اللي عرفتي ان البنطلون برة البيت غلط و حرام و بتقولي كل حاجة تدريجي مستنية ايه ؟؟

يا اللي عرفتي ان التعطر برة البيت حرام و برضه مبطلتيش

يا اللي عارف ان التدخين حرام مستني ايه ؟؟؟

هتقول : يا شيخ عاوز اخدها تدريجي علشان ماتعبش

بالعكس

على سبيل المثال : التدخين اثبتت الدراسات العلمية ان الاقلاع عن التدخين
بالامتناع مرة واحدة يقلل الآثار الجانبية بنسبة كبير بخلاف من يمتنع
تدريجيا

قال الله تعالى :"وَمَنْ يَتَّقِ اللَّهَ يَجْعَلْ لَهُ
مَخْرَجًا (2) وَيَرْزُقْهُ مِنْ حَيْثُ لَا يَحْتَسِبُ وَمَنْ
يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ
قَدْ جَعَلَ اللَّهُ لِكُلِّ شَيْءٍ قَدْرًا (3) " سورة الطلاق

يا اختي يا اللي مستنية علشان عندك هدوم كتير على الموضة و مستنية تخلصيها و تشتري غيرها هدوم محتشمة

ممكن متلحقيش تلبسي هدومك دي

ممكن ملك الموت يزورك قبل ما تلتزمي بشرع ربنا

مفيش حاجة اسمها تدريجي

مفيش حاجة اسمها نص نص

مفيش حاجة اسمها لما يبقى ربنا يهديني

لو انت سعيت ربنا هيهديك لأنك بتسعى

عمرك سافرت قبل كدة ؟

افترض ان ميعاد القطار الساعة 10 و انت صحيت من النوم 10 الا ربع و بينك و بين المحطة لو خدتها جري حوالي ربع ساعة

هتعمل ايه ؟؟

هل هتستنى و تفكر و اروح و لا لأ ؟

لازم تنزل حالا

لو اتأخرت ثانية هيفوتك القطار

هو دة المطلوب

لو اتأخرت ممكن القطار يمشي و يسيبك و مش هيستنى حد

و ممكن تكون دي الفرصة الأخيرة ليك يا إما تستغلها صح يا إما ترجع تقول يا ريت

و الله أعلم هل هتقول ياريت في الدنيا و لا هتقولها يوم القيامة

الحق نفسك

الحقي نفسك

عرفت انه حرام خلاص يبقى في لحظتها لازم تمتنع

لو مش عارف ليه مبتسألش ؟

لو عندك مشروع هتعمله دراسة جدوى و 2 و 3 ليه في الدين لأ ؟

ليه مبتسألش في دينك ؟؟ليه مبتسألش عن الصح

بس اطمئن

لسة الطريق مفتوح

لسة عندك فرصة بس ممكن تكون الأخيرة

عَنْ أَبِى سَعِيدٍ الْخُدْرِىِّ أَنَّ نَبِىَّ اللَّهِ -صلى الله عليه
وسلم- قَالَ « كَانَ فِيمَنْ كَانَ قَبْلَكُمْ رَجُلٌ قَتَلَ تِسْعَةً
وَتِسْعِينَ نَفْسًا فَسَأَلَ عَنْ أَعْلَمِ أَهْلِ الأَرْضِ فَدُلَّ عَلَى
رَاهِبٍ فَأَتَاهُ فَقَالَ إِنَّهُ قَتَلَ تِسْعَةً وَتِسْعِينَ نَفْسًا
فَهَلْ لَهُ مِنَ تَوْبَةٍ فَقَالَ لاَ. فَقَتَلَهُ فَكَمَّلَ بِهِ مِائَةً
ثُمَّ سَأَلَ عَنْ أَعْلَمِ أَهْلِ الأَرْضِ فَدُلَّ عَلَى رَجُلٍ عَالِمٍ
فَقَالَ إِنَّهُ قَتَلَ مِائَةَ نَفْسٍ فَهَلْ لَهُ مِنْ تَوْبَةٍ فَقَالَ
نَعَمْ وَمَنْ يَحُولُ بَيْنَهُ وَبَيْنَ التَّوْبَةِ انْطَلِقْ إِلَى
أَرْضِ كَذَا وَكَذَا فَإِنَّ بِهَا أُنَاسًا يَعْبُدُونَ اللَّهَ
فَاعْبُدِ اللَّهَ مَعَهُمْ وَلاَ تَرْجِعْ إِلَى أَرْضِكَ فَإِنَّهَا
أَرْضُ سَوْءٍ. فَانْطَلَقَ حَتَّى إِذَا نَصَفَ الطَّرِيقَ أَتَاهُ
الْمَوْتُ فَاخْتَصَمَتْ فِيهِ مَلاَئِكَةُ الرَّحْمَةِ وَمَلاَئِكَةُ
الْعَذَابِ فَقَالَتْ مَلاَئِكَةُ الرَّحْمَةِ جَاءَ تَائِبًا مُقْبِلاً
بِقَلْبِهِ إِلَى اللَّهِ. وَقَالَتْ مَلاَئِكَةُ الْعَذَابِ إِنَّهُ لَمْ
يَعْمَلْ خَيْرًا قَطُّ. فَأَتَاهُمْ مَلَكٌ فِى صُورَةِ آدَمِىٍّ
فَجَعَلُوهُ بَيْنَهُمْ فَقَالَ قِيسُوا مَا بَيْنَ الأَرْضَيْنِ فَإِلَى
أَيَّتِهِمَا كَانَ أَدْنَى فَهُوَ لَهُ. فَقَاسُوهُ فَوَجَدُوهُ أَدْنَى
إِلَى الأَرْضِ الَّتِى أَرَادَ فَقَبَضَتْهُ مَلاَئِكَةُ الرَّحْمَةِ »
رواه مسلم

في بعض الروايات وجدوه أقرب الى الأرض التي أراد بشبر واحد

عارف معناها ايه ؟

انه لو كان اتردد لحظة و و فكر طيب اروح و لا ما اروحش طيب اسمع كلامه و لا لأ

طيب انا كدة كويس
لا مش كويس اتفضل اضغط هنا

لو كان فكر كدة كان الشبر دة فاته

انما أول ما عرف الطريق الصحيح لم يتردد

دة مع انه قتل مائة نفس

انت مهما عملت هل ذنوبك وصلت قتل مائة نفس ؟؟

لا أعتقد

يا شيخ انا عملت و عملت

برضه مش مشكلة لو هتلحق نفسك حالا

انما لو ترددت مقدرش اضمن

و الراهب اللي دله على التوبة اشترط عليه شرطين :

انطلق ..... و لا ترجع

سيب المكان اللي فيه المعصية و روح للمكان اللي فيه الناس الصالحة

سيب المكان اللي بيجبرك تعصي

مستني ايه ؟

مستنية ايه ؟

طيب عاوز تتوب ؟؟؟

و معقولة ربنا يقبلني ؟؟؟

أكيد

اقرأ :: عَنْ أَبِى هُرَيْرَةَ عَنِ النَّبِىِّ -صلى
الله عليه وسلم- فِيمَا يَحْكِى عَنْ رَبِّهِ عَزَّ وَجَلَّ قَالَ «
أَذْنَبَ عَبْدٌ ذَنْبًا فَقَالَ اللَّهُمَّ اغْفِرْ لِى ذَنْبِى. فَقَالَ
تَبَارَكَ وَتَعَالَى أَذْنَبَ عَبْدِى ذَنْبًا فَعَلِمَ أَنَّ لَهُ رَبًّا
يَغْفِرُ الذَّنْبَ وَيَأْخُذُ بِالذَّنْبِ. ثُمَّ عَادَ فَأَذْنَبَ
فَقَالَ أَىْ رَبِّ اغْفِرْ لِى ذَنْبِى. فَقَالَ تَبَارَكَ وَتَعَالَى
عَبْدِى أَذْنَبَ ذَنْبًا فَعَلِمَ أَنَّ لَهُ رَبًّا يَغْفِرُ الذَّنْبَ
وَيَأْخُذُ بِالذَّنْبِ. ثُمَّ عَادَ فَأَذْنَبَ فَقَالَ أَىْ رَبِّ
اغْفِرْ لِى ذَنْبِى. فَقَالَ تَبَارَكَ وَتَعَالَى أَذْنَبَ عَبْدِى
ذَنْبًا فَعَلِمَ أَنَّ لَهُ رَبًّا يَغْفِرُ الذَّنْبَ وَيَأْخُذُ
بِالذَّنْبِ وَاعْمَلْ مَا شِئْتَ فَقَدْ غَفَرْتُ لَكَ » رواه مسلم

مهما عملت طالما لحقت نفسك و رجعت لربنا و بصدق نية ربنا هينطبق عليك :: قوله تعالي : "
قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا
تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ
جَمِيعًا إِنَّهُ هُوَ الْغَفُورُ الرَّحِيمُ (53) وَأَنِيبُوا إِلَى
رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ
ثُمَّ لَا تُنْصَرُونَ (54) " سورة الزمر

هنختم كلامنا بدليل لو انت عاوز ترجع لربنا فعلا

دليلك إلى التوبة :

شروط التوبة :

الأول: الإقلاع عن الذنب فوراً.

الثاني: الندم على ما فات.

الثالث: العزم على عدم العودة إلى الذنب أبدا .

الرابع: إرجاع حقوق من ظلمهم، أو طلب البراءة منهم.

دلوقتي عندي سؤال واحد

مستني ايه ؟؟؟

مستنية ايه ؟؟؟

ياريت اللي يرد يرد لو كان فعلا ناوي يتغير من اللحظة دي و لو مكانش ناوي يبقى يراجع نفسه

جزاكم الله خيرا

سلام عليكم

فإن كنت لا تدري فتلك مصيبةٌ

و إن كنت تدري فالمصيبة أعظمُ

والله عندك حق فى كل كلمة قلتها
فعلا انا بجد سبحان الله كنت بقول لواحدة اعرفها صلى النهارده لانها للاسف مش بتصلى بانتظام قالتلى طيب لما رمضان يجى هتعود اصلى !!
قلتلها طب لو متى النهاردة هتقولى لربنا انا كنت مستنية رمضان !!
بجد البنت دى سكتت ومقدرتش تتكلم لان بجد اكيد هى ملقتش حاجة ترد بيها
يارييييييييييييييت كلنا نراجع نفسنا محدش عارف نهايته امتى
توبيك راااااااااااااااااااااااااااااااااااااااااااااااااااااااااااااااائع يا محمد
جزاك الله خيرا وجعله فى ميزان حسناتك
بارك الله فيك

توبيك جميل جدا
يارب كل الي يقدراه يعمل بيه
جزاك الله خيرا

الكلمات جدا رائعة ومؤثرة
جزاك الله خيرا

موضوع حلو قويييييي ويا رب نتعظ منو لان كلامك كلو صح ومظبووط
اللهم علمنا بما ينفعنا وانفعنا بما علمتنا يا رب العالمين
بارك الله فيك مايكووون

اميرة نورتينى والله كعادتك بردودك الجميلة واحمد شكرا ليك جدا وفلسطين نورتى التوبيك ميرسى ليكى وربنا يخليكى يا فوءا لردك الجميل . نورتوا التوبيك

موضوع فى غاية الجمال بجد
تسلم ايدك يا مايكون

جميل اوى يامحمد
جزاك الله كل خييير

وعليكم السلام ورحمه الله وبركاته
جزاك الله كل خير على الموضوع الرائع

نورتوا التوبيك الاء ومروة واسماء ميرسى ليكم كتير ربنا يبارك فيكم

» كيف نجعل رمضان لنا لا علينا
» العولمة اهي لنا ام علينا
» اقترح علينا .....

يا عم بالراحة علينا بس ..... اقوله ايه دة ؟؟؟

يا عم بالراحة علينا بس ..... اقوله ايه دة ؟؟؟

مواضيع مماثلة

مواضيع مماثلة