البشرية هتخسر إيه ؟ لو القطر داس عليك ؟؟

البشرية هتخسر إيه ؟ لو القطر داس عليك ؟؟

السلام عليكم و رحمة الله و بركاته ,

و خلونا ندخل في الموضوع على طول ,

تخيل جنابك إنك قاعد لا بيك و لا عليك

و عايش زي ما الناس عايشة ,

بتاكل و بتشرب و بتنام - لكن ما بتتجوزش علشان الجواز غالي -

و ماشي مع القطيع عادي خالص

و فجأة !!

.
.
.
.
.
.
.
.

اتوبيس سياحى فاخر عدى عليك خلاك زى صوباع الكفتة
او
تيجي عربية نقل الشرقية بمقطورة و محملة طن زلط تدوس عليك !!

أو قطر أسباني مكيف و آخر حلاوة ( فعص ) جنابك و خلى وشك زي قفاك ,

من الآخر يعني ,

إنك ( إتكلت ) و مُتّ و خرجت من الدنيا ,

و تعالى فكر معايا بقى إيه اللي الدنيا فقدته بموت جنابك ؟؟

المترو التعطل ؟؟ و لا الهرم اتقلب جبنة و الناس أكلته ؟؟

متهيأ لي ما فيش أي حاجة هتحصل ,
غير إن الأسرة يعيطوا عليك و أصحابك برضه ,

و آخرتها شهر بالكتير .

طبعا مش عارف أنا عاوز أوصل لإيه لسه , صح ؟؟

اللي أن اعاوز أقوله إنك مت ( كما يموت البعير ) ,

مت و خلاص , و ما كانش ليك أي دور في الدنيا تأثر بغيابك ,

يعني لو كنت انت فعلا ليك دور في الدنيا و بتخدم دينك بجد أكيد كان هيحصل فراغ في الموضع اللي انت كنت فيه ده
,
لكن ما حصلش فراغ لأنك ما كنتش ماسك موضع أصلا ,

يعني سيدنا عمر - على ما أعلم - كان بيقول :

" إن كل مِنَّا على ثغر فلا يُؤتَيَنَّ من قِبَلِه "

يعني كل مسلم منا على ثغر من ثغور الإسلام و ليه دور بيقوم بيه ,
فلا يجب أن يسمح للعدو أن يدخل من الثغر بتاعه , و لا أن يترك الدور اللي بيقوم بيه ,

لكن الحالة دلوقتي للأسف في الحضيض ,

إحنا مش واقفين على ثغور أصلا ,
فضلا عن أن نؤتى من قِبَلها !! - و لا أزكي نفسي -

لازم يا جماعة كل واحد يشوف ليه ثغر يقف فيه ,
يشوف له دور يؤديه ,
يشوف حاجة يعملها للدين ,
بحيث و هو عايش يبقى ليه دور
,
و لما يموت يبقى فعلا فيه مكان فارغ بعده , حد تاني غيره يملاه

الثغر ده مش لازم يكون في الجيش
و لا في الحرب ,
لأ
ممكن دورك و ثغرك يبقى دور بتقوم بيه في وظيفتك ,
أو
في شارعك و بين الجيران و ( الحتة بتاعتك ) ,
يبقى في الكلية و بين زمايلك و في سكشنك ,
أو في أي مكان ,

المهم يكون ليك دور
!!!

اكيد طبعا لازم كل واحد فينا يكون ليه دور فى المجتمع اللى هو فيه
ما أعظم أن تكون غائبا حاضر على أن تكون حاضؤا غائب
جزاك الله خيرا

فعلا والله كلام جميل جدا

جزاك الله خيرا يا مايكون

ويارب باذن الله كلنا نسيب بصمة تفيد ديننا واسلامنا

كلامك مظبوط خالص يامحمد
فعلا لو محدش ليه اى دور فى حياته
البشرية مش حتخسر اى حاجة
جزاك الله كل خييير

كلامك صح يا مايكون
لازم كل واحد يكون له دور كبير فى المجتمع مش يكون عايش وخلاص زى ما انت قلت
وجزاك الله خيرا
وان شاء ربنا كل منا يكون له دور فعال فى المجتمع

اكيد طبعا لازم يكون لينا ادوار
وان شاء الله الجميع يستفيد من الموضوع الجميل
جزاك الله خيرا

نورتوا التوبيك يا بنات بردودكم الجميلة Exclamation

كلام جميل اوي يا محمد
جزاك الله كل خير