السلام عليكم ورحمة الله وبركاته
ازيكم يابنات انا اختكم في الله وحسيت ان من واجبي كاخت ليكم اوضحلكم بعض
النقاط في حياتنا احنا مش واخدين بالنا منها او مش عايزين ناخد بالنا
مين منا حياته مش ملخبطه؟ مين منا مبيجريش ورا شهواته ؟ مين منا معداش عليه احزان وهم وكرب؟ مين منا مش حاسس بسعاده؟
اقولكم ايه الحل الله
طب ما كلنا عارفين ربنا ايوه بس حاسين بيه اسالك سؤال لو انتي سعيده
وفرحانه بتفتكريه ؟ بتسجديله؟ ولا احنا مبنفتكرهوش غير لما نكون عايزين
حاجه ومش عارفين تييجي ازاي؟ او عندنا ابتلاء
طيب اقولك علي حاجه الميه الي بتشربيها دي ولا لقمة العيش الي بتكليها دي
اوعي تفتكري ان جوزك او ابوكي هوه الي جيبهالك اكمنه دافع تمنها
لالالالالالالا
دا الي خالقك هوه الي رازقك
هو الرزاق
زمانكم بتقولو هيه الست دي عايزه ايه ما احنا عارفين كل ده؟
ماشي انا عارفه انكم عارفين بس انا بسالكم حاسين؟
ربنا بيقول (ولله مافي السماوات وما في الارض)
عارفه يعني ايه يعني انتي بتاعته خلقه فكري كده ازاي تعصيه؟
ازاي تاخري صلاه؟ ازاي تعترضي علي امر من اوامره؟
اقولكم حاجه
خلو ربنا جواكم حسو بيه فكرو قبل ما تعملو اي حاجه هيكون راضي ولا لاء
بتحبيه قد ايه؟ هوه ولا ولادك وجوزك؟ هوه ولا امك وابوكي؟
مين اغلي الله ورسوله ولا كل دول؟
لو فكرتي بشكل صح وقولتي ان احنا بشر وكلنا من خلقه سبحانه وبايده كل شئ يبقي هوه اغلي وحبيبه اغلي
عايزاكي تتاكدي من حاجه
(ومن يتقي الله يجعل له مخرجا ويرزقه من حيث لايحتسب)
صدق الله العظيم انتي بقي بتتقي الله؟
بمعني بتحسبي نفسك علي كل شئ لبسك اكلك مدخل رزقك حياتك كلها كبيرها وصغيرها يرضيه ولا لاء؟
انتي ايوه انتي عايشه حياتك ازاي ؟ قوليلي فيها بركه؟ حاسه ان ربنا واقف جامبك؟
عملتيلو ايه عشان تشكريه؟
برافو عليكي مشيتي ورا الشيطان برافو اوي سمعتي كلام نفسك الي هيه لاتامر الا بالسؤ
اهم حاجه عندك ايه ؟ ايه اولويات حياتك؟ العيال والاكل والشرب وان كنتي بتشتغلي يبقي تروحي الشغل هتلبسي ايه وهتوصلي ازاي ؟
فين تقوي الله انتي فين عنده؟
لو بتحبيه وعملتي الي يرضيه وفكرتي فيه بجد هتلاقيه معاكي وجمبك
انتي عارفه ان ربنا بيقول في حديث قدسي(انا عند ظن عبدي بي)
احسني الظن بالله خلي عندك يقين بيه
انا هقولكم علي حاجه بجد بتحصل معايا كتير مثلا انا بدعي لحاجه معينه ان
ربنا يرزقني بيها بفضل ادعي طول الوقت والح عليه لاني عارفه ان ربنا بيحب
العبد اللحوح واتذلل لانه بيحب كده وان معملتلوش كده هعمل لمين؟ وبجد لاني
عارفه انه قادر علي كل شئ بيبقي عندي يقين وواثقه ان مفيش حاجه بعيد عن
ربنا وانه هيستجيب دعائي حتي لو مجتش مبزعلش عارفين ليه ؟
لان ممكن الحاجه دي تكون شر ليا لو حصلت والخير انها متحصلش
صلحي حياتك مع ربنا وخليه رقم واحد في حياتك والباقي علي الهامش
وتاكدي وانتي بتتقيه هيسعدك سعاده عمرك ماحستيها ولا هتحسيها
وادعي قولي اللهم اذقنا حلاوة الايمان وزينه في قلوبنا
حافظي علي لسانك من الغلط (وما يلفظ من قول الا لديه رقيب عتيد)
حافظي علي قلبك من امراض القلوب وادعيه يساعدك علي طاعته وذكره وحسن عبادته
وربنا يصلح حالنا كلنا ولا يكلنا الي انفسنا طرفة عين

ربنا يهدينا جميعا باذن الله
جزاكى الله خيرا وجعله فى ميزان حسناتك
بارك الله فيكى

أحسنتى فوئة ربنا يجعلة فى ميزان حسناتك ويبارك فيكى
اللهم انت ربى لا الة الاانتاستغفرك واتوب اليك

شكرا ليكي دلوعة على مرورك
وشكرا ايمان على المرور والورد اللي يجنن دة ميرسي ليكي
وبارك الله غيكم وجزاكم الله كل خيييير

فعلا جزاك الله خيرا يا فؤى على هذا الموضوع الجميل وربنا يحفظنا من كل سوء ومن كل شر ويقدرنا على عبادته

شكرا فوءة على مرورك الكريم دة جزاك الله الف خييييييييير