عصيت الله بس انا سعييييييييييييييييييييييييدة

أنا النهاردة ياجماعة مبسوطه جداااااااا

لأنى بصراحة النهاردة عصيت ربنا !!!!!!!

ومهمنيش !!!

جاهرته بالمعصية ومفرقتش معايا !!!!

طب وإيه يعنى ؟؟!

المهم اتبسطت وقضيت وقت جميل وخلاص

ايه دا ... إيه دا ....؟؟

مالكم كدا بتحتقرونى بينكم وبين نفسكم؟!!

انتو كمان زييى

أه زيى

أو كنتم زيى

وماتستغربوش أوى كدا
وتقولوا

لالالالالالالالا

دا احنا بنحب ربنا واستحالة نحاربه

لأ انتوا حاربتوه وبتحاربوه

طيب عيشوا معايا شوية فى المواقف دى كدا
ونشوف سوا

هل إحنا بنحارب ربنا ولا لأ
؟؟؟؟؟؟

أنا مبسوط جداااا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان
وماصدقت انه اتعرض

استغفرك ربنا وأتوب اليك

أنامبسوط جدااااااا لأنى خرجت مع صاحبتى وقضينا وقت جميل أوى مع بعض
واتفسحنا وعشنا لحظات جميلة أوى

استغفرك ربنا وأتوب اليك

أما أنا مبسوطة جداااا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى

استغفرك ربنا وأتوب اليك

أنا مبسوط جداااا

كنت فى شات روم واتعرفت على بنت ارتحت اوى فى الكلام معاها

وكلمتها مايك بس صوتها جميل أوى
وقعدنا نتكلم للصبح

استغفرك ربنا وأتوب اليك

أنا مبسووووووطة جدا امبارح سمعت ألبوم المطرب .....
الألبوم تحــفة وأغانيه جميلة أوى فعلا كنت هموت وأسمعه
انتو عارفينى بأه
مينفعش ينزله جديد وميكونش عندى

استغفرك ربنا وأتوب اليك

أنا مبسوط
حضرت حتة فرح بس كان إيه ...... ماأقولكمش ...
ع البنات واتعرفت على واحدة كان كل الشباب بيحاولوا يوقعوها
بس محدش قدر غيرى

وع الأغانى ولا العروسة !!
والرقص اللى اللى رقصناه
ولا اللبس ولا ... ولا ......

استغفرك ربنا وأتوب اليك

مبسوطة أوى امبارح كان عيد ميلادى وحضروا لى حتة مفاجأة
كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا

استغفرك ربنا وأتوب اليك

فرحاااااااان لأننا كنا ف رحلة امبارح
وحصل بأه شوية حاجات
اتعرفنا على شلة بنات من هناك وأخدنا منهم أرقام التليفونات
واتفقنا نتقابل تانى قريب

استغفرك ربنا وأتوب اليك

أما يوم عيد الحب حضرنا حتة حفلة مع البنات صحباتنا
حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضينا

استغفرك ربنا وأتوب اليك

أنا إشتريت حتة طقم إنما إيه يابنات روووعة
لو تشوفوا استايل البنطلون
ولا لون البضى جنااان
مشفتش حد لابس منهم

من الآااااااااااااااااااااااخر

مبسووووووووووط /ة جداااااا لأنى ............ ......... .......

عصيــــــت ربنا !!!!!!!!!!

هاااا

فكرتوا انكم ممكن تكونوا بتعملوا زيى

أو على الأقل كنتم بتعملوا كدا

يعنى مش لوحدى دا حالنا كلنا

مش هو دا لسان حالنا ياجماعة لما بنعمل المعصية؟

مش دا

حالنا فى المجاهرة بالمعصية ؟

يعنى الحمد لله ربنا سترنا ومفضحناش

الحمد لله ربنا أحيانا ومقبضش روحنا واحنا بنعمل المعصية

مش نسكت بأه ونستر نفسنا

لاء

دا احنا بنخرج وبنجاهر بالمعصية وبنتمنظر بيها كمان !!

وبنقول لربنا

أنا عصيتك

وفرحان انى عصيتك

وهأحكى لكل الناس إنى عصيتك

ومش هيفرق معايا.......

(والله قلبى بينخلع وأنا بأكتب الجزء دا
ربنا يغفر لى )

قدرنا ياجماعة نقول كدا ؟؟

قدرنا نغضب ربنا بالطريقة دى؟؟
اسمعو الحديث ده
روى الإمام البخاريّ رحمه الله تعالى عن أبي هريرة رضي الله عنه قال: سمعت رسول الله يقول: ((كلّ أمّتي معافًى إلاّ المجاهرين، وإنّ من المجاهرة أن يعملَ الرجل بالليل عملاً ثم يصبح وقد ستره الله فيقول: يا فلان، عملتُ البارحةَ كذا وكذا، وقد بات يستره ربّه، ويصبِح يكشِف سترَ الله عليه)).

يااااااااا الله على جهلنا وعلى سوء معاملتنا مع ربنا
وهو ستير لعيوبنا ولذنوبنا

طب خلو بالكم من الفتوى اللى جاى

حكم الذي يُجاهر بالمعصية ويُخبر بها أصحابه
السؤال :
سمعت من خطيب الجمعة أن الله لا يغفر لمن يتجرأ ويخبر أصحابه بالذنب الذي فعله وستره الله . واستشهد في ذلك بحديث نبوي فهل هذا صحيح ؟ أعتقد أن الله يغفر الذنوب جميعاً .

وإحنا والله من رحمه ربنا علينا
لكنا هلكنا دلوقتى من جراير أعمالنا

ياااااااه لما الواحد يفتكر أد ايه كان غافل وبعيد عن ربنا
ولما يفتكر ذنوبه وازاى ربنا كتب له الحياة علشان يكفر عنها

وتحسبونه هيناً وهو عند الله عظيم

يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية

وعلى فكرة أنا مش مكبرة الموضوع ولا حاجة

دى تذكرة بسيطة ليا اولا وليكم وأتمنى أكون قدرت أوصلكم قصدى

علشان لو فيه حد فينا لسة بيجاهر بالمعصية يتنبه وياخد باله

و ترك المعاصي كلها ولو بالسر

ولو كان حد فينا عمل كدا زمان

وربنا هداه دلوقتى لكن ماتابش
يتوب

لأن الذنب لو ماتبناش منه ربنا هيحاسبنا عليه حتى لو كنا بطلنا نعمله

وطبعا دى كلها مواقف من وحى الخيال لكنها وااااقعية جدااااااا

م ن ق و ل

شكرا للمجهود الكبير يا اخت ملكه
للاسف مكرر
http://www.treika.com/montada-f47/topic-t14999.htm?highlight=%c3%e4%c7+%da%d5%ed%dc%dc%dc%dc%ca+%d1%c8%e4%c7+%c5%e3%c8%c7%d1%cd

» ن أبي هريرة رضي الله عنه قال: قال رسول الله صلى الله عليه وسلم (إن لله تبارك وتعالى ملائكة سيارة . ف
» الله الله الله مااروع هذه الكلمه
» (بانت سعاد)كعب بن زهير يمدح رسول الله صلى الله عليه وسلم

عصيت الله بس انا سعييييييييييييييييييييييييدة

عصيت الله بس انا سعييييييييييييييييييييييييدة

مواضيع مماثلة

مواضيع مماثلة