العنوان غريب شوية...... ممكن
إجابته لو بلأ ضعيفة ..... أكيد
إجابته لو بأنا كلنا هنقولها... تقريبا


موضوعي النهاردة مش هيبقى عن الصوم الحقيقي إني أبطل أكل وشرب
ومتستعجلش وتقول أكيد قصدها إني أصوم عن الغيبة والنميمة والذنوب
أو حتى إني أصوم عن المسلسلات والأغاني وكده
موضوعي النهاردة عن الصوم اللي بجد اللي لو سألت أي طفل على احنا بنصوم ليه؟؟؟
هيقول علشان نحس بالفقراء والمساكين اللي مش لاقيين أكل
بس ده مبيحصلش
احنا بنصوم أداء خدمة مش أكتر
معتقدش إن فيه حد حس بيهم قبل كده أو حتى فكر فيهم وهو صايم ولو لثانية
كل الناس دلوقت لما تيجي تفطر تعمل فطار بكميات كبيرة جدا ولا كإنهم مكلوش بقالهم 4 سنين
وبياكلوا كميات قليلة ويرموا الباقي ده غير الحلويات والذي منه...
وده أكيد عارفين إنه غلط وإن مش ده اللي ربنا عايزه من الصوم
الصوم المفروض يبقى كل السنة مش شهر واحد
أقصد طبعا الصوم اللي أنا بقصده لإني مقدرش أتعدى واجب ربنا علينا
يا جماعة لازم نحس بالناس الفقيرة لما يكون معانا رغيف عيش نقسمه بينا وبينهم
هدف الصوم الحقيقي إننا نحس بيهم ونديهم علشان ميفضلوش كده
مش نحس بيهم ونسكت
ياريت بعد الكلام ده أي حد تعرفه فقير تجيب فطار في يوم وتفطر معاه في بيته
أو تجيبه عندكم في البيت وتفطره

ويارب الكلام يكون منسق علشان كتبته كده من غير تفكير

كلام منسق وجميل وكل كلمه قلتيها في حقيقه
بأذن الله ربنا يقدرنا ونعمل كده
بجد تسلم ايدك يا سلمي
جزاكي الله كل خير

الله الله الله
بجد ايه الجمال ده
كلام رائع جدا
واسلوب جميل اوي ف الكتابه
دا برده هيبقي قله معرفه بالدين والصيام
تسلم ايدك يا سلمي
ربنا ينفع بيكي الامه
جزاكي الله خيرا

جزاك الله خير يا سلمى وربنا يعينا ونعمل كده لانه دا الهدف والعبرة من الصيام بس للاسف الناس مش عارفة وعايزين حد يعرفهم يا ريت كل واحد يعرف قرايبه, احبابه , اصحابه ايه معنى الصوم الحقيقي واشكرك من قلبي على كلماتك الصادقة.

ميرسي جدا ليكم يا محمد وأحمد ووفاء وتريكة الصغير عالردود الجميل ده

بجد ردودكم بتضيف لموضوعي أحلى وأحلى