تحيا جمهورية مصر الفرعونيه

زائر

قد يستغرب بعضكم من العنوان لكني اقولها صريحه بعد قلتها عدة مرات في نفسي عقب كل فعل سيئ يرتكب في حق المصريين في مختلف البلاد العربيه من شمالها لجنوبها وشرقها لغربها والاختلاف اليوم اني قررت ان اكتبها صريحه تحيا جمهورية مصر الفرعونيه بعدما حدث مع بعثة النادي الاهلي في الجزائر وان نترك كلام الجرايد المعسول عن العروبه والاخوه والموال الماسخ واعتقد ان جميعكم علم هذا الموال قبل ان اذكره الا وهو " الشقيقه الكبري " وفي مقالي سنتحدث علي شقين الاول هو سبب اطلاقي علي مصطلح الشقيقه الكبري انه موال ماسخ والشقق الثاني عما حدث لبعثة الاهلي في الجزائر .
فاذا القينا الضوء علي تاريخ البعثات الرياضيه المصريه في الدول العربيه منذ سنين نجد ان ما من بعثه مصريه الا وتعرضت لاعتداءات من شعوب هذه الدول سواء كسب المصريين ام خسروا ودائما ما تكون هذه الاعتداءات شرسه نابعه عن حقد وكراهية تلك الشعوب لكل ماهو مصري واذا عدنا بالزمن 20 سنه للوراء نتذكر سويا بصر الطبيب المصري الذي ضاع نتيجة اعتداء لاعب كره جزائري عليه واذا عدنا لعام 1983 وفتحنا الارشيفات نفاجئ بان اربعة لاعبين مصريين تعرضوا للضرب واطلق عليهم الرصاص في الجزائر اثناء اداء المنتخب المصري لمباراة الذهاب في تصفيات اولمبياد لوس انجلس عام 1984 ولان تاريخنا في الجزائر كبير لم ولن يمحي من الذاكره تعرض لاعبي منتخب مصر للضرب من قبل الامن الجزائري والجماهير ولاعبي منتخب ليبيا في دورة الالعاب الافريقيه عام 1978 ونذهب لبلاد اخري ولعل الماضي القريب يشهد علي تعرض بعثة الزمالك بالكامل للضرب في ليبيا حينما كان الزمالك يلاقي الاتحاد الليبي في بطولة دوري ابطال العرب حيث هجم الجمهور الليبي علي لاعبي نادي الزمالك الامر الذي ادي لاصابة نجمي الزمالك عمر ذكي ووائل القباني اصابات بالغه وهو ماحدث مع فريق حرس الحدود في ليبيا حينما ذهب ليقابل فريق الاخضر الليبي حيث اعتدت الجماهير الليبيه علي احمد عيد عبد الملك نجم فريق حرس الحدود بالضرب وادت الاعتداءات لاصابة عبدالملك بجرح في وجهه ومن ينسي منا ماحدث مع المنتخب الاوليمبي المصري في ليبيا من ضرب وسب وغيره اثناء خوضه لدوره وديه هناك والقائمه تطول وعن تونس حدث ولا حرج حيث ضرب المصريين من الجماهير التونسيه وامام اعين قوات الامن في تونس اثناء فعاليات بطولة افريقيا 2004 وقبلها بعام تعرض لاعبي النادي الاسماعيلي لاعتداءات بالجمله عقب انتهاء مباراة اياب الدور نصف النهائي في دوري ابطال افريقيا 2003 اليس موال الشقيقه الكبري موال ماسخ لان وببساطه اذا كانت مصر الشقيقه الكبري بالبلدي حد يعمل في الشقيقه الكبري كده .
وفي الشق لن اطيل الكلام كثيرا حيث اني ساسرد سريعا ماحدث لبعثة الاهلي في الجزائر ولننظر نظره موضوعيه ونتسائل في البدايه الم يبدي الاهلي كامل استعداده لفتح صفحه جديده مع الجزائريين ؟ الم يقدم الاهلي كل الاحترام للجانب الجزائري ؟ الم يرأس بعثة الاهلي السيد حسن حمدي رئيس النادي الاهلي ؟ فلماذا حدث ما حدث اذا لماذا رشق لاعبي الاهلي بالحجاره ؟ ولماذا ضربت قوات الامن الجزائري لاعبي الاهلي ؟ اليست مباراة كرة قدم ام اننا ذهبنا للحرب في الجزائر ؟ كل هذه التساؤلات مطروحه وجوابها سؤال ايضا هل مازلت مقتنع بموال العروبه والاخوه ؟ عن نفسي مقتنع بشئ واحد الا وهو ان كان من العرب من يعاملنا جيدا سنعامله بالمثل ومن يعاملنا بسوء سنبادله نفس السوء وبالبلدي " تراعيني قيراط اراعيك قيراطين تبصلي بعين ابصلك بعشره " وتحيا جمهورية مصر الفرعونيه .

فعلا خطأ كبير بترتكبه الحكومات المصرية
تحت مسمي التسامح والأخوة
مش معني اننا عرب واخوة ومصر تعتبر بالفعل الشقيقة الكبرى للعرب
انها تستضعف بالشكل ده ولا اننا نتهاون في حقوقنا
الروابط الموجودة بين الدول الاسلامية العربية موجودة وستظل
لكن التجوزات اللي زادت عن حدها .. لازم تواجه بقرارات حاسمة
عشان مانبقاش بالبلدي ملطشة لباقي الدول
ارجع واقول باحييك ياميدو ع المقال
وباحييك اكتر علي ختام المقال لانه فعلا زي ماقلت اللي يعاملنا بالحسني نشيله فوق راسنا
لكن اللي يستهين بينا ويوجهلنا قلم لازم يتردله عشرة
عشان يبقي عبرة لغيره ..

سوري لو اتعصبت شوية
بس دي بلدي
يعني امي
يعني ست الحبايب يا حبيبة

Sad

سلملي يا أحمد عالحكومات المصرية
أحنا أساسا معندناش حكومة
إحنا لو عندنا واحدة تبقى إحنا .. واحنا عايشين دور الأخوة والتسامح
دي ما اسمهاش طيبة دي هــــــــــــــبل وتخلف واستهانة بنفسنا
أنا أكتر واحدة دلوقتي عايزة لما بعثت الجزائر تيجي بجامهيرها
نربيهم ونعرفهم مين هما المصريين حتى لو هنطلع من البطولة
بطولة إيه دي اللي تخلينا نخسر شرفنا وعزتنا قدام شعوب شافت نفسها من ضعفنا
إذا كنا أساسا خرجنا من كأس العالم بسببهم هنزعل قوي لما نخرج من دي..
هنربيهم ونخليهم يحرموا يعملو كده تاني،،،
ومفيش حاجة اسمها عروبة خااااااااااااالص يا ميدو زي ما بتقول
لو فيه عروبة ماكانتش أمريكا واسرائيل وإيران وتركيا دلوقت بيلعبوا بفلسطين
ماكنش مصر ده حالها مع الجزائر وقطر
مكنش حصل مشكلة العراق والكويت
عموما.. فل يا معلم وسلملي عالمصريين

الله عليك يا ميدو واحشنى جدا

ازاى يا لملم مافيش حاجة اسمها عروبة ديه المدرسة بتاعتى تحيا جمهورية مصر الفرعونيه 79150

كلام بجد بقى انا مع مدين ان العروبة و الروابط حتفضل طول العمر لكن ده ميعنيش ان أى حد يعتدى عليا و ان أطبطب عليه عشان العروبة بجد عيب علينا ديه التحاد الاوروبى مافيهوش بتتكلم لغة التانية و مع ذلك متحدين و احنا اللى المفروض متحدين من زمان و دمنا اختلط ببعض يبقى شكلنا كده

غصب عننا فيه عروبة وفيه وطن عربى مهما كانت الظروف واللى الجزاير بتعمله ده استهانة بالعروبة اللى احنا بنحترمها بس مش معنى احترامنا لعروبتنا اننا نسكت عن حقنا "الساكت عن الحق شيطان اخرس "
لان بجد مصر دلوقتى موقفها سلبى اوى اوى اوى بجد ليييييييييييه متساهلين بالحكاية اوى كده
ميرسي ع التوبيك
جزاك الله خيرا

حكومه مين يا رجاله سلملى على البرنجان
وتحيا مصر

اولا كلامك كلو صح يا ميدو وشكرا شكرا شكرا على انك عملت الموضوع ده
ثانيا احنا سكتنا كتير اوي اوي ع الجزاير واحترمناهم وعملناهم كويس واستقبلناهم احسن استقبال وبنقول اخوة وعرب ومسلمين هما معملوش اي اعتبار للحاجات دي
وبعد ما هما يعملوا فينا كل اللي عملوه ده واحنا بردوا بنسكت على كدة
دول اصلا مش عرب دول شوية هبل متعصبين بيتكلموا في التاريخ وهما مش فاهمين اي حاجة ف اي حاجة
هما عايزين يتعلموا الأدب والأحترام لأن (العين بالعين والسن بالسن والبادي اظلم)
ومعلش لو انا اتعصبت شوية في كلامي بس الموضوع ده بالذات مدايقني اوي
وشكرا مرة تانية ع الموضوع

وتحيـــا جمهـــورية مصـــر العـــربية

ولا عزاء للجـــزائــرييــن