أيوه حقولها بأعلى صوتي

وحفضل أكرر فيها لحد موتي

و ميهمنيش يتقال عليا مغروره

او بنت شايفه نفسها و منفوخه

ليا حق اني ارفع راسي و على عفتي ابقى مسنودة

ايــــــوة انـــــا مـــبـــــصــــاحــــبــــش

و مش مدايقة او مخنوقة

واياك تقول عليا مكبوتة

او م المتعة محرومة

بالعكس ده من غيري محسودة

و من اللي بيفهموا مطلوبة

انا بنت عشت و حعيش شريفة

و حيائي ليا ميزة

عالأخلاق حفضل ماسكة

و عالقيم دايما حكون ثابتة

انا عشت و حعيش بعفتي و بيها حفضل فخورة

ايدي متمسكتش و عمرها ما حتبقى ممسوكة

انا جسمي عليا غالي

ميبانش الا لحلالي

و عمري ما حفكر اني أخونة

او اضيع حق من حقوقة

ده انا بنت ناس طيبين

متعوب عليا كتير

مبعش نفسي بالرخيص

عشان حنيّه لوحدتي تكون تعويض

او كلمة حلوة تخلي ثقتي ف نفسي تزيد

و كل ده لحد ميستاهلنيش

بس عايز يلعب بيا

و يضيّع وقت فراغه عليا

انا أضحيله بنفسي وهو يبيعني و يجرح فيا

شخص استغلالي مليان انانية

انا بالنسباله هدف و غرضه الاستمتاع بيا

شغلته هي التحكم فيا

ماعاش اللي يفرض نفسه و سيطرته عليا

انا روحي للمعصية أبيّه


الطاعه بالنسبالي هي الحريه

انـــا قـــلــــبـــي مـــلــــك ربـــــي

و ربـــي ده حـــبـــيـــب قـــلـــبـــي

فابعد عني يا ابني

و اياك تحاول تكسبني

ده انا رضايا صعب الوصول

و النظر ليا ده شيء ممنوع

أما حبي بقى

فيحتاج حروب

واوعى تفكر انك عليا تلف و تدور

و تفضل تقول ف كلام معسول

لا لا

انا مش من دول

انا اللي احترامي جزء من كياني

انا اللي علاني جعل الجنة تحت أقدامي

وقالك اوعى تلمس ده انت حتى عليا متبصش

ده انا اللي ربنا خلقك فيا

وجعلك قوام عليا

و اللؤمة تحطها ف بقي تبقالك صدقة و تكون منك رومانسية

و ان جربت تخلي ايدك تحضن ايديا

تنزل ذنوبك من بين دفى العشق اللي هو طاعة ليا

بص يا ابن الحلال انا غير طريق بيتنا معرفش اوصف

و غير جوزي مبحبش

طريقي واحد مليش لغيره سبيل

يا حلال و ربي راضي

يا تشوفلك غيري وواضح كلامي

انا قلت كل ده عشان عيزاك تحافظ عليا

ومتشوفنيش سهلة او لحبك مستنية

صحح مفهومك انا عن رضا ربي و حب النبي مش مستغنية

ياريت تقدر ان ضعفي ده قوة موجودة فيا

و حياتك مش حيكون ليها طعم الا بيا

و عمرك ما حتعيش سعيد الا برضا ربنا عليك و عليا
..............................
للامانة منقوووووووول

لالالالالا بجد جميله اوووووووووووووووووووووووووووووووووووووووووى

انا كنت مستمتع وانا بقرها والله

لا تسلم ايدك فعلا عليها ياوفاء

ارفع ليكى القبعه

شكرا يا مارد على الاطراء اللطيف دة نورت التوبييييييييييييك والله يا مارد شكرا ليييييييييييييييك على مرورك الجميل دة

واااااااااااااااو كلمات رووووووووووووووووووووعة
بجد توبيك جميل جدااااااااااااااااا
تسلم ايدك يا فوءة

جميلة جدا يا فوءا
جزاك الله خيرا

ما شاء الله عليك حقيقي كلام جميل وكل رمضان وانتي بكل خير

شكرا لؤلؤة وشكرا فليسطينية وشكرا يا سامح على مروركو الجميييييل دة ربنا يبارك فيكو

والله تحفة تحفة تحفة
وبأعلى صوتي هقول ....ايــــــوة انـــــا مـــبـــــصــــاحــــبــــش
توبيك جميل تسلم إيدك

تسلم ايدك يا فوءا للتوبيك الرائع ده
ربنا يبارك فيكي وينفع بيكي الامه

جزاك الله خيرا على المتابعة والمرور

جمييييييل اوى اوى التوبيك
جزاكى الله خيرا وجعله فى ميزان حسناتك
بارك الله فيكى

شكرا لك دلوعة جميل بمرورك يا قمر