السلام عليكم ورحمة الله وبركاته
يعنى موش عارف وانا راجع من بره
راكب العجله ايه اللى جه على بالي
فجأه اكتب الكلام دا بالشكل دا

ايها الاخوه والاخوات
نظراً لانني كنت نايم ومريح شويه ومكنتش موجود وقت
اللى حصل فى الشارع وبعدين العيال اللى كنت سايبهم يحرسوا
الشارع عرفت ان كان كل واحد منهم مظبط مزه فى الشارع
اللى ورانا وموش فى دماغهم لعبة العسكر والحرميه اللى احنا
بنلعبها مع العيال الوحشين اللى مايتسموش الاسرائيلين اللى
ساكنين فى الحاره اللى جنبنا اللى دحكوا علينا وبدؤا اللعب
قبل ما نعد لحد عشره
بعد العيال الوحشين ما كسبوا الدور انا قولت للعيال بيتوعنا
لا لا خلاص موش هنلعب تانى وكل واحد يلا يروح بيته
علشان الوقت اتأخروانا اول واحد هاراوح علشان
الناس اللى حولينا يا حبة عيني متديئيين موت
وممكن واحد منهم يخرج من البلكونه وفى ايده جردل
ميه وانتوا عارفين الميه جايه منين
يلا يلا يا عيال ومحدش يقول نلعب بكره او نبدل اللعب
ونلعب كيمو او كهربا علشان الكهربا غاليه نار
وكمان الكهربا اصلاً على طول قاطعه
ومفيش فلوس نشترى كيمو كونو
بس انا سامع واحد من الجيران بيقول
لالا يا بني كمل لعب ومتزعلش نفسك
احنا فى الاجازه بس متلعبش مره تانيه
مع العيال الوحشين اللى اكبر منك
علشان انت موش قدهم وبعدين العيال
اصحابك موش عيال بتعرف تلعب
ومعندهمش وقت لللعب هما هيقطعوا
نفسهم يلعبوا ولا يظبطوا المزز
كمان هما محتاجين تدريب
شوفلك عيال تانيه تدربهم كويس
من غير ما تطلب معونة الاتحاد السوكْيتي
علشان يدربلك العيال بتوعك وياريت
تسمع الكلام ولو مره واحده اصل انت
دماغك نشفه وعلشان احنا بنحبك اصلنا
ناس قلبنا طيب زى ماتقول كدا
كلمه تجيبنا وكلمه تودينا
يعنى انتوا عاوزيني اكمل لعب
ماشى بس لو عملت هيصه محدش
يجيي تانى يزعل
وانتوا اللى جبتوه لنفسكم