انتقادات شديدة لـ "الجماعة" بسبب سخريته من عمرو خالد

واجه السيناريست وحيد حامد انتقادات حادة جدا وهجوما شرسا على عدد من مواقع الإنترنت، وذلك بعد عرض الحلقة السادسة عشرة من مسلسه "الجماعة" الذى ظهرت به شخصية داعية إسلامية تشبه بشدة شخصية الداعية الإسلامية عمرو خالد فى جميع التفاصيل الشكل والشارب والصوت وطريقة الكلام أيضا.

وجسد الممثل الشاب هشام إسماعيل شخصية داعية إسلامى يشبه عمرو خالد ويصوره على أنه يتاجر بالدين، وينظر إلى البنات فى نظرة شهوانية، ويضع الماكياج قبل تقديم البرنامج ويتعامل مع الآخرين بغطرسة وتعالى، كما يقوم بالتمثيل على المشاهدين.

كما ظهر الداعية الإسلامى فى شكل الانتهازى الذى يفتقر إلى العلم الدينى الصحيح، وهو ما يتضح فى حديثه مع رئيس القناة – يجسد دوره عمرو واكد - التى يسجل بها برنامجه ويبلغه بأنه يريد زيادة فى عقده مع القناة لأنه نجم والقنوات تتهافت عليه، وهنا يثور عليه رئيس القناة ويخبره بأنه لا يفقه شيئا فى الدين، وأنه مجرد ممثل وأن القناة قادرة على أن تصنع مثله العشرات.

تلك الصورة السيئة التى ظهر بها الداعية الإسلامى فى المسلسل جعلت العديد من مستخدمى مواقع الإنترنت خصوصا الفيس بوك واليوتيوب يؤكدون فى صفحاتهم الخاصة على أن ذلك افتراء وادعاء على الدكتور عمرو خالد وتشويه صورته أمام جمهوره، وهو ما جعلهم ينتقدون المسلسل بشدة ويؤكدون أن سلبياته باتت أكثر من إيجابياته بكثير، فلم يكتف فقط بمحاولته تشويه صورة الإخوان المسلمين، بل تطرق أيضا إلى تشويه رموز الدعاة الإسلاميين.

يذكر أن هشام إسماعيل قام من قبل بتقليد الداعية عمرو خالد فى بعض البرامج التليفزيونية، والعروض الفنية.

حسبى الله ونعم الوكيل
هما عايزين يشوهو صورة رموز الدين
انا الحمد لله مبتفرجش على المسلسل دة
بس شوية يطلعو صورة الشيخ حسن البنا وحشة ودلوقتى صورة الدكتور عمرو خالد
حسبى الله ونعم الوكيل فيهم وفى اللى بيساعدهم على نجاح هذا المسلسل

ربنا يهديهم
بجد حاجه تزعل اللي بيتعمل ده
الاستاذ عمر
من احسن الدعاه في العالم العربي
ومعتقدش انه محتاج فلوس
الراجل عنده من المال ما يكفي
ليه بقي نظلمه ونفتري عليه كده
وياريت تشيلوا من دماغكوا موضوع الي يدعي الي الله ورسوله لازم يكون ازهري
لان دي فكره اعتقد انها خاطئه
ربنا يهديكوا مش كل شويه تطلعوا الشيخ عصاه
كفايه الي بتخلوا الشباب يتفرج عليه
من تبرج وعري وقبل خادشه وغير خادشه
اتقوا الله

هو انا مش بتفرج علىلا المسلسل ده اصلا
انا اول مرة اسمع عنه
بس بجد حرام عليهم اوىىىىىىىىىىىى يتقو ربنا دا احنا فشهر كريم
سابو ايه بقى لليهود اللى بيعملو المستحيل عشان يشوهو صورة الاسلام ورموزه
ربنا يهديهم ويهدى كل عاصى
تسلم يا احمد على الموضوع
جزاك الله خيييييير

انا كنت بتفرج على المسلسل وبعد الحلقه الخامسه بطلت اتفرج عليه لانى كنت فاكره انه هيناقش الموضوع ده بموضوعيه بس بصراحه لقيته واخد صف واحد انا لامع الاخوان ولابدافع عنهم بس مش معقول كل حاجه فيهم سلبيه كده على طول وبعدين ايه علاقة تشويه رموز الدين بمناقشة تاريخ الاخوان ما هو مش كل واحد داعيه للدين يبفى اخوانى بس الظاهر ان فيه شويه من النخبه المثقفين فى مصر عندهم حساسيه من اى حاجه فيها كلمة (دين) ودا انا بلاحظه فى معظم كلام المثقفين دول فى اغلب البرامج المعروضه حاليا شكرا يا احمد على الموضوع

شكرا للمرور الجميل الي اضاف للخبر ده يا
ريم و روز
جزاكم الله خيرا

» انتقادات للكينج عمرو دياب
» حقيقة عمرو خالد
» حوار مع الداعيه عمرو خالد

انتقادات شديدة لـ "الجماعة" بسبب سخريته من عمرو خالد

انتقادات شديدة لـ "الجماعة" بسبب سخريته من عمرو خالد

مواضيع مماثلة

مواضيع مماثلة