دخلت ليه؟؟أيوة دخلت لـــــــــــــــــــــيه؟؟
إيه اللي شدك إنك تدخل حاجة هبلة زي دي؟؟
متستغربش إني أقول على موضوعي أهبل
لأ متستغربوش لإن من حقي أقول على أي موضوع تافه إنه أهبل
زي موضوعات كتير بدأت تكتر قوي هنا في المنتدى وبتدايقني
وكنت بشوفها من زمان وكانت بتدايقني برده
بس كنت بسكت .. بقول مليش حق أتكلم
بس بصراحة دلوقت من حقي لما أشوف حاجة تافهة وبتضيع الوقت أعترض
وأقول ده غلط...أولا وأخيرا لإنكم إخواتي ومحبش وقتكم يضيع في حاجات تافهة
وهتتحاسبوا عليها
أنا فكرت كتير في الموضوع قبل ما أكتبه
بس أعتبروها نصيحة من أختكم الصغيرة..
موضوعات معينة شايفة إنها غلط ومتستاهلش حد يرد عليها أو يدخلها
بصراحة أغلبها من ألعاب التريكاوية
من فضلكم مش عايزة حد يزعل مني .. سواء اللي كاتبين المواضيع
أو حتى أحمد مدين صاحب المنتدى
لإني بدخل في اختصاصاته
يعني بصراحة لما أدخل موضوع يقول مين يطلع معاك القمر
بيستفزني أو مين ملك المنتدى
ممكن تكون أذواق للناس بس أنا وجهة نظري مش عاجبها كده
وبنبه مش أكتر
بس في ألعاب معينة زي إسأل اللي بعدك سؤال دي فيها إفادة
بتشوف غيرك بيعمل إيه وتاخد منه الكويس
وزي ما دخلتوا الموضوع ده لمجرد اسمه اللي شدكم
أكيد فيه موضوعات كتير كده
وآسفه لو زعلت حد منكم
وياريت لو فيه أي وجهة نظر تانية تقولولي عليها

توبيك جرئ جدا
وكان لازم منه
انا بتفق معاكي ان فيه العاب ملهاش لزمه
وبتتلعب تضييع وقت
ومفيهاش معلومات مفيده
بس برده فيه ناس بتحب الالعاب دي ولازم نحترم رغبتها
شكرا للطرح الجميل يا سلمي
جزاكي الله خيرا

تصدقي انا ترددت في دخول الموضوع وقلت يمكن خطأ مطبعي بس قلت مبدهاش لازم اشوف وده طبعا كان خطا مني اني ما انتبه ع الموضوع او اشوفه سامحيني سلمي
ثانيا فعلا قلتي كلام يمكن البعض من المنتدي بيعترض عليه بس برده لازم نسمع راي باقي الاعضاء علشان نحكم وبالنسبة الي انا كمان بعترض علي بعض الالعاب بس كل واحد وليه رايه واكيد رايك هيتسمع باذن الله
شكرا يا سلمي ع الموضوع المهم

الصراحة العنوان جابلي حول ههههه فعدت مية سنة وانا بحاول اقراه بس من غير فايدة فدخلت الموضوع

اكيد حقك تقولي رايك طبعا وزي ما قال احمد الناس اذواق وكل عضو ليه ذوق
موضوعك رااااااائع جدا