روتانا & الأهلي & سوسو مستغرب ... خش

بسم الله الرحمن الرحيم

الحمد لله رب العالمين والصلاة والسلام علي محمد وعلي أله وصحبه وسلم وبعد

خلينا نخش في الموضوع علي طول .

وإنت يا اللي بتخش تكتب جزاكم الله خيرا دون قراءه لو سمحت إطلع بره

مش عاوزك تقرأ الموضوع

أهم حاجه نوصل لحل اليوم

وخلينا نتخيل كيف الوضع في بيت من اللي مشغل مولدي وروتانا سينما ((( مش هتقدر تصلي الفجر)))

طيب عاوزين الراجل اللي قاعد جنب المدام بتاعته وبيتفرج علي الفلفزيون ( التلفزيون يعني )

وفاتح روتانا سينما .. وفيه فيلم عربي شغال من الله لا يبارك للمنتج ولا للمخرج ولا للممثلين .

طبعا الراجل قاعد ومراته بتتفرج ويجي مشهد من الفيلم للراقصه اللولبيه اللي مو مستغطيه . والست قاعده

وسايبه جوزها يتفرج علي الرقاصه ولا أي شئ ..((بصراحه أنا لو متزوج وزوجتي رأتني أنظر لموقف مثل هذا ولم تغتاظ فهي إذن لا تغير علي ولا تلزمني بهلله))

شويه المشهد بتاع الراقصه فات وجه المشهد مثلا وليكن للمثله ((مزبلة الجماهير)) .. مع الفنان الشهير (( خنفسة الشاشه)) وقام أستغفر الله العظيم <<< كلام مشفر,,,,,,,<<<

والراجل سايب زوجته تتفرج علي المنظر ده أين الحياء!!!!

طيب بدل ما نعك ونجيب كلام غلط أنا عاوز أفكرك

,

إنت فاكر الراجل اللي مات من هول المنظر

أه والله مات صعق وقهر وأدي ذلك إلي موته

أتظن أنه مات لرؤيته أحد بيوت المسلم يهدم

أو لؤيته دماء الاسلام تسفك

لا والله

مات لأنه رأي شباك نادي الأهلي تهتز بهدف

أسألك بالله عندما يبعثه الله ماذا يقول له ؟

بلاش بلاش سيبك من اللي فات

إنت فاكر الأخ اللي ما نمش الليل

أرق وصداع

وألم وحزن

وكل هذا

لما

تخيل

إمجين معايا

أيوه

لأن سوسو كنسلت الموبايل في وشه

ويا عيني هو يرن وهي تنكسل

لغاية أما الموبايلات اشتكت

بلاش بلاش نشوف حاجه تانيه

شايف الأخت اللي فاتحه الأخبار

وقاعده تتفرج علي إخوتها في فلسطين

وبتمسح دموعها وحاطه جنبها جردل بتعصر فيه المنديل

((أيوه ياعم إحنا مستنين المشهد ده من الصبح))

أصبر علي أنا هديك كرسي في الكلوب الوقتي

مهي دي نفس الأخت اللي بتلبس بنطلون شرلس تون اللي بيتلبس بصابونه

وهي هياها نفس الأخت اللي كانت مقطعه نفسها من البكاء

في نهاية الفيلم الرومانسي

نقول لها وفري دموع التماسيح

فوالله لن تنفعك

فأنت لن تدخلي الجنه ولن تشمي ريحها أبشري

هذا ليس كلامي ولكن كلام من لا ينطق عن الهوي

طيب بالله عليكم

خبروني

شباب يتسكع بالطرقات

وبيوت تضج بالمعاصي

وقلوب خربه كالمقابر

ومعاصي تصعد منا إلي الله من كل حدب وصوب

ونقول متي نصر الله !!!

فوالله الله عدل

وهو الآن يعاملنا بفضله

فوالله لو عاملنا بعدله ما تركنا علي وجه الأرض .

طيب والحل يا أبو عمر (( خليكو حلوين كدا .. وإدعوا إني ربنا يرزقني بزوجة صالحه وعمر والمقداد وأبو دجانه والخنساء ... ولو أزدتم فما يأتي منكم بركه – ابتسامه- ))

_____

يتبع .<<<<<يتبع>>>>>>>

شوف يا سيدي من غير لف ولا دوران

عاوزين نلتزم أو نحاول نكون مع الملتزمين

طيب مين الملتزمين ؟؟

هس هس هس

الصوت ده جاي منين اللي بيقول الإخوان

وإنت يا اللي بتقول التبليغ

وإنت يا اللي بتقول كذا وكذا

إستني عاوزين نبين شئ

النبى قال صلى الله عليه وسلم افترقت اليهود على أحدى وسبعين فرقة وافترقت النصارى علىاثنتين وسبعين فرقة وستفترق أمتى على ثلاث وسبعين فرقة كلها فى النار إلا واحدة قيلمن هى يا رسول الله قال ما عليه اليوم أنا وأصحابى

طبعا هيطلع لي واحد رذل .. يقولي أنا أول مرة أسمع الحديث ده .

معلش هستحملك

طيب إفتح يا حبيبي المصحف تمام

هات سورة النساء

وهات الأيه

115

ها إقرا سمعني بتقول أيه

أيون

قال الله

وَمَنْ يُشَاقِقِ الرَّسُولَ مِنْ بَعْدِ مَا تَبَيَّنَ لَهُ الْهُدَىٰ وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّىٰ وَنُصْلِهِ جَهَنَّمَ ۖ وَسَاءَتْ مَصِيرًا (115)

سؤال فريد من نوعه

حبيبي في الله أيها القارئ من هم المقصود من لفظ المؤمنين في الآيه ؟؟

ممتاز وبلاش كلمة شاطر ((لأان الشاطر هو قاطع الطريق أنا مش عاوز اشتمك))

أيوه الصحابه من المهاجرين والانصار

يعني أيه نوله ما تولي .. أيوه مظبوط يعني لا نريد منه شئ ..

أظن نصله جهنم وساءت مصيرا دي واضحه

إذن معاها يا حبيب

إن اللي هيخالف النبي من بعد ما شاف الحق وعرفه (( وأهو انت عرفت يا سكر)) ويمشي في طريق غير طريق محمد وصحبه .. ربنا مش عاوز منه حاجه وهيدخله جهنم .

وبالجمع بين الحديث والأيه نستنتج أن

الفئه الناجيه التي أيدها الله بالحق هم من يأخذون بمنهج القرآن والسنه زي ما الصاحبه فهموه وعملوا به

يعني قرآن وسنه بفهم سلف الأمه ..

يا أبو عمر لحظه (( أيه السلف دي ))

يا عم من غير كلام مكلكع ولا حاجه .

السلف دي كلمه كانوا بيقولوها علي الصحابه و التابعين اللي كانوا بيعملوا زي الصحابه

خلا ص أنا كدا قلت اللي عندي

واللي مش عاجبه يطق

السلام عليكم

كتبه /أخوكم أبو عمر القرشي

والله توبيك رااااااااائع يا احمد وجاى ف وقته لان الناس وخصوصا الشباب بيعملوا معاصى كتير اوى ف العيد ع اعتبار ان العيد فرحة !!!!!!!!!!!!
"ليس العيد لمن لبس الجديد ولكن العيد لمن طاعته تزيد "
جزاك الله خيرا وجعله فى ميزان حسناتك
بارك الله فيك

 <img src="../users/2612/30/48/59/smiles/344740.gif" smilieid="27" border="0"> <img src="../users/2612/30/48/59/smiles/344740.gif" smilieid="27" border="0">  <img src="../users/2612/30/48/59/smiles/344740.gif" smilieid="27" border="0"><br>حلو قويييييييييييي قويييييييييييييي جدا التوبيك دة يا احمددد بجد<br>جزاك الله كل خييييييييييييييييييييييييييييييييييييييييييييييييييييييييييييييير<br>

شكرا للمرور القيم ده يا
اميره وفوءا
بجد نورتوا التوبيك واضافتوا ليه
جزاكم الله خيرا

ماشاء الله توبيك جميل يااحمد
جزااااااااااااك الله كل خيييييير

جميل جدا
موضوع اكتر من رااااااااائع ويارب نستفيد منه

جزاك الله عنا كل الخير

امين يارب العالمين
شكرا للمرور القيم ده يا مروه و زهره
جزاكم الله خيرا

توبيك را ئع يا احمد والله
جزاك الله خيرا
انا شوفت العيد ده مناظر بتعجبلها فعلا ناس كانت منقبة وقلعته وتقول علشان العيد ولما تكلمهم يقولوا والله هنلبسه تانى بكرة او بعده ربنا يهديكى ياختى لو انتى مقتنعة بيه البسيه لو لا احترمى نفسك واقلعيه علطول
ربنا يهدينا يارب
ويثبتنا بعد رمضان

تسلم ايدك
بارك الله فيك

بجد توبيك ميل جداا واسلوبه اجمل
جزاك الله خير وربنا يثبتنا بعد العيد باذ الله

امين يارب العالمين
شكرا يا لؤلؤه ودينا
بجد مناقشتكوا اضافه جامد للتوبيك
ربنا يبارك فيكوا يارب
جزاكم الله خيرا

موضوع جميل جدا يا احمد اشكرك على طرحه, والله لا اعرف اابكي ام اضحك لان شر البلية ما يضحك للحال الذي وصلنا اليه اليوم ولكنني اسال الله عز وجل ان يهدي شباب وشابات الامة الى طريق الحق وان يُمتنا على الحق, بعيدا عن المعاصي والذنوب وان يغفر لنا زلاتنا واخطاءنا
جزاك الله خيرا

امين يارب
شكرا يا وفاء للمرور القيم ده
ومناقشتك الرائعه دي
جزاكي الله خيرا

حلو اوى التوبيك
من ناحية العجايب ففى كتيررررر جدا
اللهم عاملنا بفضلك لا بعدلك
جزاك الله خيرا

يا رب يثبت علينا العقل والدين
كلامك والله نابع من صميم الموضوع

جزاك الله خيرا

توبيك جميييييييييييييييييييييل اوى بجد
جزاك الله كل خير يا احمد

والله عندك حق يااحمد فى كل كلمة قلتها

بس ربنا غفور رحيم ويمهل ولا يهمل

يعنى بيدينا فرصة نتوب ونصلح من نفسنا ولا يبقى فى روتانا

ولا سوسو ولا مودى

اللهم اصلح احوال المسلمين جميعا ياارحم الراحمين

شكرا للمرور الجميل والمناقشه الرائعه دي يا
ملكه و فلسطين وريم وشيماء
جزاكم الله خيرا

» عيد ميلاد اجمل اسراء كلو يدخل يباركلها ويقولها كل سنة وانتي طيبة يا سوسو
» بشرى لجماهير الأهلي،أبو تريكة: لعيون الأهلي وجماهيره، عرض الهلال مرفوض
» مقلاتي: حاولنا تجنب طول قامة حارس الأهلي والوداد سيتأهل ومعه الأهلي

روتانا & الأهلي & سوسو مستغرب ... خش

روتانا & الأهلي & سوسو مستغرب ... خش

مواضيع مماثلة

مواضيع مماثلة