الحضري:حسن حمدى كان بيترعب من جوزيه-والبرتغالى كان عايز يدمرنى-والزمالك عشقى الأول-

شن عصام الحضري حارس مرمى نادي الزمالك ومنتخب مصر هجوما حادا على
مجلس ادارة الاهلى برئاسة حسن حمدى مانويل جوزيه المدير الفني السابق
للقلعة الحمراء وأكد أن الأخير كان الرئيس الفعلى للنادى والأول كان يخاف
منه وينفذ كل أوامره دون مناقشة .

وقال الحضري في برنامج "دوام
الحال" الذى تقدمه الإعلامية لميس الحديدي " عندما عدت إلي النادي وجدت
الكثير من الأمور التي تحاك ضدي ، كانوا يريدونني أن أعتزل الكرة ، حتى
زملائي اللاعبين لم يصافحوني ، كل هذه كانت أوامر المدير الفني البرتغالي
، كانوا يخشون من مانويل جوزيه لكنني لم أخشاه " .

وفي رده على
سؤال لميس الحديدي مقدمة برنامج "دوام الحال" الذي يذاع على فضائية "نايل
لايف": مين قالك تطلع على التليفزيون وتعتذر للنادي الأهلي وتبكي بدموع
وتقول أنا ندمان ؟ قال الحضري إنه ليس من العيب أن يعتذر اللاعب لجماهيره
اذا حس بالخطأ، نافيا تماما أن يكون أحد قد أجبره على الظهور في التلفاز
والاعتذار .

وحول علاقته بجوزيه قال الحضرى: جوزيه كان واحد من
الناس اللي كان عايز يمشّي كلامه عليّا على حساب كرامتي .. وبحق ربنا ..
محدش وقف جنبي في مجلس إدارة النادي الأهلي غير الكابتن محمود الخطيب .

واضاف
الحضري "بعد أن طلبت من الأهلي السماح لى بالانتقال إلى نادي سيون شعرت
وقتها بتصرفات غريبة من مجلس إدارة النادي وحسيت ساعتها إن كيان الأهلي في
حاجة مش كويسة وفي حاجة بتدّبر ليّا ولما عرفت الحاجة اللي بتدبر ليّا
قلتلهم مش هقدر أكمل معاكم بالطريقة دي".

سألته الحديدي: هي ايه الحاجة اللي كانت بتدبر ليك؟؟ فقال: " كانوا عايزين يخلّوني أبطّل كورة".

لافتا
إلى أن ما كان يتوقعه حدث بالفعل، بدليل أنه بعد عودته من سيون ورغبته في
دخول النادي الأهلي: "محدش من اللعيبة كان عايز يسلم عليّا .. لانهم كانوا
واخدين أوامر من جوزيه انهم ميسلّموش عليّا قدّامه"، وأضاف: "همّا كانوا
بيخافوا من جوزيه .. لكن أنا ما كنتش با أخاف إلا من اللي خالقني".

وتابع
أنه حاول الرجوع إلى النادي الأهلي، لكن الأوضاع تجاهه لم تكن جيدة.
قاطعته الحديدي بقولها: الأوضاع ولا علشان فكرة إن الأهلي مؤسسة ليها
قواعد لازم نحترمها؟ فرد الحضري باستنفار: " لا لا .. مافيش حاجة اسمها
مؤسسة ليها قواعد وبتاع .. القواعد دي بتبقى حسب مزاج إدارة النادي".

وحول
موضوع ظهوره مع زوجته في أحد الإعلانات التليفزيونية قال: "مش أول مرة
زوجة لاعب تظهر في إعلان ... أحسن حراس مرمى في العالم عاملين مع زوجاتهم
إعلانات وعن نفس المنتج اللي أنا عامله"، نافيا أن يكون قد قام بعمل إعلان
"بيرة" خلال تواجده في نادي سيون.

اللى بيقوله الحضرى ده كلام فارغ هو يعنى علشان النادى بينفذ طلبات المدير الفنى وبيوفر له فرص النجاح يتقال عليه كده امال جوزيه نجح ليه؟ ما هو علشان لاقى الفرصه للنجاح ودى سمه اداره الاهلى دائما

لو طلع العيب من اهل العيب ميبقاش عيب

شكرا للخبر يا ريم