ياشاب يابن دينى...........راح اقولك كلمتين
ادينى ودنك وقلبك........تفلح دنيا ودين
انا شاب والله زيك.......متشحطط ف الحياة
ويااخويا راح ادلك........على قارب النجاة
بدأت حكايتى من سنين......من يوم ماكنت ف ثانوى بدرس ف طه حسين
صاحبت ف البداية............شلة ولا اتنين
وكنت فرحان قوى...........وكلى شوق وحنين
للصحبة والمجدعة..........والسيما يوم الاتنين
وكنت ابيت برة..........باليوم واليومين
اشوفلى سهرة حلوة............وسيجارة ولا اتنين
اشربها يوم الجمعه.........وافوق يوم الاتنين
واشوف بنت حلوة.........اعاكسها ف التليفون
وكل يوم ع الحال دة ........بالساعة والساعتين
ومر كام ع الحال دة؟.........سنة او قول سنتين
وخلصت الثانوية..........خلاص ف 6 سنين
وصبحت داخل الجامعة ........من بعد طه حسين
قولت لنفسى يلا.......عيشلك جوة يومين
عرفت شلة جديدة...........وفيها م الصنفين
صبيان وبنات ويلا..........وهو كله ف اليومين
وفات سنة وسنتين.........والدنيا لسه هيه هيه ........والشلة هيه هيه......والجو ميه ميه
وف يوم م اليومين....طلعت ع الكانتين
اكلت لقمة حلوة..........بسكوتة ولا اتنين
وجوه ف الكانتين ......ببص ف الارضية........شالونى مغمى عليا
اتارينى شوفت اتنين......ف الدم غارقنين
سالت ايه الحكاية........قالولى شكلة عادية....على بنت ولا اتنين
كملت يومى عادى.....ودماغى ف حتة تانية
وشغلى ف اليومين...يتعد ع الايدين
اقوم الصبح بدرى..........يعنى الساعة اتنين
اروح ع الكلية........اقعد هناك ساعتين
اخرج مع بنت حلوة........بالساعة والساعتين
واروح القهوة امشى.......ادوسلى على حجرين
العبلى عشرة دومنة............واروح اجيب فيلمين
اسهرلى سهرة حلوة..........مباشر مش again
واروح البيت تملى....انام واقوم اتنين
جيت ف يوم اغير......وماروحتش الكانتين
ركبنا الجيب يلا.............وخدنا معانا بنتين
وسرعة ع الستين..........والمية والعشرين
ويومها روحنا القسم........ بيتنا هناك يومين
وخدت يومها نصيبى........ قلمين وشلوتين
ونوم مع مجرمين....تلطيش شمال ويمين......تقليب جيوبى الاتنين
وروحت يومها البيت.......حبست نفسى يومين
ابكى ع اللى صابنى.........من تحت راس اليومين
ومرة واحدة افتكرت........اليوم بتاع الكانتينومنظر الشابين
مفيش حاجة ف حياتى.........تستاهل دمعتين
ولقيت حياتى سودة......مليانة بالانين
جسمى ضعيف وبالى .....بقى اضعف من الجنين
وارجع واقولك تانى......اهو كله م اليومين
ماخدتش منهم غير ......زالجرح والانين
وسالت نفسى سؤال..........طيب اروح لمين
وفجاة سمعت صوت.........عم الشيخ امين
بيقول:الله اكبر..........عرفت اروح لمين
نزلت روحت الجامع.......وف عينى دمعتين
صليت مع الجماعة.......الفجر ركعتين
مددت جنب المنبر..........غفلت شويتين
ويااااه ع اللى شوفته..........مباشر مش again
كانى ف ارض غابة..........وكان معايا اتنين
م الشلة الحلوة اياها .........بتاعة طه حسين
وفجاة هجم علينا ......ديابة وتعابين
ببص جنبى اشوف...........ولا واحد م الاتنين
قعدت اصرخ وانادى..........على حد م الاتنين
ولاحد عبر فيه......ولاحد قال انت فين
والكل ينهش فيه......وهما كانوا يومين
وقلت يارب حشنى يارب حشنى.....سمعت كلمة امين
ظهرت لى ايد قوية.........مسكت فيها باديه
وصحيت من حلمى ماسك...........بايدين عم امين
وقالى يابنى مالك..........حكيت له ع اليومين
فقالى ف كلمتين..........دى مؤامرة والله يابنى......عليكوا يامساكين
م اليهود وغيرهم.........اعداء المسلمين
والحمد لله يابنى نجاك م المؤامرة..........بدعاء الوالدين
وعبط عليا جامد وقالى ربك يابنى.............ارحم الراحمين
استغفر يلا يابنى.............تكون من الطاهرين
وشوفلك صحبة صالحة...........تكمل بيها الدين
ويلا عاهد ربك......بكل صدق ويقين
ان انت تكون يابنى..........خادم لهذا الدين
بالوصفة دية يابنى..........تفلح دنيا ودين
وخدت الوصفة منه.........ومشيت عليها والله..صراط مستقيم
مفيش مرواح كانتين......صلاة عماد الدين.........صيام خميس واتنين..........وبر الوالدين
وصحبة صالحة نافعة...........كملت بيها الدين
وبجد عشت يومين........يومين يومين يومين
وبسال ربى وحده...............رب العالمين
يديمها عليا نعمة..........ويحفظها م الحاسدين
وهى دى يااخويا ..........تجربتى مع السنين............م الصفر للعشرين
وعايزك يابن دينى....تبدأ م العشرين
واوعاك تقول اجرب .......دول قالوا ف الامثال........ابعد عن الطبيب .....وروح واسال مجرب
لا يلدغ مؤمن ابدا.......من جحر مرتين
عايزك تفوق وتصحى........زلكيد الكائدين
حطوك ف مستهدفهم.......حالفين وماقسمين
اقضوا على الشباب..........تذلوا المسلمين

يارب تنال اعجابكم
وهى من تأليف الروبى بكلية طب المنصورة
وياريت مشرف القسم يقرأها ويشوف انا حاطاها ف القسم الصح ولا المفروض تكون ف القسم الاسلامى
ومعلش انى طولت عليكم

اروح ع الكلية........اقعد هناك ساعتين
اخرج مع بنت حلوة........بالساعة والساعتين
ههههههههههههه فعلا معظم شباب الجامعه حاليا مش بيعملو غير كده

ومرسي يا ندي علي الموضوع الجمييييييييييل ده

بجد تسلم ايدك

توبيك اكثر من روووووووووووووعه

تسلمولى انتوا ياااارب ع مروركم الجميل دة

ميرسى ليكم بجد