مجهود خرااااااااااااااااافي بجد يا كابتن اياد .... بجد حاجة تفرح

انا وانا قاعدة بقرا فيها بجد مبسوطة جدا للتطور اللي حصل يعني بقي فيه تنوع اكتر وكمان المواضيع عن الاهلي بقت اكتر والاسلوب رائع جدااااااا بجد بجد تسلم ايديك يا كابتن ايااااااد وتستاهل فعلا هدية انت وكل فريق العمل علي الصورة اللي بتطلع فيها المجلة (ادي رد مش روتيني )


بصراحة مش لاقية انتقاد للمجلة بس برده هرجع ادقق فيها كمان مرة بس الخطأ الصغنوووون اوي اللي شفته انه في بعض الاخطاء الاملائية هي مش املائية يعني في بعض الحروف متشبكة بس ده احسن علشان القاريء يشغل مخه

بجد سلمت يدااااااااكم جميييييييييييعا يا عمو اياد ويا رب نشوف المجلة كمان في تطور اكتر يااارب

ان شاء الله هتكون المناقشة في اقرب وقت لانه في مواضيع جميلة جدا وحبيت ابدي رايي فيها بس انا قلت نبدا بالرد علي المجلة بشكل عااااام وبعدين نبقي نشوف واحدة واحدة

وان شاء الله النهاردة كده هبقي اناقش في كل مواضيع المجلة بإذن الله

وبالنسبة لموضوعي حصريا ولاول مرة هقول فكرته علي منتدي تريكة

الموضوع ده بجد كان نفسي اعمله من زمان وجتني الفكرة لما كنت راكبية عربية ورايحة مشوار كده وكنت ببص علي حيطان او جدران البيوت فلاقيت العبارات اللي انا كتبتها في الموضوع وجتني الفكرة من هنا وحبيت اوصلها ليكو بطريقة كويسة والحمد لله اهي وصلت وبجد شكرااااااا لييييييييييييييييييييك علي الرد الرائع ده واللي بعتز بيه فعلا واتمني استمر في مقالات زيها واحسن بإذن الله

مشكور مرة تانية وانتظروا المناقشة

بردو مفيش حاجة بتفتح !!!!!!!!!!!
هو ماينفعش حضرتك تنزل المقالات هنا عادى يعنى ؟

بصو بقى انا هدخل فى الموضوع على طول لعمو ايدو يضربنى اوك هههههههههههههههههههههههههه
مش هشكر ولا هجامل حد تمام كده ياريم
اول حاجه احب اقولها
اننا نبتدى بمقوله اسلاميه اوحديث شريف او ايه قرانيه وبعد كده نبتدى بالريياضه عادى علشان ربنا يباركلنا في المجله وتكبر وترعرع كده وتبقى حاجه فل ههههههههههههه
اما بالنسبه لموضوع الشنط الصينى دى ميه ميه وانا اول واحده بحى وبحترم اى حد اشترى شنطه صينى لابنو او بنتو
والله شنط ميه ميه رخيصه وحلوه وشيك وتمااااااام هيه اى نعم بتبوظ بسرعه بس حلوه يعنى هنعمل ايه يعنى فى الغلا اللى فى البلد اهى اى حاجه تفرح العيال وخلاااااااااااااااااص ههههههههه
واوجه اعجابى مره ثانيه عن المنتجات الصينيه
ميه ميه يعنى الصين دى مخلتش فى نفسنا حاجه هههههههههههههههه
ثالت حاجه
عجبانى جدا البلد اللى بتحرق العريس على دهرو البلد دى ميه ميه هههههههههههههه
رابع حاجه
بالنسبه لموضووووع اللحمه والله البلد بايظه من مجميعو يعنى جت على الراجل اللى بيبيع لحمه فاسده مالبلد كلها فسده وبعدين متقلقوش احنا شعب بياكل الظلط
طبعا المجله كلها جميله بجد وعجبنى اوى اوى على جدران فلسطين كلام فى منتهى الروعه
واستمرو بقى المجله حلوه اوى وفيها تغير
معلش بقى لازم اقول نفس الكلمتين فى الاخر ههههههههههههه بشكر كل اللى عملو مجهود فى المجله لغايه مطلعوهلنا كده
ومعلش بقى انتو اللى عوزنا نتكلم استحملووووونااااااااااااااا

حــــــــــــــــــان وقت المناقشة

اول حاجة الاخبار الرياضية طبعا مفروغ منها

بعد كده موضوع (ايه الحل فلا حياة لمن تنادي ) موضوع جميل وعجبني جدا لانه فعلا يهم كل قاريء اهلاوي وبيعبر عن اللي جواه

وطبعا في بعض الاخبار الرياضية اللي الواحد بياسف انها بتحصل وطبعا منها احداث كرة السلة الاهلي والزمالك وما تبععه من تطورات لانه الموضوع بجد مهم لامتي هيفضل التعصب ماخد الجزء الاكبر في عقولنا احنا بنحب نادينا اي نعم بس برده لما بيحصل حاجة بنقول ده غلط وده صح .... ان شاء الله الامور تتصلح ونشوف حاجات افضل الفترة الجاية

وطبعا اخبار جميلة عن محمد بركات وعن محمد زيدان بس يا ريت العدد الجاي يكون فيه النجك وحبيب التريكاوية محمد ابو تريكة سواء مقالة او صور او تصميمات للنجم الخلوق

الكورة العالمية بقي انا مليش فيها خااااااااااالص يدوب بلحق المحلي

وكمان زي ما قالت ايمي موضوع الشنط جميل وده فعلا موجود عندنا بس احنا الاسعار هنا مولعة خالص يعني الشنطة متقعدش يومين وسعرها شيء وشويات

وخبر جميل اوي يهم جمعية الكبد بالدقهلية وان شاء الله يكون فيه مؤسسات تانية في اكتر من مجال تقدر تساهم في نهضة بلدها سواء في مصر او العالم العربي

اللحمة الفاسدة دي بقي موضوع لوحده بس كويس انه المحلات دي اتكشفت

وكمان موضوع المسجد اللي في القطب الشمالي موضوع جميل والحمد لله انه في ناس لسه بتعمل خير لدلوقتي

الموضوع التحفة بقي موضوع عادات الاعراس في دول العالم بجد معلومات غريبة وطريفة في نفس الوقت

نيجي بقي لاقلام التريكاوية واولهم ايمي بجد الشعر جاااااااااااااامد جدااااااااااااا وكلماته حلوة وجميلة ويا رب نشوف ليكي اشعار كمان وكمان

وموضوع سلمي (الدين الاسلامي في مصر ..عذرا لقد نفذ رصيدكم ) جميل جدا وجريء جدا وكمان ده يا سلمي مش بيحصل في مصر وكمان في كتير من الدول العربية ربنا يهدينا جميييييييعا

وبشكر اياد علي تنسيق التوبيك بتاعي وكمان بشكر ايمي علي الرد الجميل وده وسام يكفيني من اخواتي



كلنا كالقمر .. له جانب مظلم

الحكمة دي بجد عجبتتني اووووووووووووووي فيها معاني جميلة ومفيدة مع انها مختصرة

واحلي حاجة (من هدي النبوة) شيء جميل فعلا انه اضيف للمجلة

وموضوع سلمي كمان راااااائع فدوام الحال من المحال والسعادة لا تبقي طوال الحياة والا لن تبقي الحياة جميلة فالسعادة موجودة لنحمد الله عليها
والمصائب موجودة ايضا لنحمد الله عليها قالسعادة الكاااااااااااااااااملة في الجنة (بجد موضوع رائع يا سلمي )

الكاريكتير لا غبار عليه

اما بالنسبة لقضية صحيفة الاهرام فدي اول مرة اسمعها في الصحيفة لانه كنت قريت شوية اخبار عنها بس اول مرة اشوفها كاملة في المنتدي والمجلة فقضية جامدة جدا للنقاش لانه ما وصلنا اليه دلوقتي اصبح شيء لا يحتمل بدل ما نحسن وضعنا لا بنخلي الغرب يضحكوا علينا ربنا يهدينا يا رب


ومباااااااااااارك لريمووووووووووو علي الفوز وانا برده احتج فين الجوايز هتاخده البت في دوكة من اولها

وبالنسبة للمسابقات العدد ده اانا هبعد عنا كفاية عشت افلام رعب من مسابقات المنتدي

واخر دعوانا ان الحمد لله رب العالمين

وكمان مرة سلمت يداكم يا فريق العمل