العيب فين..منتدى تريكه مش تريكه

السلام عليكم ورحمه الله ياتريكاويه

النهارده مش جايب معايا موضوع ولا خبر انا جى اتناقش معاكم

فى عدم نشاط المنتدى وللاسف احنا بقلنا فتره كبيررررررررررره اووى ع الحال ده

كنا بنقول اسباب لعدم النشاط ده

دخول المدارس والدراسه

وبعدين رمضان

والفتره كل شويه بتكبر والحال زى ماهو

منتدى تريكه اللى كان اول لماا ادخل النت بخش عليه اشوف ايه الاخبار والمواضيع

دلوقت ممكن يفوت اياام ومدخلش ..ويوم ماادخل بلاقيه زى ماسبته

العيب فين..منتدى تريكه مش تريكه 53714

ممكن الاختلاف بس فى انى الاقى ردود فى قسم الالعاب

العيب فين..منتدى تريكه مش تريكه 984396

ايـــــــــــــــــــــه الحل لرجوع منتدى تريكه لتريكه ؟!؟!؟!؟!؟!؟

ولا نوصل بالمنتدى لفيـــــــــــــــــــــــــــــــــــن

ياريت نخش ننتناقش ونقول العيب فين....... وماحدش يقولى ان المنتدى كده طبيعى

لان اللى فى المنتدى من فتره هيعرف الفرق

والفرق كبيـــــــــــــــــــــــــــــــــــــــــــــــــر قوى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فعلا يا كابتن المنتدي مبقاش زي الاول خالص وده لاحظته اول ما رجعت

يمكن المنتدي افتقد حاجات كتير

منها وجود اعضاء كبار غادرونا وكان ليهم نشاط كبير وده محدش يقدر ينكره

بس في كمان اعضاء موجودين دلوقتي بيعملوا اللي بيقدرو عليه بس اللي ملاحظاه جدا

انه يوميا بيكون عدد المتواجدين كتير ما شاء الله يمكن 18 عضو بس اللي بلاقيه متفاعل قليل جدااااا

ومن الاسباب كمان انه دلوقتي بقي التركيز علي جانب واحد في المنتدي يعني اقسام معينة محدش بيدخل غيرها يعني الحل ممكن انه يكون هناك مشاركة من جميع الاعضاء في جميع اقسام المنتدي بس برده مين ينفذ انا شايفة المشكلة كلها فينا احنا احنا اللي كسلنا جدا

بس برده في كمان نقطة وجود الاعضاء الكبار الموجودين دلوقتي بيشجع الاعضاء التانيين انهم يتفاعلوا وكمان موضوعات المانقشة بتفيد جدا في انتعاش المنتدي

كمان برده لاحظت انه مدين مبيدخلش الا فترات قليلة ولازم مدير المنتدي يكون موجود بصورة متواصلة الا ازا حكمت الظروف

دي اللي ممكن اتوصل لها في الوقت الحاضر

واتمني يرجع المنتدي زي الاول
اه صحيح وكمان برده ستايل المنتدي ليه فترة كبيرة زي ما هوا والحصريات بطلت تبقي موجودة

انا معاك يا اياد بجد المنتدى بقى مش فعال خالص وعاوز تنشيط من الاول, انا بصراحة ما بقيتش ادخل كثير زي الاول لاني بشتغل وبرجع متاخرة وما بلحقش افوت , بس يوم ما بفوت بلاقي المنتدى زي ما هو.

اقترح ان يكون لكل منتدى مشرف او مسؤول يجدد المواضيع وينعش المنتدى المسؤول عنه, طرح مواضيع هامة تهمنا نحن البشر في حياتنا اليومية للنقاش وطرح الاراء وانا بشوف ان الكل بيدخل علشان يلعب بس مش دا الهدف بس تضييع الوقت احنا عايزين نستفيد.
ودلوقت اغلب المشرفين مشغولين وما بقيتش اشوفهم يمكن علشان الدراسة . بس بجد لازم نرجع المنتدى زي الاول , دا منتدى ابو تريكة اوعوا تنسوا

السلام عليكم

فعلا يا اياد ده الموضوع اللى بيراود تفكيرى من اول ما الاجازة دخلت ... انا بصراحة كنت مستحمل ايام الدراسة قلت اكيد لما الصيف هيدخل هيبقى فى كلام تانى والشغل هيبان والصيف عدى ورمضان عدى والدارسة دخلت تانى واغلب اللى كانوا بيدخلوا مبقوش يدخلوا ... امال فى ايه ؟؟؟
بص انا شايف ان السبب الاساسى هو مدين مقصدش انه مقصر لا مدين مش مقصر هو عنده شغل وظروف بس مدين مش بيعتبر فرد واحد لا مدين هو المنتدى ولما بيغيب المنتدى بينام ... ايوة انا بتكلم بجد مدين وجوده لوحده كفيل انه يدى للمنتدى نشاط دوناً عن كل الاعضاء مدين ليه فكره وشغله وده منتداه وهو ادرى واحد بيه .... بس ان شاء الله الفترة الجاية هتبقى احسن بكتير وفى حاجات حلوة جاية فى السكة ان شاء الله بس ياريت الناس اللى فعلا بتحب المنتدى متنجرفش فى التيار وتبتدى بنفسها وتشتغل ومتكسلش

شكراً يا اياد على التوبيك اللى يعتبر اهم حاجة فى الفترة الحالية

السلام عليكم
احسن موضوع شوفته فى الوقت الحالى هو ده يا ايدو واهم موضوع
فعلاااااااااااااا المنتدى لالالالالالازم يرجع زى الاول واحسن كمان لانه خلاص بقى ممل جداااااااااااااا وبجد بقى فى كسل كبير اوى عند كل الاعضاء ومنهم المشرفين والمراقبين طبعا
ممكن يكون بسبب ان كتييييييييييييييييييييير اوىىىىىىىىىى من المراقبين والمشرفين اصلا مش بيدخلو غير فالسنه مرتين تلاته وحتى لما بيدهلو يا بيلعبو او بيردو على كام توبيك كدا وبيمشو يعنى مش بيأثرو ولا بيضيفو جديد
وبردو انا معاكو فان من ضمن الاسباب ان مدين مبقاش يدخل زى الاول بردو بقى بيدخل قليل جدا وطبعا احنا كلنا عارفين انه مشغوووووووووله جدااااااااااااااا بس بردو طول ما مدين بعيد المنتدى مش هيمشى كويس
طبعا انا شايفه انه لازم يكون فى حل فاسرع وقت والا المنتدى هيخسر كتير وكتير من الزوار هيزهقو ومن الاعضاء بردو لان مفيش اى حاجة جديدة بتحصل
ربنا يسهل ومدين يدخل ونشوف حل بسرعه
ميرسى يا ايدو عالموضوع المهم جداااااااااااااااااااااااااا ده

أراء كلها صح وهى فعلا اللى مقصره فى المنتدى

وحلها من راى انها لازم تبدا من فوق عشان المنتدى يرجع زى ماهو

من اول مدير المنتدى ثم المراقبين ثم المشرفين ويليها الاعضاء طبعاا

وغياب الادوار دى كلها هو اللى ادى ان المنتدى مايبقاش فيه نشاط زى الاول

والله اعلم بظروف كل واحد طبعااا

ياريت مدين يدخل ويشوف اراءنا

لان البدايه من عندك يابومبوووووووووووووووووووووو

اول حاجه احب احييك يا اياد للتوبيك الجامد ده
وانت معاك حق في اللي انت قلته وكل الناس اللي رديت كمان
وبردو في كذا عيب م العيوب اللي انتو قولتوها
ومنها ان في اقسام مفيهاش مشرفين
وانا شايف ان الدردشه سبب كبير في قلت الناس
اي انعم الدردشه بتجيب مشاكل وكمان كتير
بس هيا سبب كبير في حضور الناس
انا عن نفسي من يوم ما دخلت المنتدي اول مره اشوف
الاعضاء الذين تواجدو خلال 99 ساعه بالحجم اللي هيا فيه دلوقتي
وان شاء الله المنتدي هيرجع زي الاول واحسن كمان بس بينا احنا

السلام عليكم
انا مع جاد فاللى هو بيقوله ده
فعلا الدردشة من ضمن اهم الاسباب فان المنتدى يبقى بالشكل ده
الدردشة فعلا بتجيب مشاكل بس لو رجعت وعليها مشرفين ومراقبين جامدين هتبقى تمام والمنتدى يزيد عليه الاقبال من تانى وينشط شوية
وبردو انا من ساعت ماجيت المنتدى اول مرة اشوف عدد الاعضاء المتواجدين خلال 99 ساعه بالشكل ده بجد حاجة تخض وحاجة ملفته للنظر اوى كمان
وفى حاجة انا بقيت كتير اوى ادخل فاوقات الاقى نفسى لوحدى فالمنتدى واوقات كتييييييييييييييييييير مش مرة او اتنين وده عمره ماكان بيحصل قبل كدا خالص
ياريت يامدين تدخل تشوف ايه اللى بيحصل ده واحنا كلنا معاك وكلنا مع بعض نقدر باذن الله نرجع المنتدى زى الاول واحسسسسسسسسسسسسسن من الاول كمان

فعلا من الاسباب المهمه جدااا وهى الدردشه

اينعم بتجيب مشاكل كتير جداا..... بس ده كان بسبب انى مافيش راقبه عليها

لازم يكون عليها مشرفين قد المسؤوليه

وكمان ياريت مش اى حد يخش الدردشه

نعملها مثلا بعدد مشاركات معينه زيها زى الرسايل

ــــــــــــــــــــــــــــــــــــــــــــــــــــــــــــ

اقتراحات واراء كلها جميله جداااااااااااااااا

بس انت فين يامدين

عاوزين تنفييييييييييييذ

العيب فين..منتدى تريكه مش تريكه 116283

مممممممم

كلام جميل

كلكم صح
بس للاسف ماحدش فيكم جاوب علي سؤال اياد
العيب فين ؟

العيب فينا :D
كلنــا
ياريت بس كل واحد فينا يسأل نفسه
في خلال الشهر اللي فات
كام مرة كتب فيها موضوع فيه محتوي جديد او مفيد لللناس
كام مرة دخل ناقش موضوع مهم لاحد الاعضاء وعمل مشاركة ايجابية
كام مرة سمع عن قضية او خبر او حدث معين وحاول يخش النت ويجيب تغطية ليه في المنتدي

عاوز بس انبه
ان فيه ناس بالفعل بتعمل كده
وليهم كل الشكر والتقدير

لكن مش كل الناس بتعمل كدا
ومش مطلوب ان كل الناس تعمل كدا
كن ع الاقل العدد يزيد شوية
والناس تبقي ايجابية اكتر

الدردشة زي ماقلتوا برضوا ليها عامل
وانا مش مطنش
الدردشة هترجع تاني قريب بس لما اخلص من شوية ترتيبات خاصة بيها

غيابي وعدم تواجدي ليه تاثير
بس عاوز اقوللكم ان اكتر حاجة بتقرفني وتعكنن عليا حياتي
وتخليني مش عارف اركز فحاجة
لما باغيب عن المنتدي
العيب فين..منتدى تريكه مش تريكه 847750

وشكرا مايكون ع الكلام الجميل بس انت برضوا بالغت شوية

الاستايل برضو لازم يتجدد
بس اطمئني يا ميس واطمئنوا
انا شغال بقالي فترة ع الاستايل الجديد
وباوعدكم باذن الله بحاجة زي العسل
العيب فين..منتدى تريكه مش تريكه 866266

جاد برضو معاه حق فموضوع فريق العمل
وعدم توزيع المهام بشكل جيد
وده هيحصل باذن الله وهنبدأ في اعادة توزيع المهام من دلوقت

احنا محتاجين تجديد في حاجات كتير
اهمها تجديد الروح

وييجي بعد كدا بقي كام نقطة هي النقاط الاساسية لـ نجاح اي موقع

* متابعه كل ماهو جديد ونشر مايهم الاعضاء والزوار
* التواصل مع موضوعات الاخرين بمشاركات ايجابية
* اقامة نشاطات يتفاعل معها الاعضاء والزوار ان امكن
زي : الدوارات التدريبية - المسابقات - الموضوعات النقاشية
النقطة الاخيرة والأهم
* الابـــــــــــــــــــــــداع
ياما ناس كتير كتبت مواضيع
وناس كتير عملت مواقع ومنتديات
لكن الطريقة اللي بتتقدم بيها المعلومة بتختلف من مقدم لاخر
وهو دا الفرق بين عضو مبدع ومبتكر
وعضو عادي

***
معلش طولت اوي في الكلام
وفي النهاية
مش هاوعدكم بتغييرات ولا تطورات
لكن اؤكدلكم اني دايما باحاول اقدم اللي اقدر عليه
واكيد كلكم زيي
لان انا مش اكتر من عضو زيي زيكم
فــ مع بعض
احنا اللي هنجدد .. ونغير .. ونطور

كان معكم من فوق الكنبة اللي علي ايدك اليمين وانت داخل من باب اوضتي
احمد مدين

العيب فين..منتدى تريكه مش تريكه 820989

السلام عليكم ورحمة الله وبركاته

وحشتونى كلكم يااحلى اعضاء فى منتدى تريكه معلش غبت انا فتره طويله

بس رجعت للمنتدى تانى مره اخرى

وبقول لمدين مش تزعل منى ياكبير

اخوكم الكابتن / mohamed shawky

شوفتوا الكبير لما بيشتغل بيسكت الكل هههههههههههههههههههه ايوة يا معلم خش عليهم يا حلاوة خطبتك ههههههههههههههههههه

والله كلام جميل اوى واكيد اكيد الكلام ده هيشجع اعضاء كتير ناس كانت نايمة وانا اولهم انا معترف انى مقصر بدخل كتير اه بشارك يعنى بس مفيش روح زى الاول وهو ده اللى ناقص انا وكلنا بنحب المنتدى ليه ؟؟ علشان لما بيشتغل بيلاقى اخواته حواليه يعمل توبيك يلاقى عشرات الردود منها الثناء ومنها المناقشة او النقد الاياجبى حتى لو سلبى بس اخواتك حواليك بتفيد وتستفاد ومش بتحس انك لوحدك ابدا كلنا اسرة واحدة بمعنى الكلمة ...
ان شاء الله المنتدى يرجع لنشاطه احسن من اى وقت فات وان شاء الله فريق العمل يتوزع بشكل كويس ... انا مرضتش اخوض فى الحكاية دى لان كلام فريق العمل مكانه مش هنا ... لكن ان شاء الله زى ما مدين قال ان كلنا نبقى ايد واحدة فى الفترة اللى جاية علشان يستمر المنتدى الافضل علطوووووووول . مع السلامو عليكو

كلام جميل جدا يا احمد
ويارب نشوف التطور والتفاعل ده قريب
وان شاء الله المنتدى يكون احسن ويفضل منور علطول بكل التريكاويه الحلوين
بس يا جماعه خلوا فى تفاعل شويه
انا اوقات بدخل المنتدى الاقى انا لوحدى او عضو كمان وخلاص
لازم كلنا نتعاون مع بعض علشان المنتدى يكون فى احسن حال
انا صحيح مش مشتركه غير من شهرين بس لكن حاسه ان المنتدى بقى جزء من حياتى
ومقدرش اعدى يوم من غير ما ادخله بس هو فعلا فى الاسبوعين اللى فاتوا مريح جدا ومش زى الاول
يارب الحال دا يتغير قريب
تريكاويه بتموووووت فى المنتدى

بصوا انا ماقدرش اقوللكم غير اننا مضطرين للاسف

نضحي بالام

والجنين

عشان الدكتور يعيش

العيب فين..منتدى تريكه مش تريكه 870595

لا بجد معاكم حق بس واحدة واحدة هنظبط الدنيا من تاني وكله يبقي عال العال
انا يدوب لسة بدات افوق من كمية شغل كتيرة ومملة كانت معايا الفترة اللي فاتت
وباذن الله هاظبط مواعيدي بحيث ابقي معاكم شبه يوميا باذن الله

اوك
ربنا معاك يا احمد العيب فين..منتدى تريكه مش تريكه 233159

ربنا معاكو يا تريكاوية ويرجع المنتدي زي الاول بس للاسسسسسسسسسسسسسسسف الشديييييييييييييييييييييييييييييييييييييد فترة تواجدي في المنتدي رح تقل وده طبعا يرجع لبعض الاسباب
اولها انقطاع التيار الكهربائي مرة تانية وعدم انتظامه

ثانيا بدء الدوام الجامعي عندنا
بس ان شاء الله هحاول علي قد ما اقدر اني اكون موجودة واكون معاكو في انعاش المنتدي تااااااااااااااااااااااني وان شاء الله يرجع زي الاول

يلا بقي ورونا الشغل التمام

صحييييييييييييييييح نسيت اقول حاجة كمان يا ريت يرجع افضل عضو وافضل مشرف وافضل مراقب والاوسمة لانه ده اكيد بيدفع الاعضاء والمشرفين والمراقبين للافضل

الكبير لازم اييييييييييييييييييييييه

يتظبط

العيب فين..منتدى تريكه مش تريكه 870595

بالرفاق والبنين يااحمد ان شاء الله

ونرجع المنتدى اللى عهده

اظاهر هو مريح شويه مع تريحيه النادى الاهلى وابوتريكه

العيب فين..منتدى تريكه مش تريكه 984396

والله عندك حق انا المنتدى وحشنييييي جدا بس للاسف انا ظروفي الدراسيه السنه اللي فاتت كانت زي الزفت والحمدلله ومش عايزه اعلق نفسي بالنت تاني عشان الوقت بس بجد المنتدى وحشني جداااا وكمان الكومب عندنا بايظ وطبعا الدراسه دخلت فبابا مصدق ههههههههه
بس بجد انا هحاول اكون موجوده ع اد ماقدر لان بجد السبب مش بس ده لاني بكون فاضيه التلات والخميس بس مش عارفه ليه بقيت اكسل اكتب حاجه ولما اشوف موضوع قيم بكسل انقله مع اني كنت محترفة نقل مواضيع هههههههه
بس ادعولي ربنا يوفقني السنادي ويبعدني عن الكسل اللي بقا طبعي هههههه
بجد هحاول ادخل وانتظم بس ليا رجاء
الدردشه تكون شغاله لاني عايزه ارغي مع ولاء بالليل العيب فين..منتدى تريكه مش تريكه 337189

ان شاء الله المنتدى يرجع زي ماكان ع طول

وعايزه اعرف رأيكو ف التوقيع الجديد العيب فين..منتدى تريكه مش تريكه 420156

يبقى الوضع كما هو عليه

refresh

الصراحة عندك حق يااياد انا شخصيا لاحظت الحكاية دى بجد

بس اعتقد ان الحل فى ايد المشرفين على الاقسام لازم يحمسوا

الاعضاء من جديد ويخلوا فى روح منافسة بين الاعضاء فى التوبيكات

وياريت لو يخلوا مسابقة شهرية فى احسن توبيك

أنا بصراحة النت عندي مهيس بطريقة فظيعة بحاول أدخل بأي طريقة
بس أنا دلوقتي أول مرة أدخل بعد انقطاع النت عندي و أنا بقول ان العيب فينا احنا \ هوا المنتدى اتخلق لوحدو كدا \ احنا إلي بنحدد المنتدى يروح لفين \ و أرجو ان احنا نصحى لمنتدانا شويا يا شبابووووووووووووووووووووووووووووووو
و شكرا

بص يا اياد انت اكيد عندك حق
انا بقالى فترة لما بدخل مبكملش 5 دقايق وبخرج المنتدى بجد معتش فيه اى جديد وبقى نايم اوى
ويمكن ده تقصير من الاعضاء واولهم يمكن انا
بس والله العظيم مافيش وقت اننا ندخل يعنى معلش ندخل علشان المنتدى يبقى نشيط ونسيب المذاكرة اكيد لا
ياريت والله المنتدى يرجع زى الاول
لانى بجد كنت بحبه اوى وكان بيبقى اكتر منتدى بدخله انما دلوقتى اظن كله عارف الباقى

» منتدى تريكه يرحب بكم ......
» العيب فيا ولا فيهم ولا فيكو ا
» ليس عيباً....ولكن العيب..

العيب فين..منتدى تريكه مش تريكه

العيب فين..منتدى تريكه مش تريكه

مواضيع مماثلة

مواضيع مماثلة