بعض من رباعيات صلاح جاهين وعجبى!

فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد

عجبي !!!

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

أنا قلبي كان شخشيخة أصبح جرس

جلجلت بيه صحيوا الخدم والحرس

انا المهرج , خفتوا ليه, قمتوا ليه

لا في ايدي سيف ولا تحت مني فرس

وعجبي

ولدى ينصحتك لما صوتي اتنبح
..
ما تخافش من جني ولا من شبح ..

وان هب فيك عفريت قتيل اساله ..

ما دافعش ليه عن نفسه يوم ما اندبح ..

وعجبي

يأسك وصبرك بين ايديك وانت حر

تيأس ما تيأس الحياة راح تمر

أنا دقت من دة ومن دة وعجبي لقيت

الصبر مر وبرضه اليأسمر

عجبي

أنا كل يوم أسمع .. فلان عذبوه

أسرح ف بغداد والجزاير واتوه

ما أعجبش م اللي يطيق بجسمه العذاب

وأعجب من اللي يطيق يعذب أخوه

عجبي!!

يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!

ياعندليب ما تخافش من غنوتك

قول شكوتك و احكي عن بلوتك

الغنوة مش هتموتك إنما

كتم الغنا هو اللي هيموتك

!عجبي

ياللي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
!عجبي

غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي

حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي

إنشد يا قلبي غنوتك للجمال

وارقص في صدري من اليمين للشمال

ماهومش بعيد تفضل لبكره سعيد

ده كل يوم فيه ألف ألف احتمال
!عجبي

الله عليك ياعمنا ياكبير ياصلاح جاهين

تسلم كلماتك بجد

وتسلمى ياطمطم انك جبتيلنا الكلمات الجميلة دى

ولدى ينصحتك لما صوتي اتنبح
..
ما تخافش من جني ولا من شبح ..

وان هب فيك عفريت قتيل اساله ..

ما دافعش ليه عن نفسه يوم ما اندبح ..

وعجبي

حلوة أوىىىىى
تسلم الايادى

ثانكس يا قمر