افتخر بأنى خايبه وضعيفه!!!!!!!!!

السلام عليكم ورحمه الله وبركاته

عايزه اتكلم معاكم فى موضوع

هو ليه الناس بقت بتشوف الحاجات الصح على انها عيوب؟
ليه الطيبه بقت خيبه؟! والتسامح بقى ضعف؟!
والا هو الزمن اللى اتشقلب حاله؟؟ افتخر بأنى خايبه وضعيفه!!!!!!!!! 116283

انا شايفه ان التسامح دا نعمه ربنا مش بيديها غير للى يقدرها والانسان المتسامح بيبقى اقوى من اللى ظلمه وغلط فيه لانه عنده قوه انه يقابل الاساءه بالتسامح والاحسان ودا مش معناه انه يسكت على حقه لكن لو اللى غلط فيه اعتذر يتقبل ويسامح

اما الطيبه بقى بقت خيبه!! بقى الانسان اللى بيحس بالناس ويخاف على مشاعرهم بقى ضعيف وغلبان ومكسور الجناح!!!
للاسف هو دا اللى بحس بيه فى ناس كتيييييييير بيقولولى ان التسامح دا غلط وانك كدا بتضيعى حقك وبتدى فرصه للى غلط فيكى يغلط تانى وتالت بس هما للاسف مايعرفوش انى بستمتع باحساس التسامح وبحس انى اقوى من اللى ظلمنى او غلط فيا ودا احساس بدعى ربنا يديمه عليا واقدر اسامح علطوووووول

بعد دا كله مش هقول غير جمله واحده بس:

اذا كان التسامح ضعف والطيبه خيبه ، فأنا افتخر بأنى خايبه وضعيفه!!!!

ايمان flower

فعلاً أختي ايمان للاسف نحن في مجتمع يأكل فيه حق الذي لديه طيبه قلب ..
وهنياً لمن يمتك العفو عند المقدرة

بمووت بمصر كتب:: فعلاً أختي ايمان للاسف نحن في مجتمع يأكل فيه حق الذي لديه طيبه قلب ..
وهنياً لمن يمتك العفو عند المقدرة

ربنا يستر علينا فى المجتمع دا
والناس تفهم الطيبين صح
واجمل حاجه طبعا العفو عند المقدره
شكرا على مرورك
وجزاك الله خيراااااااااااا

للاسف يا ايمان الطيبة والتسامح بقوا دلوقتي مجرد رموز الواحد بيعتبرها ضعف لانها تعتبر في مجتمع لا يعرف معني الطيبة ولا التسامح وكل واحد بيدور علي حد تاني يسيطر عليه بدافع مبدا القوة فلا الطيبة ولا التسامح دلوقتي ينفعوا مع الناس

اللهم عافنا يا رب

دمتي في تميز يا بطووووطة ومن لابداع لابداع وتفوق الي تفوق يا قمر

عاشقة الاهلي كتب:: للاسف يا ايمان الطيبة والتسامح بقوا دلوقتي مجرد رموز الواحد بيعتبرها ضعف لانها تعتبر في مجتمع لا يعرف معني الطيبة ولا التسامح وكل واحد بيدور علي حد تاني يسيطر عليه بدافع مبدا القوة فلا الطيبة ولا التسامح دلوقتي ينفعوا مع الناس

اللهم عافنا يا رب

دمتي في تميز يا بطووووطة ومن لابداع لابداع وتفوق الي تفوق يا قمر

شكرا على المرور الجميل دا يا ميس
بس مش لازم نرمى العيب ع المجتمع
حتى لو المجتمع كدا المفروض ان دى ثوابت يعنى مش تتغير
بس للاسف الناس هى اللى بتتغير
نورتينى والله