طاجن السمك بالبطاطس

موضوع: طاجن السمك بالبطاطس 2010-10-24, 1:16 pm

المقادير:

1/2 كيلو سمك مفروم ناعم
2 ثمرة بطاطس كبيرة ومقشرة ومقطعة حلقات
2 ملعقة كبيرة زيت زيتون
بصلة كبير مقطعة شرائح
ملعقة كبيرة عصير ليمون
ملعقة كبيرة بقدونس مفروم
ملح وفلفل
2 ثمرة طماطم مقطعة حلقات

لتحضير العجين

2 كوب دقيق
1/2 كوب زبدة
2 ملعقة كبيرة بقدونس مفروم
ملعقة صغيرة بيكينج باودر
2/3 كوب لبن
ملح وفلفل

الطريقة:
1- حمري البطاطس في الزيت لغاية ما لونها يبقى ذهبي، بس خلي بالك إنها ماتستويش أوي.

2-هاتي طاسة وسخني فيها زيت الزيتون على نار متوسطة، وبعد كده ضيفي عليهالبصل وسيبيه لمدة 3 دقائق مع التقليب لغاية ما البصل يبقى طري ولونه يبقىذهبي، وبعد كده ارفعيه من على النار.

3- هاتي طبق غويط، وحطي فيهالسمك وعصير الليمون والبقدونس والملح والفلفل، وقلبى الخليط كويس معبعضه لغاية ما يتجانس، ويبقى عجينة سهلة التشكيل.

4- هاتي القالباللي هتعمليه فيه وادهني قاعدته بكمية صغيرة من زيت الزيتون، ورصي فيهحلقات البطاطس والبصل والطماطم، وبعد كده افردي عليهم عجينة السمك، ودخليالقالب في فرن ساخن عى درجة حرارة 180 وسيبيه لمدة 20 دقيقة.

5-في الوقت ده ابدئي حضري العجينة، بإنك تخلطي كل مكوناتها مع بعض، وتضيفيعليها كمية مناسبة من الملح والفلفل، وقلبيهم كلهم مع بعض لغاية ما كلالمكونات تتجانس وتختلط ببعض كويس.

6- طلعي القالب من الفرن،وافردي عليها العجينة وساوي السطح، ورشي عليه كمية صغيرة من زيت الزيتون،ودخليه الفرن مرة تانية، وسيبيه لمدة 15 دقيقة أو لغاية ما الوش يبقى لونهذهبي.. وبالهنا والشفا.
ولما تجربوها يابنوتات قولولى ايه رايك

موضوع: رد: طاجن السمك بالبطاطس 2010-10-24, 6:21 pm

هى مش عجباكو ولا ايه !!! ههههههههههههههههههههههههههههههههههههههههه
والله طعمها حلو ياولاد

موضوع: رد: طاجن السمك بالبطاطس 2010-10-24, 6:48 pm

ههههههههههههه لا ياعم ازاى بس احنا خايفين بس نجربها

دلوقتى الطماطم غاليه وخساره كبيره بقى استنى لما الطماطم ترخص

وان شاء الله كله هيدخل ويبص عليها ههههههههه