بامانة مش فاهم قصدك

وياريت تفهميني بجد لاني مش متعود منك غير ع الصراحة يا ميس

بالنسبة لنوعية الناس الي بتتكلمي عنها فانا قابلت النوعيه دي من الناس

سواء في المنتدي او برة المنتدي .. انا شخصيا بانزعج من وجود شخصية بالشكل دا فحياتي

سواء من قريب او من بعيد

لانها بتخليني مش مستمتع بالدنيا من حوليا او ع الاقل مش مستمتع بالمكان اللي بيجمعني

انا والشخصية دي

اسباب ودوافع الشخصيات دي للي بتعمله .. ماقدرش اقوللك اني اعرفها كلها

بس اعتقد انها امراض نفسية مختلفة .. بس باختصار دا بيبقي شخص غير سوي


- - - -

لو هنتكلم ع المنتدي .. غياب بعض الناس له اسباب كتير

منها اللي انا اعرفه ومنها اللي ماعرفهوش ومنها اللي خمنته او استشفيته من

بعض المواقف

وفي كل الحالات للاسف ماقدرش احكي واقول فلان ساب المنتدي ليه

( دي وجهة نظري ماعرفش جايز اكون غلط )

بس انا ليا وجهة نظر بسيطة اوي بعيدا عن كوني مسئول عن المنتدي ده

المفروض ان المنتديات او صفحات الويب عموما مكان للتواصل

والاستفادة وقضاء وقت مفيد او ان لم يكن مفيد فهو ترفيه في غير معصية الله

ودي القاعدة اللي انا حاططها قدام عيني من يوم ماعملت المنتدي ده

وفي اي لحظة هاحس ان القاعدة دي بتختل او مش بتتحقق

مش هاتردد لحظة في اني اقفل المنتدي ده


فيه ناس كتير غيابها مزعلني وفيه مشاكل كتيرة حصلت زعلتني اكتر

بس انا عمري ماتأخرت ولا بخلت باي جهد في اني اسأل علي غايب

أو اني احاول احل اي مشكل سواء كنت طرف فيه او لأ

وسواء كنت مخطئ أو لأ

- - - -

قد يكون كلامي برة الموضوع وبعيد عن اللي عاوزاه ياميس
بس انا فعلا مش واصللي انتي عاوزة تقولي ايه بالظبط
واتمني توصليلي ده .. فانا في انتظارك

وانا كمان متفق مع احمد مرعي
المواضيع دي بتمثل تجريح لناس كتير بدون داعي والكلام بالتوريه دا مالهوش اي داعي
لكن برضو النصيحة ع الملأفضيحة
فالأفضل ان اللي شايف اي مشكلة مع شخص او اكتر
بيختار حد يكون اهل ثقة ويتم تجميع اطراف المشكلة ومناقشتها مابينهم
وانا تحت امركم اذا اعتبرتوني محل ثقة
نشوف ايه المشكلة وايه ملابساتها .. وماننساش ان بغض الظن اثم

ومش مع ميس في كلمة حذف التوبيك
اي نعم انا مباحبش النوعية دي من المواضيع لاني قلتها وهاقولها تاني وعاشر

المنتديات وصفحات الويب والجروبات ماهياش مكان للخناق
ولا فرد العضلات ولا اختلاق المشاكل وتضييع الوقت في الكلام الفاضي

بس طالما الموضوع اتفتح فلا داعي من مناقشته باسلوب مهذب
ونشوف حل للمشكلة مش نطرحها ونسيبها عايمة


و
معلش طولت ..