أيهما اقسي ؟الندم ...الظلم... الخيانة

تحاور ثلاثة أصدقاء حول الإحساس الأكثر ألما والأشد قسوة على النفس هل هو الندم
ام الظلم أم الخيانة ؟ ؟ ؟ ؟

فقال الأول : إنه الندم

ف قسوته على النفس لا توصف تتمنى لو تعود بك الأيام للوراء حتى لا تفعل ما فعلت حتى لا تقول ما قلت وكم يأخذ منا أياما نحاول فيها معالجة أنفسنا من هذاالإحساس المؤلم

وقال الثاني : بل الظلم

إنه أشد إيلاما للنفس فالندم إحساس داخلي بينك وبين نفسك إذا تصالحت معها ذهب عنك لكن الظلم إحساس بينك وبين غيرك تحتار نفسك كيف تقنعه انه ظلمك كيف ترفع الظلم عنك حتى تنسى نفسك هذا الإحساس المؤلم

وقال الثالث : إنها الخيانة

إنها الأقسى على النفس فمعها تحس بالندم والظلم معا تندم على ثقتك السابقة فيمن خانك وتشعر بظلمه لك عندما خانك ،إنه صرخة مكتومة لا تجد طريقا للخروج من نفسك فأي عتاب لا يرضيها وأي كلام لا يكفيها

وانت مع أي الآراء تتفق نظرتك

بجد توبيك جميل وممتع النقاش فيه

انا شخصيا بلاقى ان التلت حاجات اصعب من بعض

لكن من وجهة نظرى المتواضعة جدا

ان الخيانة اقسى شيئ فيهم

لان الانسان لما بيتخان بيشعر ان الدنيا مفيهاش امان

وبيحس انه وحيد فى الدنيا خصوصا لو اتخان من اقرب الناس ليه

تسلمى ياجوجو دايما متميزة

بصراحة انا شايفة ان الظلم والخيانة اصعب احساس ممكن
الندم الواحد ممكن يتحمله ويتعلم من الخطأ انما الظلم والخيانة دول
ممكن الواحد يفضل يعيش مجروح منهم حياته كلها

شكراااا ليكى

انا بصراحة مع مروة في ان الظلم و الخيانة حاجتين صعبين جدا ان الواحد ممكن يتعرضلهم و للاسف الحاجات دي مش بتعدي مرور الكرام علينا لا دي بتأثر فينا جدا لسنين طويلة جدا

بس للاسف مكرر

http://www.treika.com/montada-f47/topic-t29322.htm?highlight=%ed%c7%da%c8%c7%cf%ed+%c5%e4%ed+%cd%d1%e3%ca+%c7%e1%d9%e1%e3+%da%e1%ec+%e4%dd%d3%ed+++%bf

اولا انا بحب اشكر كل الا مر على التوبيك
ثانيا مش مهم انو متكرر يامروة المهم اننا نفتحه للنقاش فيه تانى لان اكيد اعضاء ابو تريكه دلوقت اكيد اختلفو عن من ساعه فمش هيجرى حاجه لو فتحنا باب النقاش فيه من جديد

اولا توبيك جميل وتسلمي يا جوجو
ثانيا عادي بتحصل في احسن العائلات توبيك مكرر فبيتشال حصلت معايا كتير يعني
وياريت ما يبقاش فيها حساسيه يعني
وتسلمي مره تانيه يا جوجو