مفهوم الرجولة عند الشباب

موضوع: مفهوم الرجولة عند الشباب 2010-12-08, 5:56 pm

كتيير منا فاهمين معنى الرجولة غلط

..

الرجولة عند كتير من الشباب هى أنك تمشى على مزاجك

ماتعملش حساب لكلمة أهلك

تشرب سجاير ومايهمكش حد

تشيش من غير ماتكح

وشويه شويه تدخل فى طريق المخدرات علشان تكتمل رجولتك أدام اصحابك

وتعاكس بنات بصوت عالى ونعم الرجال

تلبس ضيق وملون وبناطيل واقعة

وموبايل احدث حاجة

عشان بس تصور اللى رايحة واللى جايه
وتسمع فى اغانى ليل ونهار

وتجيب بالبلوتوث من اصحابك حاجات ميصحش تبقى فى موبيل واحد محترم
وأى خناقه تروح تجامل فيها

كل يوم تخدع بنت وتسيبها وتخدع غيرها .وكتير وكتير

يعنى عايش حياتك بدماغك مش بتعمل حساب حد

دا معنى الرجوله عند شباب كتييير أوى

..

وفى ناس تانيه فاكرة
ان الرجوله هى التحكم فى اى حد ادامه وفرض رايه حتى لو غلط

مثلا لو واحد خاطب او متجوز لازم لما يقول لخطيبته او مراته أعملى كذا يبقى لازم تعمل كذا

كدة يحس أنه راجل فعلا

!!

وامثلة كتير عن الفهم الغلط لمعنى الرجوله

لكل الى فاهمين معنى الرجوله بالطريقة دى

أسفين مش هى دى الرجوله
دى معناها الاصح (( الهمجيه )) ..

أما

الرجوله الحقيقيه بقى فمعناها..

الرجولة
كلمة شرف وعزة

...

الرجولة
هى البذل والعطاء والتضحية

..

الرجوله
هى الاحسان الى من أحسن اليك

..

الرجوله

هى أن تحترم أراء الناس ولو صح تاخد بكلامهم
..

الرجوله
أنك متدورش غلى شماعة تعلق عليها أخطاءك وترميها على اللى حواليك ..

الرجوله
هى انك تقول الحق مهما كان بدون أى مجاملة لحد

..

الرجوله
انك تدى لكل واحد حقه وماتستغلش الضعيف ابدا

..

الرجوله
هى المعامله الحسنه لاهلك سواء ابوك وامك او مراتك

..

الرجوله
هى انصاف واحد مظلوم ولو حتى اقرب الناس ليك هو الى ظالمة

..

الرجوله
انك تساعد اى حد محتاجلك على أد ماتقدر

..

الرجوله
انه اللى مترضاهوش على اختك مترضاهوش على اى بنت تانية

..

الرجولة
انك متقولش البنات هما اللى لبسهم خليع

مهيا خرجت باللبس ده من بيت المفروض انك الراجل فيه

..

الرجوله
أنك تمسح بايدك دمعه من على خد أى حد مهموم

..

الرجوله
أنك تنام مرتاح الضمير من ناحيه نفسك

..

واخيرا

"تعالوا نرجع رجالا لكى يرجعوا هن نساءا "

الرجوله مش بالمناظر

..

وطبعا صعب فى زمنا نلاقى راجل كامل بالمواصفات دى

بس فى الاول والاخر

((( هو دا معنى الرجوله الصحيح )))

فياترى كم راجل فى زمانا هذا؟

</blockquote>

________________________________________________

السلام عليكم ورحمة الله وبركاته

ابشرك بالله العظيم فيه ناس موجوده بالرجوله الحقيقيه
فى الحياه انا معاكى قليل لكن من القليل يجى الكتير
بأذن الله

موضوع جميل تسلم الايادى

توبيك مهم اوى
للأسف الرجولة بقت عملة نادرة اليومين دول والشباب بيفتكروها بالعضلات والكلام الفارغ ده
الراجل هو اللى بعرف يتصرف ف المواقف الصعبة ويكون اد المسئوليه واد كلمته
بس الشباب اليوميم دول نادرا لما نلاقى حد فيهم راجل
بس ياريييييييييييت يبصوا لنفسهم عشان فعلا عيب اوى لما يلاقى نفسه بيتصرف زى الاطفال وهو المفروض عاقل و
راجل !!!
ميرسي ع التوبيك

الزمن اللي احنا عايشين فية بيخليني اشك في كلامك يامرعي
ربنا يصلح حالنا
ووكلامك جميل جدا وواقعي يااميرة
تسلم الايادي نورتوني بمروروكم