السلام عليكم ورحمة الله وبركاته

صاحبى مسيحى

بالنسبة لى كلمة شنيعة اوى
او بمعنى اصح مستحيل تكون فى قاموس كلماتى
لكن موجودة عند ناس كتير
وناس كتير بتخالفنى الراى انى مقبلش يكونى صاحبة مسيحية

هو انا عادى ممكن اكلمها بس صاحبتى وبحبها والكلام ده والله احس انى بنى ادمة معندهاش دم لو حصل كدة

وخصوصا بعد اللى هما بيقولوه دلوقتى اللى ماتوا فى الثورة مش شهداء ومافيش شهداء غير المسيحيين واللى بيموتوا على ايد المسلمين اللى قال ايه ظالمينهم
لا والواحدة منهم تقولك ايه انا فخورة انى مسيحية وتقول اية من القران وتشرحها حسب مزاجها على اساس انها الشيخة فاطمة يعنى

بسال من مافيش نص ساعة تقريبا واحدة صاحبتى هى ليها اصحاب مسيحيين ولا لا
قالتلى اه وجدعة اوى وبموت فيها !!!
بصراحة انا معرفتش ارد
بس لما قولتلها ازاى وحكاية الدين قالتلى واحنا مالنا !!!!!
ساعتها انسحبت من المحادثة علطول

انتوا بقى ايه رايكوا فى الموضوع ده ؟؟؟؟؟؟؟؟
وطبعا الاختلاف فى الراى لا يفسد للود قضية

قال تعالي(لاينهوكم الله عن الذين لم يقاتلوكم في الدين)
وقال الرسول)استوصوا بالقبط خيرا(
لم ينهي الله عنهم بل أحل للرجل ان يتزوج من اهل الكتاب فلماذا لا نصاحبهم ان وجدناهم اهل لذلك

ثانيا عدم اعتقادهم ان المسلمين مش شهداء فبعضنا ايضا يقول ان المسيحي ليس شهيد فلماذا نحجر رأينا وهناك يوم قيامه سيحكم فيه الله بيننا
ثالثا وحده بتقول انها فخوره انها مسيحيه فده طبيعي
انا معاكي في فكره تفسيرها لآيات فهذا يعتبر انتهاك للاسلام ألا ان هولاء قله ولكن لابد ان نتصدي لهم

واخيرا شكرا ع الحوار و يا رب تكون فكرتي وصلت

اقتباس :

قال تعالي(لاينهوكم الله عن الذين لم يقاتلوكم في الدين)

ده على اساس انهم مش بينهونا عن دينا
هومش ممكن واحد مسيحى يقنع واحد مسلم ويحوله عن دينه ومتقنعنيش ان مينفعش فيه مسلمين ميعرفوش حاجة عن دينهم غير الصلاة يمكن !!!

اقتباس :

وقال الرسول)استوصوا بالقبط خيرا(

الرسول لما قال كدة كان يقصد بالقبط المصريين عامة مش المسيحيين
لان زمان والمفروض دلوقتى ان مصرى يعنى قبطى بس للاسف بقى معروف دلوقتى ان قبطى يعنى مسيحى

اقتباس :

لم ينهي الله عنهم بل أحل للرجل ان يتزوج من اهل الكتاب فلماذا لا نصاحبهم ان وجدناهم اهل لذلك

ربنا لما سمح لنا ان الراجل ممكن يتجوز واحدة مسيحية ده لانه ممكن يقصر عليها ويقنعها بدينه وكدة كدة ولاده هيبقوا من ديانته هو
وبعدين هو فيه دلوقتى مسيحى يبقى اهل لذلك اصلا ؟؟؟

اقتباس :

ثانيا عدم اعتقادهم ان المسلمين مش شهداء فبعضنا ايضا يقول ان المسيحي ليس
شهيد فلماذا نحجر رأينا وهناك يوم قيامه سيحكم فيه الله بيننا

اكيد ربنا هو اللى هيحكم بينا
لكن هما اصلا دلوقتى ملهومش دين لان الديانة المسيحية دلوقتى مش ديانة سماوية لانها طبعا محرفة فاكيد هما مش شهداء

اقتباس :

ثالثا وحده بتقول انها فخوره انها مسيحيه فده طبيعي
انا معاكي في فكره تفسيرها لآيات فهذا يعتبر انتهاك للاسلام ألا ان هولاء قله ولكن لابد ان نتصدي لهم

لا مش طبيعى
لان هى لما بتقرا القران بتاعنا بتقرؤه من باب بس انها عايزة تغلط فيه مش انها تبحث وتعرف ايه الصح مع ان اصلا الطبيعى انى لما الاقى عندى كذا كتاب فيهم اختلافات والمفروض انهم بيدلوا على دين واحد يبقى اتاكد ودور واشوف ايه الصح
واظن ان فطرة الانسان بتدفعه لكدة بس هم اللى .....

اقتباس :

واخيرا شكرا ع الحوار و يا رب تكون فكرتي وصلت

وصلت بس ياريت تكون فكرتى انا وصلت
شكرا ع مرورك وردك

اقتباس :

اول حاجة ربنا بيقول (لكم دينكم ولي دين)
يعني مثلا انا اتصاحبت ع وحدة اروح اول ما اعرف انها مسيحية اقول لأ مش هينفع دا هي مسيحية وانا مسلمة اكيد دا مش منطق يعني

اكيد مش منطق
بس مش منطق انى ابقى ماشية مع واحدة انا عارفة انها وهى مش قدامى بتغلط فى دينى ويمكن رسولى يبقى فين خوفك على دينك لما تصاحبيها !!!
علشان نعمل بالاية على حسب ما اعتقد يبقى اننا نبعد عنهم ولا يؤذونا ولا نئذيهم

اقتباس :

تاني حاجة انا اعرف بنات مسيحية اصغر
مني اينعم مش مصاحباهم دول معرفة بيسلموا عليا لما بشوفهم وانا بسلم عليهم
وانا مش مصاحباهم مش عشان مسيحيين او كدا دا عشان مصادفتش معايا وجت واحدة
مسيحية في فصلي او واحدة جارتي وكدا.

ماهم بيسلموا عليكى مش بارادتهم ومش من حبهم فيكى سورى يعنى بس دول جبنة عايزين يحسوا بالامان وعارفين انهم ميقدروش يحسوه غير بالاسلوب ده
وعلى فكرة انا قولت اصاحبهم عادى بس تبقى مجرد زمالة مش بحبها ومعرفش ايه

اقتباس :

ت حاجة اعرف مسلمين ومسيحيين متصاحبين ومن
غير ما يفرقوا واعتقد ان ربنا شرع لنا كدا مقالش اننا منصاحبهمش دا الرسول
(ص) كان جاره يهودي وبيرمي قدامه زبالة وهو بيصلي وكان بيعامل الرسول (ص)
معاملة وحشة ومع ذلك يوم ما مرض الراجل اليهودي الرسول (ص) سأل عنه وزاره

اكيد معاكى حق
وانا نفسى اختى ليها اصحاب مسيحيين ودى حرية شخصية طبعا وانا كنت عارفة قبل ما اكتب التوبيك ده انى هتهاجم بس دى وجهة نظرى
وبصراحة يعنى احنا مش بنعمل كل حاجة الرسول كان بيعملها او امرنا بيها يبقى منجيش على دى ونقول ده الرسول كان بيعمل لان احنا مش بناخد بيه فى كل حاجة فى حياتنا

اقتباس :

تلخيص كلامي اننا عايشين في وطن واحد زي ما احنا لينا حق فيه هما كمان ليهم حق فيه
ومن
غير بقا ما نفرق بين مسلم ومسيحي لأن وقت ما البلد بتنجح بتنجح بينا كلنا
ويوم ما يحصل حاجة وحشة بتبقا علينا كلنا سواء مسلمين أو مسيحيين ف التفريق
ملوش لازمة

ده شئ اكيييييد زى ماهى بلدى فهى بلدهم
انا متكلمتش عن الموضوع ده خالص لان ده شئ اساسى وطبيعى
بس برده البنت المسيحية اللى جت وقالت ازاى ابقى شهيدة لما ادافع عن وطنى يبقى ازاى نقدر نسلهم سلاح علشان يدافعوا عن البلد هيدافعوا من منطق ايه !!! بناء على ليهم حق زينا والتساوى
لكن طبعا حقهم على راسى من فوق

اقتباس :

وطبعا زي ما قولتي يا الاء الاختلاف فى الراى لا يفسد للود قضية

شكرا على موضوع النقاش

اكيد
نورتينى يا قمر