يا صباح الرنات والرسايل والسخافات هو تقريبا الأيام دى موبايلى فيه حاجة بتجذب الناس هههههههههههههههههههه


لسة
ما فقتش من موضوع أمبارح ونمت كافي خيرى شرى من غير ولا كلمة وأنتوا
عارفين طبعا أنى طبي وفى حالى

ومش شرير ولا رخم ولا غلس ولا ممكن أعمل
حاجة فى حد أبداااااااااااااااااااااااااااااااااا


الاقى
إيه بقى الساعة 6 الصبح رسالة على الموبايل قمت مفزوع منك لله ياللى
فزعتنى وقومتنى وخضتنى كده

وبلاش أدعى عليه أكتر من كده لينا رب برضة ياخد
لينا حقنا


ما
علينا بفتح الرسالة وأنا مش شايف قدامى أساسا ولأنى كنت لسة يادوب نايم
من ثلاث ساعات الاقى رقم زفت

معرفوش وفى الرسالة عندك مينى كول بصوتى ومش
عارفة إيه


طبعا أنا كنت مسطول ومش شايف قدامى وبناء عليه قمت قافل الرسالة ورامي الموبايل ونمت


ولما صحيت بمسك الموبايل أشوف فيه إيه بقى الاقى رقم غريب عجيب قال إيه كاتبلى عندك مينى كول بصوتى

لسماعه أطلب مش عارفة إيه إيه إيه


ومع التدقيق فى الكود اللى كتبه عرفت أن ده كود تحويل الرصيد


يعنى
من الآخر حد معرفوش وعايز يسرق منى رصيد بصنعة لطافة

وده على أعتبار أنى
عبيط مثلا ومش عارف


الأكواد دى ولا أنى كل ما هشوف رسالة سواء من حد
أعرفه أو معرفوش وفيها أى كلام هجرى زى الهبل وأعمل اللى فيها


وقلت
يالا معلش يمكن موضوع أمبارح زعل المجاهيل منى فقالوا ينتقموا بس برقم
تانى وفكروا مثلا أنى هموت

علشان أسمع المينى كول اللى بصوتهم وهجرى أعمل
الكود ويقوموا هما يسرقوا رصيدى


نييييييييييييييييييييييييييييييييييييييييييييييياها


هو مين ده اللى يضحك عليه


نييييييييييييييييييييييييييييييييييييييييييييييييياها تانى


حركات كلمنى شكرا وأدفعلى عفوا وأسرقنى من فضلك بقت معروفة ومفقوسة قوووووووووى يعنى أصغر عيل يعرفها
كلمه اخيره
عزيزى المجهول بتاع المينى كول
أوعى تكون فاكرنى اهبل ولا هقع من كول تون
ولما تبعتلى أسرقنى شكرا هرد على الفون
لا ساعتها هقولك تعيش وتاخد تون
يا بتاع المينى كول
ولما تقولى أسرقنى شكرا
هقولك عفواااااااااااا تعيش وتاخد تون