سؤال هام يحتاج لصراحة مع النفس ؟؟!!

لنفترض إنك شخصا آخر هل كنت ستصادق وتصاحب نفسك الحالية
بما فيها من مزايا وعيوب ؟؟
السؤال قد يبدو غريبا لكنه يكشف عن مدى رضى الإنسان عن نفسه
فتخيل إنك الأن شخصا أخر ثم تعرفت بالصدفة على نفسك الأصلية
هل ستصبح صديقا لها ؟
أم ستنفر منها وتبتعد عنها ؟
مطلوب الصراحة والصدق مع النفس إذا كانت لديك القدرة على ذلك

الصراحة انا ممكن اصادق نفسي يعني على الرغم من العيوب اللي فيها

لان مفيش حد خالي من العيوب ... ولكن المهم الواحد يعترف بالعيوب ويحاول يصححها

بجد شكرا جزيلا ليك على الموضوع الرائع جداااااااااااااااااااااااااااا

انا الصراحة اكيد كنت هصاحبها
لان انا الحمد لله لما بصاحب حد بصاحبه لنفسه مش مصلحة وبتمناله دايما الخير يمكن اكتر مابتمناه لنفسى وبعامل اللى قدامى باللى جوة قلبى
ياريتنى الاقى حد بيتعامل كدة وانا كنت اسافرله بلاد علشان الاقيه
طبعا انا مبنكرش ان فيا عيوب بس الحمد لله انا كل اما بكتشف فيا عيب او حد ينبهنى بحاول جاهدة بجد انى اغيره
وده مش غرور منى ولا حاجة بس ده زى ما انت قولت يمكن رضا عن النفس وانا دلوقتى اكتر وقت راضية فيه عن نفسى

تسلم ايدك يا احمد على التوبيك الجميل ده
وياريت تعرفنا اجابتك عن السؤال

هصاحبها لان مفيش حد خالي من العيوب

وهحاول اصلح العيوب اللي فيهاااااااا
وانا الحمدلله راضية عن نفسي بس مش اووي لسه موصلتش لمرحلة الرضا اللي انا عايزااه

شكراااااااااا على الموضووووووووع

انا شخصيا لما بصادق حد بجد وبحبه اوى بحب اكونله مراية عشان اصلح بيها اخطاءه

فاكيد انا لو صاحبت نفسى ولقيت عيوب تير فيها هحاول جدا انى اصلحها

لان مفيش انسان خالى من العيوب

وزى مانت فى عيوب كتير فى شخصيتك اكيد برضو فيك مميزات بتجذبك لشخصيتك

المميزات دى بقى هى اللى هتخليك تصاحب نفسك

موضوع هايل بجد وسؤال جميل اوى

تسلم الايادى يااحمد

ده انا كنت هصاحبه وكان هيبقى انتيمى .. طيب يا ريت الاقى حد زيى ههههههههههههههههههه
والله مش غرور اعوذ بالله من الغرور ... بس انا الحمد لله صاحب كويس وعمرى ما تمنيت لصاحبى السوء ولا صاحبت حد علشان خدمة .. ده ميمنعش ان فيا عيوب ... بس عمرى ما كنت وحش مع حد صاحبى وبالذات لو هو كويس .. شكراً على التوبيك

صراحة فى الفترة الحالية لا لكن فى فترة سابقة ياريت كنت الاقى حد زى وصاحبه
لانى مش راضية عن نفسى حاليا فى تعاملى مع نفسى وليس مع الاخرين لانى لااجرح الاخرين تحت اى ظرف

اه اكيد هصاحب نفسى
وكمان هحاول اصلح من عيوبى
مافيش انسان ملاك
احنا بشر
شكرا يا احمد ع الفكره

شكرا للمرور الطيب ده يا تريكاويه

هو انا اصلا حاليا مش مصاحب غير حب الله والشغل ونفسي
وطبعا فيه عيوب وكتير اوي
بس من الضروري اننا نصلح عيوبنا مش نتركها وشانها
ومن الضروري لما يكون ليا صاحب ليه عيوب اصلحها واكون ايجابي
لاننا لو تركنا العيب
تركنا ليه مش هينيهيه لا ده هيزيده
اتمني من الجميع يصلح عيوب نفسه وعيوب المقربيين
جزاكم الله خيرا

اكيد هصاحبها مش غرور والله
بس علشان فعلا هيه صدقتى دلوقتى
وكل واحد فى عيوب ومميزات
ويبقى جميل اوى لو صلحنا عيوبنا دى ونعترف بيها قدام نفسنا
وده فعلا انا بعملو
جميل يااحمد
سوال جميل
جزاك الله كل خير

شكرا للاجابات الجميل دي يا تريكاويه
جزاكم الله خيرا

اولا التوبيك جميل اوى والسؤال اجمل

بس بصراحة احتمال اصاحبها واحتمال لا مع انى والله صديقة جيدة جدااااااااااااااااااااااا وبحب اصحابى اوى لدرجة انى بتخدع فيهم كتير ومع ذلك بفضل احبهم فعلشان كدة ممكن اصاحب نفسى حتى لو عيوبها كتير برضو هحبها
بس مش عارفة يمكن لو السؤال دة حقيقى ودة حصل ممكن مش اصاحبها لانى معدتش عايزة اصاحب حد وربنا يقدرنى على كدة

تسلم ايدك يا كبير