مفيش أحساس خاااااالص...............

السلام عليكم ورحمه الله وبركاته

ازيككم كلكم عاملين اية

يارب تكونو بخير

يعني كنت عاوز اسالكم

محدش ملاحظ حاجة غريبة الايام دي ؟؟؟

اننا بقينا متبلدين الاحساس (حلوة متبلدين دي )

يعني بقينا عادي كل واحد حاطط في بطنة بطيخة صيفي

معادش حد فينا بيحس ولا لة مشاعر

يعني مثلا

فلان مات ........... اللة يرحمة

فلان تعبان .........ربنا يشفية

فلسطين بتدمر.......... وبعدين

مجلس الشوري بيتحرق .........عقبال ...............

الاسعار بتولع ..............بكرة تنطفي زي ماطفوا المجلس

سقطت السنة دي .......يا عم يعني هوا انا كنت اول واحد

لية دايما عندنا حاله من اللامبالاه

وانا اقصد المشاعر بصفة عامة

الحب .. الكره .. الغضب .. الخوف .. الجنون

يمكن من تاثير الفول

لالا متعتقدش

يمكن الجو العام محبط .. فـ جالنا احباط .. .... may be

لو فضلنا عـ الحال ده ممكن نوصل لدرجه ان موبايلك يرن .. و تقوول .. عاااااااادي و تسيبه يررررن

و بعدها ممكن تخبطك عربيه .. و دراعك يتشال من كتفتك .. و عاااادي !!!

او ممكن تيجي تلعب ملاكمة وكتفك يتخلع وترجع تلعب تاني وتقول عااااااااادي

هل الحاله دي عاديه ..؟؟

طب عمرك حسيت بيها ..؟؟

طب ما تقولنا مثال كدة ..؟؟

ولا ممكن يكون احنا عندنا حاجات أهم ؟؟

هيكون ايه أهم من المصايب اللي احنا بنطنشها دي ؟؟

فعلا يا احمد كلامك صح
الناس مش زي الاول دلوقتي كله بيطنش بقيت كل حاجة عادية
بقا في تهاون في كل حاجة
مش عارفة بعد كدة هنعمل ايه

شكراااااااا على الموضوع

لاول مرة انا اناقدك فى موضوع يااحمد لان انا مش شايفة كدا خالص

انا شايفة ان الاحساس موجود وكلنا عندنا شعور وبنحس باوجاع الغير

بنزعل لزعلهم ونضحك لضحكهم

تسلم يااحمد التوبيك الجميل ده

كلامك واقعي يااحمد بنسبة 60%
دة بالنسبالي والباقي عندهم شعور شوية
بس فعلا الكلام صح وبحس بية في الشارع المصري بس الناس بقيت كدة من اللي بتشووووووووفة ومن اللي جرالها من حالات اجتماعية وبالذات اقتصادية ومادية
كنت مرة راكبة الترام والبنت قاعدة ورا الباب علطول فالباب زنق عليها لما جت تقوم فعمالة تقول للبنات تساعدها تقول اة اة ساعدوني والغربية انتي عربية الترام اللي كنا ركبنها كلها نزلت ومحدش ساعدها راحت قال جملة فعلا بحساها ديما
عمالة ازعق ولا في حد سمعني ولا كاني بتكلم هو اللي بيحصل دة

صحيح نفسي اعرف اية اللي بقا بيحصل ؟؟؟
تسلم الايادي علي الموضوع المميز يااحمد

كل واحد من الناس بقى مهموم بمشاكله الشخصية الى بقت فوق طاقته ومش قادر يحلها
فبيبفى شعوره عادى اتجاه ازمات الاخرين
وفعلا فى حالة من الاحباط عند الناس من عدم القدرة على تغير الواقع الملئ بالازمات
الشعور بالاخرين موجود لكن لبس بالدرجة المطلوبة
شكرا على الموضوع الممتع

فى كتير اوى كده بيدل على كلامك ده
زى ماامنيه قالت
وكمان لو انت ماشى فى الشارع وشوفت حد بيضرب
او بنت حد عملها حاجه
او فى ميكروباس وحصل حاجه غلط
عادى خالص محدش بيتكلم
والله بشوف رجاله اشحطه سورى فى اللفظ
وبيتفرجو ولا حد فيهم بيتكلم
يعنى هما ممكن يكونو
مشين تحت شعار
كل واحد فى حاله
هوه اه انا مع الشعار ده بس مش فى كل حاجه
بس مش فى الظروف اللى زى دى
يعنى فى فعلا لامبالااااااه بقد جامده اوى فى مجتمعنا
وفعلا بحس كتير اوى ان مشاعر الناس مبقتش زى زمان
ممكن زى مانت بتقول من كتر اكل الفول
او من الحاله الاقتصاديه اللى بقت زى الزفت
الناس اتغيرت فعلاااااا
معلش بقى يااحمد طولت شويه

بس
تسلم يااحمد موضوع حلو اوى

شكرا للمناقشه الراقيه دي يا تريكاويه
بجد يعني انتو فخر والله
بالنسبه لنقد شيماء
طبعا الاختلاف ف الراي لا يفسد للود قضيه
بس انا فعلا بسمع ده
جزاكم الله خيرا

» سيستم مفيش فايدة.. مفيش أمل..مفيش رجالة.. مفيش دم
» مفيش..
» النهارده مفيش كاريكاتير بس في...................

مفيش أحساس خاااااالص...............

مفيش أحساس خاااااالص...............

مواضيع مماثلة

مواضيع مماثلة