يقال إن 87% من الشعب المصري ساخطون على الحكومة المصرية-ما تعليقك؟






-الـ 13% الباقيين أكيد معاهم جنسيات أخرى.!!







هل لك أقارب استشهدوا في الحرب؟





-لأ..عندي أقارب استشهدوافي السلام..."عبارة السلام 98"طبعا.!!


ماوجه الشبه بين السد العالي وأمن الدولة؟

-
الإثنان مصدر "للكهرباء"




لماذا يطلق المصريون على زوجاتهم لقب "الحكومة"؟




لصعوبة تغييرها مهماتسببت في كوارث





أين يمكنك أن تلاحظ سوء نية المصريين؟





-عندما يغنون للطفل البرئ بمنتهى الخبث قائلين:..."يارب ياربنا.....تكبر وتبقى زينا"






امتى بتحس إن البلد حلوة؟








-ما بحسش إن البلد حلوة غير لما داليدا بتقول "حلوة يا بلدي"....بغض النظر انها قالتها وانتحرت.!!!






تقرير:60%من الرجال المصريين بـ"يِشَخروا" وهم نائمون...ما تعليقك؟




-الـ40% الباقيين بيشخَروا وهما صاحيين.!!






ما الفرق الأهم بين مصر وامريكا؟




-الفرق الأهم إن عائد السياحة من الهرم المزيف الموجود في لاس فيجاس مائة ضعف عائد السياحة من الهرم الحقيقي في الجيزة!!!







ما أهم قاعدة موجودة في مصر؟





-ان مفيش قاعدة لأي حاجة..!!








بماذا ستجيب كمصري عند سؤالك عن عمرك فيما افنيته بعد عمر طويل؟




-أفنيته في اشارة قصر النيل مستنيها تفتح,وفي صلاح سالم مستنيه يتحرك,وعلى كوبري اكتوبر مستني لما رئيس الوزراء يروح بيته.!!








من المستفيد من الزحام الذي يسيطر على شوارع القاهرة؟





-شركات المحمول....كله واقف في الإشارةماسك الموبايل بيخلص شغل أو بيعتذر عن التأخير أو بيسلي نفسه عل الأقل,وبالتالي تعتبر الإدارة العامة للمرور هي المستفيد الثاني من مخالفات استخدام المحمول أثناء القيادة






ما الفرق بين الزوجة المصرية والزوجة اللبنانية؟






-50 كيلو حرام