انا صح ولا غلط ؟

موضوع: انا صح ولا غلط ؟ 2011-01-23, 2:04 am

ازيكم يااجمل اخوات فى الدنيا كلها

انا عندى مشكلة وحابة انكم تشاركونى فيها

وتعرفونى انا صح ولا غلط ؟

وياريت لو كنت غلطانة تقولولى اعمل ايه واتصرف ازاى

انا دلوقتى للاسف الشديد بمر بازمة صعبة جدا فى البعض منكم يعرفها والبعض لاء

وانا الحقيقة لغاية دلوقتى مش عارفة افوق ازاى من ازمتى

حاولت انى اتجاهلها وانساها اكتر من مرة لكن للاسف مقدرتش

اتحديت نفسى وكابرت وقلت انا قدها وهقدر انساها

بس للاسف انا بعترف انى فشلت

وللاسف اكتر انى بعد ازمتى دى قررت انى ابعد عن كل الناس اللى بحبهم

لانى بصراحة مش عارفة ازاى ممكن اثق فى اى حد تانى

وانا دلوقتى حاسة ان مفيش امان فى الدنيا دى كلها

ولو دورت عالامان عمرى مهلاقيه غير عند اهلى

انا بقى عاوزة اعرف قرارى انى ابعد عن الناس

وانى مش هثق فى اى حد تانى ده قرار صح ولا غلط ؟

وازاى ممكن ارجع ثقتى فى الناس ؟

ياريت ياتريكاوية تدلونى وتعرفونى رايكم فى قرارى

انا يهمنى جدا اعرف رايكم لانى بعتبركم زى اخواتى بالظبط

مستنية ردودكم انا صح ولا غلط ؟ 47760

موضوع: رد: انا صح ولا غلط ؟ 2011-01-23, 2:40 am

ازيك يا شيماء

اولا ربنا يبعد عنك كل سوء و يفرجها عليكي و علينا ان شاء الله

ثانيا انا هقولك رأيي و اعتقد ان هوة الصح لأنه عن تجربة شخصية و اللي بيعيش ياما يشوف و اللي يعيش اكتر يشوف اكتر

بغض النظر عن الازمة اللي انتي فيها هي اية او كدا ... كل حاجة فيها الحلو و الوحش يا شيماء بس للأسف الوحش اليومين دول باين اكتر من الحلو .. فتحسي ان كل حاجة بقت وحشة و مينفعش تثقي في حد و ان الناس كلها زي بعضها .. لكن دي مش حقيقة .. و الدليل علي كدا ان في ناس كتير اوي ينفع تثقي فيهم و هما يثقوا فيكي و لو عاوزة تتأكدي بصي لنفسك .. و اسألي نفسك هل ينفع حد يثق فيكي ؟؟ أجاوبك انا : اة طبعا ينفع حد يثق فيكي .. تقوليلي ليه عرفت الاجابة اقولك عشان اللي يحس يوم بإن في حد مكانش عند حسن ظنه و يحس احساسك دا و يتكلم كدا يبقي اكيد حد كويس و لازم يبقي اهل للثقة ..

طبعا كلامي كتير .. بس صدقيني الخلاصة اني مش معاكي في قرارك .. بس هقولك اختاري صح عشان تعرفي تختاري الحد اللي يكون اهل للثقة و صدقيني مش صعبة هتلاقيها لوحدك و هتعرفي علامات كدا هي اللي هتبينلك ان الشخص دا ينفع تثقي فيه ولا لأ ؟؟؟

عشان تتعلمي الصح يا شيماء لازم تغلطي ... و الا مش هتعرفي الصح من الغلط .. ولا انا غلطان ؟؟؟ بس اهم حاجة اني لما اعرف الصح من الغلط مغلطش تاني ... تمام . ؟؟

معلش طولت عليكي و يارب اكون وضحتلك و حاولت اديكي قرار كويس يفيدك .. و لو احتجتي اي حاجة انا موجود .. كلنا اخواتك .. و صدقيني هتلاقينا قدها و قدود هههههه ..

تحياتي ليكي

ملحوظة

" اذا ضاقت بك الدنيا فلا تقل يا رب ان لي هم كبير .. و لكن قل يا هم ان لي رب كبير " ..

موضوع: رد: انا صح ولا غلط ؟ 2011-01-23, 2:46 am

6b3n 3`l6 l2n msh kol elnas zy b3d
3shan moshkla 7slt 7tshoky f elnas kolha
w kaman fe 7aga bt2ol 7rs wla t5wn
y3ny mynf3sh 6ol elw2t shaka f kol elnas
enty nfsk 7tt3by ana m3aky 2n elthe9a de msh
7tla2eha 3`er m3 ahlk bs kmna enty bardo
btt3mly m3 nas tanya

ana 6b3n m3rafsh 7gm elmoshkela lakn kol 7aga lazm ta5od w2t
da bytw9f 3 7gmha enty esbory 3 nafsk shwaya w 7awly t3eshy
7yatk bs zy ma2oltlk 7rs wla t5wn
l2n swab3k msh zay b3dhaaaaaa
w isa kol 7aga 7tb2a tmaaaaaaaaaam

موضوع: رد: انا صح ولا غلط ؟ 2011-01-23, 3:04 am

السلام عليكم
اولا ان شااااااء الله يا قمر تخرجى من الحالة اللى انتى فيها دى
ثانيا انا من فترة حصلتلى نفس المشكلة مع اقرب اتنين ليا ف حياتى
كانوا اقرب اتنين ليا ولما بكون مدايقه لازم اكلمهم وفعلاااا كانوا مهمين بالنسبة ليا اوى
وكنت بثق فيهم ثقة عميااااااااااااء بجد
وفجأة الاتنين دول مبقتش لقياهم والله حتى معرفش ايييييه السبب وبقت معاملتهم وحشه جداا وخلاص مبقناش حتى بنسلم على بعض
ف الاول كنت فعلااا هموت من كتر الزعل وكنت بتمنى انى مش اشوفهم تانى بعد كده عشان كل لما اشوفهم احس انى خلاص هموت من زعلى عليهم
بعد كده حاولت كتير افكر فيهم ولقيت انى انا بالنسبة ليهم ولا حاجة ومش فارقه عندهم خاااااااااالص
طب انا ليه اضيع نفسى وهبقى اموت من الزعل ع حد نسينى وحتى مبقاش يسلم لما يشوفنى
مش ده ظلم بردو ؟
انى افضل متعلقة بالناس دى وهى ولاااااااا ف دماغها حاجة
بعد كده الحزن ده اتحول لندم ع معرفة ناس زى دى
وعلى فكرة انا لسه لغاية دلوقتى بحبهم جداااااااااااااااا وهفضل احبهم طول عمرى
بس ندمانه على معرفتى ليهم بجد عشان ميستاهلوش الحب ده
بردو انا بطلب منك انك تنسى اى حد خان ثقتك فيه لانه فعلااااااااا مع كامل احترامى ليه ميتاهلش اى ندم ولا زعل
وبردو طبعاااااااااااا الحياة مش هتقف ع واحد او اتنين او حتى عشرة وان شاء الله تلاقى الناس اللى تقدرك كويس
معلش طولت عليك وبتمنى انك تكونى بخير وانى اكون قدرت افيدك حتى لو انا صغيرة عنك ف السن
اميره

موضوع: رد: انا صح ولا غلط ؟ 2011-01-23, 11:15 am

طبعا كلامك صح مش غلط
لان اهلك هما اللى بيحبوكى ويخافو عليكى
ربنا معاكى ويوفقك لما يحبه ويرضاه

موضوع: رد: انا صح ولا غلط ؟ 2011-01-25, 3:50 pm

متشكرة ياجماعة بجد لكل اللى ادونى رايهم

وده مش جديد ابدا على كل التريكاوية حبايبى

جزاكم الله خيرا يارب

موضوع: رد: انا صح ولا غلط ؟ 2011-01-25, 4:18 pm

ازيك يا مشمش
يا رب تكوني بخير
انا مريت قبل كدة بالحالة دي من قريب كمان وكنت بقول ان مفيش اصحاب ولا في امان ولا حد بينفع حد كنت بقول ان كله بتاع مصلحته وطبعا في ناس كتيررررررررررررر كده اليومين دول
بس انا اكتشفت ان لسه في ناس كويسين هوا اه بقيت اخاف اتعامل مع الناس زي الاول وده لاني اتخدعت كتير من الصحاب بس دلوقتي باخد بالي اكتر من الاول
ويا ريت يا شيماء مش اي حد تامني ليه بس لازم تاخدي بالك من كل اللي بتتعاملي معاهم
وعادي خالص متتأثريش بأي حاجة ولا تخلي اي حد يضايقك لانه مهما كان اكيد ميستهلش انك تضايقي نفسك عشانو
وربنــا يوفقك دايما في حياتك

موضوع: رد: انا صح ولا غلط ؟ 2011-01-25, 4:37 pm

السلام عليكم يامشمشتي ياعسل

طبعا بصرف النظر عن المشكلة اية بس يابت احكيها علشان نعرف نديكي الراي الصح حشرية انا صح انا صح ولا غلط ؟ 870595

ههههههههههههههه
بصي ياستي دلوقتي في الزمن اللي احنا عايشينو دة هقولك انك معاكي حق تقولي
مش عايزة اثق في الناس واني هابعد عن الناس اللي بحبهم ومفيش امان في
الدنيا دي اوك كلامك صح مليون في المية بالذات في الزمن دة ودة كلامي انا
بردة وغيرنا من الناس كتيرررر عندهم نفس الشعور
لكن لكل مشكلة حل مش هانقعد نقول كدة ونحط ايدينا علي خدنا لاء طبعا لازم نتغير ونبدا بنفسنا

انتي متثقيش في حد وبس اساس كلامك دة جي من نقطة واحدة انك اتعرفتي
علي انسان واديتلة كامل الثقة دة لانك طيبة وعاملتية بنية سلمية والحياة
بيس وحلوة ههههههه لكن للاسف هو او هية مش بتبادلك نفس احساسك وشعورك
الجميل علشان كدة لازم تتوقعي منها الغدر في اي لحظة شئ طبيعي فاانتي الحل
الوحيد ليكي ولكل اللي بيقولك كلامك دة اننا لازم ياجماااااااااااعة نعامل
كل انسان زي ما بيعملنا ياعني الشخصية دي بتعملني بالاسلوب دة انا كمان
هاعملها بالاسلوب دة وهكذا كل انسان وحسب شخصيتة ومش معني كلامي اني بقول
لو في شخصية شتمتني اشتمها ولا ضربتني اضربها لاء مش بقول كدة انا اقصد في
المعاملة بين الناس مع زمايلك قرايبك اصدقائك القريبين منك الناس اللي
هتتعرفي عليها بعد كدة عاملي كل واحد باااسلوبة علشان متتعبيش
والدنيا فيها امان طبعا فيها ما لو مش فيها خلاص هانعيش لية ولمين وهانعيش
خايفين اززززاي متقوليش اني الدنيا مفهاش امان لازم انتي تخليكي حرصة وفطنة
(ان الله يحب المؤمن الكيس الفطن ) وشئ من المكر لا يضر علشان تعرفي تعيشي
باامان وبسلام وصدقيني الدنيا لسسسسسسسسسسسة بخير زي ما فيها الوحش فيها
ابن الحلال الطيب اللي بيتقي ربة
يااااااااااريت تكوني فهمتي قصدي معلشي انا رغيت كتير بس لازم اوصلك المعلووومة كويس
وربنا معااااااااااكي ياحبي ويوفقك يارب

موضوع: رد: انا صح ولا غلط ؟ 2011-01-26, 1:21 am

ميرسى اوى ليكى يامنونة انتى وسارة على مساعدتكم

جزاكم الله خيرا بجد انتوا احلى اخوات فى الدنيا كلها