حكموا عقولكم

موضوع: حكموا عقولكم 2011-02-03, 4:15 am

السلام عليكم

اولا يارب يارب تكونو كلكم بخير

انا مش عارف والله ابدا منين ولا منين...... بس اللى عاوز ابدا بيه او يشوف كلامى..مش يحكم عليا

ويقول انا تبــــــــــــع مين
..............

قبل كل حاجه انا شاب مصرى عندى 23 سنه لا عمرى اتكلمت فى سياسه ولا حتى جيت فى يوم وحاولت ادخل فيها

يمكن حتى ماكنتش اعرف الاحزاب اللى ع الساحه....و معرفتى بيهم قليله قوى لا تزكر

كله بالنسبالى مجرد سمع عن مثلا حركه كفايه ...الاخوان ...البرادعى وغيره وغيره وغيره

لكن عمرى ماقولت ده صح ده غلط

انا مع انا ضد

دى حياتى ماقبل 25 واعتقد هو حال كل شاب نزل يوم 25 جايز الاختلاف بس فى حجم المعلومات عن الاحزاب

يعنى الخلاصه اننا مش مع اى حد...حتى مبارك نفسه مش معااااااااااااااه...واكبر دليل ع كده انى نزلت وقولت لا

هى لا دى مش كانت لمبارك؟؟!؟!؟! ولا انا كنت بقولها لمين

حيتنا كانت بسيطه

ومطلبنا بردو كانت بسيطه الشباب اللى نزل ده كان ابسط حاجه عنده انه يعيش كويس يعيش مرتاح
يعيش فى عداله وكرامه

حتى لما هتفنا الشعب يريد اسقاط النظام ...كان كل قصدنا النظام القائم من كل شى ..بطاله غلاء ظلم فساد وغيره

وده مش كلامى ده كلام كل شاب كان ع ارض التحرير...والرسائل اللى رفعنا

اللى رافع عداله كرامه انسانيه

انا صحبى كان رافع وكاتب انا طبيب مرتبى 400 جنيه

وكلها ووحات وعبارات ع حال البلد....يعنى كل اللى نزل لا مع ولا ضد اللى نزل شاااااااب كان مقضى حياته بالطول والعرض واتمنى وطلب ابسط مطالب
وبيوم بعد يوم كانت بتحقق ومن وجهه نظرى اننا وصلنا لابعد الحدود..بعد خطاب الريس
بقينا بنقول بينا وبين بعض معقوله ده حصل ؟!؟!!؟
هو انا اللى عملت كده
انا كنت واحد قبل 25 ولا ليا اى لازمه
بعد 25 صوتى مسموع صوتى وصل صوتى غير ؟!؟!؟! ده انا لو حملت عمرى ماكنت احلم بكده بمفترض ان الحلم بيوصل للخيال وتعملى فيه المعجزات مع ذالك عمرنا ماكنا بنحلم بنص ده

بعد خطاب الريس حسيت انى غمه وراااااااااحت
ومصر بتبدا من جديد
بشباب جديد

واحنا سهرانين بليل بنحمى بيوتنا بقينا نفكر فى بكره
نعمل ايه ؟!؟!؟!

كل واحد فينا كان عنده افكار واقترحات تهز جباال واننا نبدا نصلح فى البلد ونعمل ونعمل
وكل واحد بتقراح اجمل من التانى ونبدا من بكره
ونروح فلان وفلان ونجمع شباب وهنزل للاصلااااح
واتفقنا وعملنا خطه بس للاسف اظاهر
انها دى طلعت حلم اتمنناه
وصحينا الصبح لصدمه وكابوس وماحدش فاهم فى ايه؟!؟!؟

ده بضرب ده
ده بيموت ده

هو فى ايه ؟؟
ده احنا امبارح كنا ايد واحده !؟!؟

ده انا لسه طالع من تحت وكل الشباب كانو ايد واحد بيحمى بيوتهم ومالهم وعرضهم
ده انا كنت حاطط ايدى فيه ايده
ده هو بيحمى اختى وانا بحمى اخته
ده لما البلطجيه هجمو علينا ...كنا بنتقاتل مع بعض بنادفع عن بعض
دمنا كان بيسيل ع الارض واماحدش حاسس بالالم ولا اى حاجه غير انى لازم لازم اقاوم
هو ايه اللى حصل؟!؟!

فجاه عشان انا اؤيد الخطاب وبكررررررها مليون مره اؤيد الخطاب وليس مبااااااارك
وصوت العقل
وصوت الحكمه
وصوت الدين
بيقول انى لازم اؤيده حتى لو مش موافق

بقيت بأهتهم انى مدسوس بانى مأجؤر....الجمله اللى تسمعها ع طول ( دفعلك كام)

والعكس بردو المعارض بيتقال عليه من المؤيد للخطاب وليس لمبارك وهقولها تانى وتالت ورابع

انه جاسوس وعميل..امريكا بتموله...اسرائيل بحنداه

ولا اكن شى حصل...ولا اكننا ايد واحده
اكبر فتنه كانت ممكن تحصل فى مصر هى فتنه دينيه بين المسلمين والمسحين
وع مر التااااااااااااااريخ ماحد قدر يعملها
وفى ثانيه تصل فتنه بين انا مع انا ضد
واضرب واقتل فى اخوك لمجرد ان ده رايك

راى ؟!؟ بيعمل فتنه؟!؟! بجد انا مش فاهم العقل فين؟!؟!
عقل الشباب اللى خلى العالم كله بيشهد بيه
راح فين النهارده اقسم بالله ده لو واحد شارب عقله مش هيروح كده

البلد بتروح وكلكو سمع مين اللى بيروح ميدان التحرير دلوقت
سؤاء انت بقى مؤيد ولا معارض
انت لو روحت بقيت منهم وبقيت بتساعدهم
والله العظيم والله وع مسؤوليتى انا شوفتهم بيعييييييييييييييييييييييييييييييييينى واتكلمت معاهم
اقسم بالله مش مصرين..انا عاوز لو حد مش مصدقنى انزل مجرد ماهيتكلم معاك
والله لغته ولجهته مش مصريه اطلاقاااااااااااااااااااااااااااااااااااا
اى حد هيروح هيساعد
حرااااااااااااااااااااااااااااااااااااااااااام
البلد بتروح اصحوووووووووووووووووووووو
انا نفسى الاقى حل
دعوى المؤيد خلاص الريس مكمل مدته خلاص اقعد فى بيتك ليه تنزل
واديك قولت رايك وايته النهارده خلاص بقى

والمعارض انا بطلب وكل مصرى بيحب البلد
مش هقولك مش تنزل ولا تقول رايك ولا مش تعمل مظاهرات
بطلب بس بدل الجمعه دى خليها ياسيدى الجمعه الجايه
مش هتفرق خالص معاااك
بس هتفرق والله فى البلد
وهنعرف مين الناس اللى دخلت البلد دى وعاوزه تخربها نخلى الناس دى طلع بقى
لكن طول ماحنا فى الشارع هما معانا وبيعملو كل حاجه بسمناااااااااااااا
ارجكم بصوا للبلد
خلونا نبنيها بشبببها زى ماغيرنها بشببها

انا عارف انى طولت وطولت اوى كمان

وعارف انى كلامى مش هيقصر..بس قولت اقوله يمكن يمكن يقصر ولو فى شاب واحد
عارف انى كلامى نقطه مش فى بحر لا ده فى محيط
بس حسيت انى لازم اقوله

لازم اقوله عشان انا شاب مصرى

.يارب فك كرب مصر وأحمي شبابها من الفتنة..
.اللهم فك كرب كل مكروب.اللهم ابعد عنها كل شر.
اللهم بحق قرأنك الكريم الذي حفظته وذكرت اسم مصر فيه
ادعوك أن تحفظها من كل من يريد اسقاطها ودمارها.
اللهم ارفع الظلم عنها.اللهم وحد كلمتها.
.اللهم أدعوك ويقيني الاستجابة فأنت لن تخذل أبدا من يناجيك فلا تخذلنا في دعواتنا لك.
للهم استجب لنا دعائنا يارب العالمين اااااااااااااااااااااااااااااااااااااااااااااامين.

موضوع: رد: حكموا عقولكم 2011-02-03, 4:47 am

تسلم على الكلام الجميل
انا اضم صوتى لصونك لا لمبارك واى نظام هو حطة
من الاخر كدة

موضوع: رد: حكموا عقولكم 2011-02-03, 5:08 am

mokh كتب:: تسلم على الكلام الجميل
انا اضم صوتى لصونك لا لمبارك واى نظام هو حطة
من الاخر كدة

تسلم انت ع المرور

بسس انا عاوزك تقول انا بضم صوتى للحافظ ع مصر

ونشيل فكره الفتنه انا مع انا ضد

خليك انا مصرى احلى بكتيرررررررررررررررررررررررررررررررر

ولا ايه؟؟

موضوع: رد: حكموا عقولكم 2011-02-03, 5:15 am

معاك حق

موضوع: رد: حكموا عقولكم 2011-02-03, 5:45 am

.يارب فك كرب مصر وأحمي شبابها من الفتنة..
.اللهم فك كرب كل مكروب.اللهم ابعد عنها كل شر.اللهم بحق قرأنك الكريم الذي حفظته وذكرت اسم مصر فيهادعوك أن تحفظها من كل من يريد اسقاطها ودمارها.اللهم ارفع الظلم عنها.اللهم وحد كلمتها..اللهم أدعوك ويقيني الاستجابة فأنت لن تخذل أبدا من يناجيك فلا تخذلنا في دعواتنا لك.للهم استجب لنا دعائنا يارب العالمين اااااااااااااااااااااااااااااااااااااااااااااامين.

امين يارب العالمين
دلوقتى لازم كلنا ندعى ونرفع ادينا اللى الله ونقول ربنا يحفظ مصر من اى مكروه

وانا بضم صوتى معاكو
حافظوووووووووووو على بلدكم مصر
كلنا مصرين
ضد ولا مع ده كلو هبل ومحدش عارف الصح فين
انا عن نفسى تفكير شت مش عرفه مين الصح ومين الغلط
بس اللى عرفاه وفهماه
انى حزينه على وطنى
احساس غريب اول مره احسو
احساس صعب اوى واكيد الكل زى
علشان خاطر بلدا بلاش نختلف فى حاجات هبله
الكلام كتير اوى والكل بيتكلم اللى فاهم واللى مش فاهم بيتكلم
والعالم عمال يتفرج علينا وشمتنين فينا
مننا فينا بناكل فى بعضينا

يارب احفطنا من كل سوء

ميرسى يااياد على كلامك الجميل ده
اللى بجد بيعبر باللى فى داخلنا كلنا
وربنا يعديها على خير

موضوع: رد: حكموا عقولكم 2011-02-03, 12:59 pm

كلامك هو اللى فقلوبنا كلنا وربنا يعلم يا اياد
كل كلمة قلتها انا متأكدة ان كل مواطن مصرررررررررررررررررررررررررى موجوده فقلبه ونفسه يقولها ومش بس كدا نفسه الموضوع يهدا بقى عشان نرجع نصلح اللى باظ فالبلد تانى
شوفو العشر ايام دول كلفونا وهيكلفونا اد ايه خساير فكل حاجة لو حسبتوها هتعرفو ان بالعكس البطاله هتزيد والخساير فالاقتصاد بتاعنا هيأثر علينا
ارجووووووووووووووووووووووووووووكو يامصرييـــــــــــــــــــــــــــــــــــــــــــن ارجوكو اقضو على الفساد والناس المدسوسة اللى بينا ومتخلهومش يوصلو للى عاوزينه
ارجوكو ترجعو لبيتوكو سواء مؤيد او معارض المهم اى مصررررررررررررى يرجع لبيته ومينزلش خالص خلونا نرجع لوضعنا اللى العالم كله عرفه عننا وعن مصر وشباب مصر
اى حد هنا يعرف اى حد فالتحرير او فاى مكان يتصل عليه ويجيبه يخليه يفضل فالبيت ارجوكو خلونا نلحق اللى باقى فبلدنا بلدنااااااااااااااااااااااا احناااااااااااااااااااااااااااااااااااااااا
بجد مش عارفه اقولك ايه يا اياد ربنا يكرمك كلامك اثر فينا بجد وعبر عن رأينا كلنا
ربنا يستر ويحفظ مصر يارب من كل شر

موضوع: رد: حكموا عقولكم 2011-02-03, 3:44 pm

امييييييييييييييييييييييييين ياااااااااااااااااااارب العاااااااااااااااااالمين

كلامك هو كلامي وكلام كتير من الناس العاقلة يااياد اللي بتخاف علي بلدها بتخاااف علي مصر
مصر دي ياجمااااااااااااااعة حاجة كبيرة اووووي ااووووووي دلوقتي بقت لعبة في ايد اللي يسوي
وميسووووووواش احنا اللي وصلنا البلد للي تتغير وياخوفي لنوصل البلد للخرااااااااب يارب احمي
مصر ومحدش هايلم الموضوع غير المصريين ياجماعة ارجعووووووا رئيس الوزرااااااء قال ارجعو
واللي مش عاجبوا حاجة خلاص عرفنا مكان ميدان التحرير والشاااارع الوقت ازف وكل ساعة
بتعدي علينا خطررررر واحنا لسة في الجو في ناس برة متباعانا لحظة بلحظة الوقت دة بالذات مستحيييييييل يمشي الريس انا مش معا الريس بس فعلا لازم اؤيد وجودة لاني مصر اكبر منة ومننا الريس لو مشي دلوقتي هنقول يارحمن يارحيم ع البلد نستني لحد ما يمشي وفترة الرئاسة تخلص بتعتة ويخرج بصورة مشرفة لمصر قبل ما تكون مشرفة لية
يااااااااااااااااااااااااااااااااااااااارب اهدينا ياااااااااااااااااااااااااارب شيل الغمة دي من عندنا
ياااااااااااااااااااااااارب متشمتشي فينا اعداااااااااااااء يااااااااااااااااااارب احفظ مصرنا الحبيبة
ياااااااااااااااااااااااااااااااااااااااااااااااااااااااااااااااااارب انصر الشعب المصري

تسلم ايديك علي كلامك الصحيح مليون في المية يااياد

موضوع: رد: حكموا عقولكم 2011-02-03, 5:49 pm

والله يا امنية احنا بنحب مصر احنا كمان وماحدش قال غير كدة

وانا اتكلمت كتير فى باقى المواضيع فبلاش اعيد اللى قلتة هنا تانى

بصوا فى باقى المواضيع

والمهم حاليا مصلحة البلد يا جماعة

موضوع: رد: حكموا عقولكم 2011-02-03, 8:33 pm

انا معاك بس لازم الواحد يقول رايه ايه

انت مع مين؟؟! ولا ضد مين ؟؟!

صراحه انا مع خطاب الريس بس مش معاه

بس المظاهرات جات فى مصلحه البلد ومش فى مصلحتها

فى مصلحتها لما اصبحنا ادرين نقول راينا

ومش فى مصلحتا لان احنا خلينا فرصه للغرباء انهم يوقعوا بن

من كلام فهمت انك مع مش ضد

صراحه هو ده راى.

موضوع: رد: حكموا عقولكم 2011-02-04, 2:01 am

فَلَمَّا دَخَلُواْ عَلَى يُوسُفَ آوَى إِلَيْهِ أَبَوَيْهِ وَقَالَ ادْخُلُواْ مِصْرَ إِن شَاء اللّهُ آمِنِينَ (يوسف 99 )

اهْبِطُواْ مِصْراً فَإِنَّ لَكُم مَّا سَأَلْتُمْ وَضُرِبَتْ عَلَيْهِمُ الذِّلَّةُ وَالْمَسْكَنَةُ وَبَآؤُوْاْ بِغَضَبٍ مِّنَ اللَّهِ ذَلِكَ بِأَنَّهُمْ كَانُواْ يَكْفُرُونَ بِآيَاتِ اللَّهِ وَيَقْتُلُونَ النَّبِيِّينَ بِغَيْرِ الْحَقِّ ذَلِكَ بِمَا عَصَواْ وَّكَانُواْ يَعْتَدُونَ

كلامك صح اووووووووى يا اياد
بس يارييييييييييت الناس تعمل بيه
للاسف اللى نزلوا الايام الاخيرة دى مش عندهم وعى باى حاجة هما مشحونين وعايزين يخرجوا طاقتهم وخلاص ومش عارفين اللى بيحصل ده بيسوء سمعة مصر برا مع ان مصر احلى بلد ف العاااااااااالم واعظم شعب واطيب ناس
لييييييه اللى هما بيعملوه ده !!!
ليه كل المهاجمة دى ع الريس
اهانة الريس واهانة كرامته من اهانة مصر
واحنا مستحيييييييييييل نهين مصر
يبقى ليه كده ؟!!
ليه كل حاكم لينا نمشيه بطريقه غريبه ؟
لا حول ولا قوة الا بالله
يارييييييييييييييت نبعد الفتنة دى ونكون ايد واحدة زى ما طول عمرنا واحنا ايد واحدة
ياريت مانخليش حد يفرق بينا او يشمت فينا !!
جزاك الله خيرا يا اياد بجد توبيك مؤثر جدا

موضوع: رد: حكموا عقولكم 2011-02-05, 6:04 pm

اللهم امين ياااااااااااااارب

اظن ان الفكرة مبقش انا اؤيد ولا انا اعارض

الفكرة اننا نحل المشكلة اللى موجودة دلوقتى وكدة كدة هو ماشى خلاااااااااااااااااااااص

يعنى تادينا ليه او عدمه مبقاش يهم اللى يهم دلوقتى اننا نسيبه يعمل اللى احنا عاوزينه

ونحكم عقولنا فعلاااااااااااااا ومنفكرش فى اى حد تانى بيقول اى حاجة محدش حيعيش

فى البلد دى غيرنا وهى بتخسر وكله حييجى ع دماغنا احنا بجد تسلم يااياد بس ياريت

الناس دى تسمع الكلام دة وتبتدى تفكر فى مصلحة البلد بسسسسسسسسسسسسس