هل تغيرت مصر؟! و إن كانت تغيرت، هل تغيرت شعبياً أم رسمياً؟

مصر تغيرت أم لم تتغير؟.. إن كانت تغيرت، هل تغيرت شعبياً أم رسمياً؟.. وهل تغيرت سلباً أم إيجاباً؟.. أسئلة مهمة جداً.. لكن دعونا نتفق أن مصر، قد تغيرت فعلاً إلي حد كبير.. ودعونا نتفق أيضاً أنها تغيرت
شعبياً.. لكنها لم تتغير رسمياً بالقدر نفسه.. فالنظام ما زال قائماً..
ومازال هو الذي يحكم ويدير البلاد.. ولذلك كان شباب التحرير علي حق،
بضرورة رحيل النظام.. هذا هو المفهوم الذي يعرفونه.. وهذا هو المعني الذي
يصرون عليه.. لا أمل قبل رحيل النظام..

ونحن اليوم أمام إرادتين.. الأولي هي إرادة النظام يتشبث بالسلطة ويساعده
الجيش.. الإرادة الثانية هي إرادة الجماهير الثائرة.. تنفض من حولها
جماعات الحكماء والأحزاب شيئاً فشيئاً.. بمعني أن هناك من يتاجر بهم أو
يبيعهم.. وهذه هي نقطة الضعف التي تفقد الثورة زخمها، أو تحاول الانقضاض
عليها، وإجهاضها!!

هل هناك تغيير حدث؟.. نعم هناك تغيير حدث.. هل هناك نظام سقط؟.. نعم هناك
نظام فقد شرعيته، ويتسول الآن كلمة أو إعترافاً من الخارج.. حتي لا يعيش
في عزلة.. وهناك شباب يعرف قوته، ويراهن علي رحيل النظام، واحداً بعد
آخر.. وينتبه إلي عامل الوقت.. هذا صحيح.. التغيير حدث في موازين القوة..
شباب ثورة في مقابل شيخوخة نظام.. معناه أن التغيير حدث شعبياً، لكنه
رسمياً لم يحدث كلياً، لأن الرئيس مبارك باق تحت حماية الجيش.. هذه هي
الحكاية.. كل هذا حدث.. يبقي طبيعة التغيير الذي حدث، هل هو سلبي أم
إيجابي؟

لا شك أن التغيير إيجابي سياسياً وإقتصادياً.. فقد تغيرت لغة السياسة وتغير الخطاب السياسي، واعترف النظام بأن حركة الشباب حركة شريفة ووطنية!

الوزراء أيضاً يتحدثون بطريقة، لم نكن نعرفها من قبل.. الوزارة في خدمة
الشعب، والوزير خادم مطيع.. رجعنا لأصل الحكاية.. الحاكم ليس السيد،
والشعب هو السيد.. هذا تغيير حدث علي الأرض.. وهو ثمرة من ثمار ثورة
الشباب في 25 يناير.. غيرت وجه التاريخ وغيرت الحقائق علي الأرض.. وقد كان
أول قرار لوزير الداخلية محمود وجدي، يؤكد هذا المعني حين قال: الشرطة في
خدمة الشعب.. كما أن نائب رئيس الجمهورية عمر سليمان، وبعض الوزراء، قد
التقوا بالشباب يشرحون لهم أحقيتهم في فرص متكافئة، دون واسطة ولا
محسوبية.. ماذا حدث ؟

الذي حدث هو تغير الخطاب، لأن مصر قد تغيرت بالفعل!!

نعود إلي الذين يحسبون التغير إقتصادياً، وبالتالي يتحدثون عن خسائر بالمليارات.. نقول لهؤلاء

" لا" المسألة لا تحسب
بهذه الطريقة.. فنحن كنا نعيش في خسائر، أشبه بنزيف يومي، ولم يتحدث أحد..
كما أن الذين كانوا يحكمون، كانوا يأخذون عائدات الدولة لأنفسهم.. بجملة
الخسائر.. في النهاية سيتم تصحيح المسار.. ونفتح باب الأمل للإنتاج
والاستثمار معاً... تتدفق علينا الاستثمارات الخارجية، ونتوقف عن بيع
الأصول.. ونسمح بفرص متكافئة للجميع.. كما أن توقف السرقة في حد ذاته، قد
يعوض خسائر الأيام التي توقفنا فيها عن العمل.. أليس هذا هو التغيير الذي
حدث سياسياً وإقتصادياً.. وربما اجتماعياً أيضاً.. بعد أن تتغير أخلاق
الطبقة الحاكمة!!
هل مصر تغيرت ؟؟؟؟

السلام عليكم
من وجهة نظرى ان فعلااااااااا مصر اتغيرت ..اتغيرت بشعبها وناسها اللى عاشو سنين كتير اوووووووى مخروسين مش بينطقوا ولاحتى بيدافعوا عن حقوقهم ..عاشوا خايفين يظهروا الحق وبجد مش عارفة ليه كل الخوف ده والمواطن كان فعلا زى المواطن المطحون ومش ببالغ خالص لما اقول كده لان فعلا كان ده الوضع
وانا بعتبر المطالبة بالحق ف وضعنا ده لوحده انجااااز لان زى ماقلت الناس كانت مكتومة وخايفه تتكلم
بس ياريت الانجاز الشعبى اللى حصل ده يأثر بشكل ايجابى على النظام وميكونش النظام زى ما كان قبل كده مجرد كلام وشعارات ملهاش اى قيمة
يااااااااااااااارب احمى مصر وانصرها ع اى حد يحاول انو يضرها لانها فعلا ام الدنيا واللى يحاول يفسدها يبقى مش مصرى ولا عربى حتى
جزاك الله خيرا
موضوع مهم اوى
اميره

السلام عليكم
و الله انا رايي ان ايجابيات اللى حصل مهمه و كل حاجه بس سلبياته اكتر
انا مش مقتنعه الصراحه ان زى ما الناس بتقول كل حاجه كانت مشكله النظام
و ان الشعب زى الفل بس النظام وحش و ظالم
و انا شايفه ان دى مش حقيقه
ممكن يكون النظام اه كان ظالم و اه كان ليه سلبيات و فساد
بس اللى انا شايفاه دلوقت ان مسئوليه كل المصايب اللى ف مصر
بتترمى على اكتاف 5 او 6 ف البلد ممكن يكونوا فاسدين مقولتش حاجه
بس الشعب كمان من العدل انه يتحمل مسئوليه اللى حصل مع النظام
اللى عاوز يصلح بلده بيصلحها و الشاب اللى كان عاوز يشتغل ويبنى نفسه و يكافح عشان يبقى حاجه محترمه كان هيبقى كدا مهما كانت الظروف حواليه
انا مش شايفه ان احنا ضحايا كدا للدرجه دى و ان مبارك الوحش هو سبب كل المصايب
مبارك ايه علاقته بشاب خلص الكليه و قعد ع القهوه و استسهل كلمه دى بلد كوسه و لازم واسطه
و ان محدش م الحكومه كلم معاليه عشان يوفرله وظيفه فقعد ع القهوه و دى ناس كتير اوى اوى
و زى ما فيه شباب محترم عمل مظاهرات ماشى تمام برافو عليهم بس انا مش مقتنعه ان دى النسبه العظمى منهم ف مصر
و اعتقد ان فى ناس انضمت للناس المحترمه دى و هم مش عارفين اصلا هم عاوزين ايه
او عاوزين مبارك يمشى و خلاص طب و بعد ما يمشى منعرفش بس يمشى و خلاص
زى ما فى ناس م الشعب شباب محترم و عارف هو عاوز ايه فيه شباب بيحب الهيصه و الزحمه مش اكتر
حتى بعض الشباب اللى بيطالب بالتغير لهجتهم ف الكلام عن راجل لسه رئيس الدوله
مهما كان عمل بس الطريقه و الالفاظ مش لطيفه خالص و لا ليهم الحق يتكلموا بيها
ماشى مبارك غلط بس مش لوحده
كلنا غلطنا فحرام يشيلها هو لوحده

اكيييييييييييد يا وفاء زى مافى الكويس فيه الوحش وزى مافى شباب زى الفل وطلع يداف عن حقه فى شباب تانيين محاولوش حتى يدوروا ع شغل قبل ما ده يحصل وكانو بيعلقوا مشاكلهم كلها على حال البلد من غير حتى ما يسعى لانه يتقدم او يحاول يساعد نفسه وده طبعا تواكل وده مرفوض حتى ف ديننا
بالنسبه لمبارك انا معاكى جدااااااااااا انو مش هو السبب الوحيد ف الفساد وانو غلط فعلاااا بس مهما كان احنا مصريين وبنحب مصر بغض النظر بقى عن اى شخص فيها احنا كلنا هننتهى ونموت بس مصر هى اللى باقية بتاريخها وعظمتها اللى محدش يقدر يشكك ف عظمته
بس انا عندى اعتراض بسيط على كلامك
مش كلنا غلطنا الشباب اللى خرجو يوم 25 مغلطوش
مش غلطانيين لما يعبروا عن رأيهم بسلميه
مش غلطانيين لانهم لما كانوا كل لما بيتقدموا لشغل بيسألوهم عن واسطتهم
ومش غلطانيين بردو لما فعلااااااااااااااااااا بيحبوا مصر وعايزينها تبقى احسن بلد ف الدنيا ومكنش ف بالهم اى حاجة من اللى حصلت بعد كده
لازم نتعود إِن تعبيرنا عن رأينا بالتظاهر السلمي، مش لازم يوقف حياتنا وحكومتنا مسئولة عن تحقيق ده لإِن مش كل ما هنحب نتظاهر مظاهرات سلمية الدنيا تقف ويحصل حظر تجول .. كل بلاد العالم بيحصل فيها تظاهر والبلد بتفضل شغالة واحنا مش أقل من البلاد دي فى شيء