وائل غنيم دخل قلوب المصريين

السلام عليكم
وائل غنيم بامانه دخل قلبي وحبيته اوي
واتمني انه ميتخذلش عن صموده وصمود رجاله مصر
الناس دي خلت مصر مبقتش بلد المخبر وامين الشرطه
جدعان ورجاله ليهم كلمتهم وقالوها غيرهم خاف يقولها
وخاف من العصايه والكهربا لكن دول رجاله
وانا مش خايف عليهم من الاحزاب اللي عايزه تركب الموجه
وائل المصري الشهم الجدع قال (مصر فوق الجميع )
فوق الاحزاب وفوق المتسلقيين
كلمه قالها شاب مصري
مسمعتهاش من حزب او حتي من دكتور
بس الشاب المصري خلاص استوي وبقي ناضج
ووائل مثال للشاب ده
وربنا يحميك يا وائل ويحمي مصر
وبجد انا فخور اوي بيكوا لانك خليتوا للشعب كلمه

والله معاك حق

انا شوفت الحلقة اللى اسضافتة فيها منى فى العاشرة مساءا

والله بكيت من الحزن وحسيت انى حاسس نفس شعورة

وشكرا

السلام عليكم
فعلااااااااااا وائل غنيم شخص جدير بالاحترام وهو سبب من الاسباب اللى فعلا خلت للناس كلمة بعد ما كان الشعب مطحون ومع ذلك ساكت عن حقه ومش بيطالب بيه
وطبعا اكبر فئة عملت ده هى الشباب لانهم عايزين يكون ليهم حياة سعيدة او على الاقل مريحة
صعب جدا الضغوطات اللى ف الحياة وكمان نسكت عليها ده حتى الساكت عن الحق شيطان اخرس
وبجد الانسان ده انسان جميل جداااا وده ظهر من تأثره بالشهداء وانو حاسس بالذنب ناحية اهاليهم بس انا والله كنت اتمنى اكون واحدة منهم بجد
جزاك الله خيرا ع التوبيك

شاب مصري بجد و بيحب مصر من قلبه مش عشان عاوز مصلحة شخصية .. غني و مش فارقة معاه أي حاجة و عايش في دبي هوة و زوجنه و شغال يعني مش فارق معاه اي حاجة .. لكن الحاجةن الوحيدة اللي فرقت معاه هي مصر لأنه بيحبها بجد من قلبه و كان صعبان عليه حال الشعب اللي مطحون و مهدور حقه ..

ربنا يحميك يارب يا وائل و يحفظك من كل سوء ... لأنك بجد خليت كل شاب مصري يفتخر لما حد يسأله انت منين .. يرد و يقول " أنا مصري و أبويا مصري " بعد ما كان بيحط راسه في الطين و بيتكسف يقولها ..

تحياتي ليك يا ابوحميد

فعلا حبه امصر ظاهر اوى
يسلمواااا الموضوع حلو اوى

فعلا بجد ان شفت الحلقة كانت جميلة جدا ومؤثرة اوى اوى
وهو فعلا كلامه مقنع جدا ويحمسك اوى ويطمنك ع اللى جاى فعلاا
بجد ربنا يحميه هو واللى زيه يااااااااااااااارب

تسلم يااحمد

شكرا للمرور القيم ده يا تريكاويه
جزاكم الله خيرا

صدقت يا احمد والله انه شاب محترم ويغار على بلده ووطنه ربنا يحميه, كما ان هناك الكثير من شاب هذه الثورة الذين تهمهم مصلحة وطنهم ويناضلون من اجلها فربنا يحميهم جميعا.