EL SHRKAWY
:: مشرف سابق ::
المشاركات : 2034
العمر : 29
محل الاقامة : ام الدنيـــــــ
الوظيفة : طالب
الهوايات : لاعب كرة قدم
بتشجع نادي إيه : الا هلي في دمــ
تاريخ التسجيل : 01/05/2008
التقييم : 0
نقاط : 6020
::: : 
|  موضوع: حوار بين جده وحفيدتها!!!!!!!!!!!!!!!!!!!!!!1  2008-06-19, 2:54 am | |
| المكان أحد أحياء القاهرة الزمان يوم من أيام صيف عام 2051
حفيدة في سن المراهقة (16سنوات) تجلس مع جدتها (70 سنة) ويدور بينهما هذا الحوار:
الحفيدة: تيته ميرو إزيك..بقى لي زمان ما قعدتش معاكي
الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني
الحفيدة: ومابتفتحيش الدش ليه يا تيته
الجدة: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!
الحفيدة: وإيه الحلاوة دي؟ حلو البدي اللي انتي لابساه ده..بس ده موضة قديمة قوي ياتيته !
الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا
الحفيدة : أيوه بس مش حاسة إنك مخنوقة وانتي لابساه؟
الجدة:
أبداً ده هو ده اللبس المحتشم اللي مفروض الكل يلبسه ويحافظ عليه..فين
أيام زمان لما كنا نلبس البدي اللي مبين البطن والظهر بس، مع البنطلون
السترتش الجلد …كانت حاجة آخر روشنة
الحفيدة : ياه يا تيته.. ده انتوا كان ليكم تقاليد غريبة خالص !
الجدة:
أمال انتي فاكرة إيه .. وبعدين كانت الست من دول ما تلبسش اللبس الخليع
بتاع اليومين دول..يعني الجيبة كان ما يقلش طولها عن شبر وربع .. وكانوا
الستات يلبسوا فوقيها بلوزة باستمرار ..مش زي دلوقتي! حسبي الله ونعم
الوكيل!
الحفيدة : يا خبر .. وإيه كمان ياتيته
الجدة: ح
أقول لك إيه ولا إيه يعني خدي عندك مثلاً .. زمان كنا نسمع الطرب الأصيل
لمطربين حقيقيين زي مصطفى قمر وعمرو دياب وطبعاً كانت سيدة الغناء
"شاكيرا"، وكانت الأغنية مدتها أكثر من دقيقتين متواصلين من الطرب الأصيل
والموسيقى الهادية الراسية اللي تعمر النافوخ بصحيح كانوا مطربين روشين
وآخر طحن، حسبي الله ونعم الوكيل!
الحفيدة : وبعدين ياتيته
الجدة
: وبعدين كنا نسمع على حاجة اسمها اسطوانات ليزر، ودي صحيح انقرضت، بس كان
ليها طعم عن دلوقتي، يا سلام لما كنا نحطها في الووكمان ونعلقها في حزام
البنطلون كده ونمشي في الشارع كده، كانت أيام جميلة. حسبي الله ونعم
الوكيل!
الحفيدة : حكاويكى ممتعة قوي يا تيته .. ثانية واحدة بس
لما أصحي سمسم صاحبي فى المدرسة لأنه بايت معايا في الأودة من امبارح
..أصل الإنسان الآلي بتاع الصحيان بايظ ولازم نصلحه النهاردة
الجدة: طيب ياحبيبتي روحي
(بعد عدة دقائق)
الحفيدة: هيه يا تيته.. وبعدين
الجدة
: أحلى أيام بقى كانت أيام الدراسة، الفصل كان على أيامنا رايق وعدد
التلاميذ فيه ما يزيدش عن ستين سبعين تلميذة، وكنا ساعتها بنعرف نفهم
الدرس كويس مش زي دلوقتي، وكانت الشوارع أيامها فاضية يعني كانت إشارة
المرور تقعد ساعة إلا ربع بس لأن مصر كلها كان تعدادها 70 مليون مش أكثر،
تخيلي بقى الروقان اللي كنا فيه؟ حسبي الله ونعم الوكيل!
الحفيدة : 80 مليون بس؟!!
الجدة
: أمال إيه .. عشان كده كانت كل حاجة رخيصة ، يعني مثلاً كيلو اللحمة يوم
ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز
جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه
بس..وكان الدولار بسبعة جنيه و نص بس تخيلي بقى؟
الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي
الجدة
: يا بنتي إحنا اتربينا على الأخلاق والفضيلة والعادات والتقاليد . يعنى
كان أهل الفن محتشمين جداً وكانوا دايماً يطلعوا بالمايوهات والمذيعات
كانوا يقعدوا جنب الضيف مش زي دلوقتي.. هيـ يـ يـ يـ ـه الله يرحم دي
أيام.. فكرتيني بالذي مضى حسبي الله ونعم الوكيل!
تمسك الجدة بتليفون محمول في حجم علبة الكبريت)
الحفيدة : ح تكلمي مين يا تيته
الجدة
: الحقيقة أنا كنت موصية الجزار على اتنين كيلو لحمة و اديته 600 دولار
عربون وعايزة أطلبه أشوف إذا كانت اللحمة وصلت ولا لأ ..
الحفيدة: (تنهض من مكانها) تشاو سي يو تيته!
الجدة: سي يو
وبعد مرور عدة ساعات انتابت الجدة خلالها غيبوبة بسبب الشيخوخة
و في المساء دار هذا الحوار بين الجدة والحفيدة:
الجدة: إنتي كنتي فين يا فتفت؟
الحفيدة :أصل إحنا أخدنا الولد من الحضانة ..
الجدة : ولد !! ولد إيه اللي أخدتوه من الحضانة؟
الحفيدة : آه صحيح أنا نسيت أقول لك .. أصل أنا جبت ولد من سمسم صاحبي
الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!
الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت
الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى
الحفيدة : سميناه (دوت كوم) ..
الجدة : نعم . دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟
الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس
(ألت و إف4)
أفتح لك التليفزيون يا تيته عشان تشوفي نشرة الأخبار
الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:
المذيعة : هاي شلة! إليكم عناوين أخبار الفن
- زفاف المطربة صباح على حفيد الفنان الراحل راغب علامة
- الفنان محمد هنيدي يهاجم نجوم الكوميديا الجدد
المذيعة: فينيش باي
الجدة: لأ بقى حسبي الله ونعم الوكيل فيكم فعلا! (يغمى عليها)
الحفيدة : تيته..تيته!!
و لا حول و لا قوة إلا بالله
ربنا يستر علينا و على جميع المسلمين و يحفظهم من الفتن ما ظهر منها و ما بطن اللهم آمييييييين |
|
LoOoRa
:: من كبار التريكاويه ::
المشاركات : 2646
العمر : 31
محل الاقامة : EaRtH
الوظيفة : Student
الهوايات : Reading and Designing
بتشجع نادي إيه : Al.Ahly + FC Barcelona
لاعبك المفضل : Fat7y .. Treika .. El.had
تاريخ التسجيل : 15/03/2008
التقييم : 4
نقاط : 6933
::: :
| | موضوع: رد: حوار بين جده وحفيدتها!!!!!!!!!!!!!!!!!!!!!!1 2008-06-24, 7:15 pm | |
| هههههههه ..مرسي لى الموضوع والله مش عارفة اقولك ايه هو الموضوع على قد ما بيضحك على قد ما فيه حاجات مخزيه تتعمل في مجلدات ... ومعاك حق فعلاً ( ربنا يستر فعلا ويحفظنا من الحاجات دي ) .. مرسي على الموضوع مرة تانية
أختكم في الله
لورا |
|
krrishna
:: مشرف سابق ::
المشاركات : 4345
تاريخ التسجيل : 13/06/2008
التقييم : 0
نقاط : 5935
::: :
| | موضوع: رد: حوار بين جده وحفيدتها!!!!!!!!!!!!!!!!!!!!!!1 2008-06-24, 7:31 pm | |
| مشكووووووووووووور جدا
علي الموضوع
رائع
ــــــــــــــــــــــــــــــــــ
|
|
تغريد
:: من كبار التريكاويه ::
المشاركات : 4106
العمر : 30
محل الاقامة : مصر
الوظيفة : طالبة
الهوايات : التاليف والرسم
بتشجع نادي إيه : الاهلى
لاعبك المفضل : طبعا ابوتريكة
تاريخ التسجيل : 07/06/2008
التقييم : 0
نقاط : 6601
::: :
| | موضوع: رد: حوار بين جده وحفيدتها!!!!!!!!!!!!!!!!!!!!!!1 2008-06-25, 12:08 am | |
| ههههههههههه
ربنا يحفظنا من البدع وما ورائها
تسلم ايدك على الموضوع |
|
القلب العاشق
:: تريكاوي محدش قده ::
المشاركات : 1515
الهوايات : معرفه كل جديد
تاريخ التسجيل : 27/04/2008
التقييم : 0
نقاط : 6016
::: :
| | موضوع: رد: حوار بين جده وحفيدتها!!!!!!!!!!!!!!!!!!!!!!1 2008-06-25, 12:53 am | |
| هههههههههههههههههههه
شكرا علي الموضوع |
|
@totti@
:: تريكاوي محدش قده ::
المشاركات : 1509
العمر : 35
محل الاقامة : egypt
الوظيفة : حلاق
الهوايات : كرة القدم
بتشجع نادي إيه : الاهلى
لاعبك المفضل : totti
تاريخ التسجيل : 28/01/2008
التقييم : 0
نقاط : 6084
::: :
| | موضوع: رد: حوار بين جده وحفيدتها!!!!!!!!!!!!!!!!!!!!!!1 2008-06-25, 2:03 am | |
| مشكورررررررررررررر
على الموضوع |
|
الفيديو 
