بقولك اية يا احمد

معلش كبر دماغك خلاص

مشى وانتهى امرة

الف مبرووك يا مصر

جزاك الله كل خير
فعلا كان لازم حد يرد ع الناس دى
صحاب مبدأ"ما احلى النقد السلبى لمن يقراه و من يكتبه "
مفيش اسهل من التجريح ف الناس من غير دليل
اللى بنقوله انه مكنش فرعون يعنى له انجازات محدش هيقدر ينكرها
اتكتبتله ف التاريخ و خلاص
و ربنا يعينه ع اللى هو فيه دلوقت
و يعينا ع اللى هنشوفه

ممممممممممممممم
انا بس نفسى تكونوا مقتنعين بالانجازات دى
انا مش عارفة يعنى هى فادتنا بايه
وبعدين مش معقولة ابنه كان بيعمل الكلام ده من وراه هو اللى سابله الحكم
وبجد فرحت اوى انكم لقاتوله انجازات غير الضربة الجوية

نعم لمبارك


نعم للذل والاستعباد
نعم للفقر والاستبداد
...نعم للبطالة والفساد
نعم للتخلف والكساد
نعم للطوارئ والقبض من حديد
والضرب والقمع ومعاملة العبيد
نعم للاعتقالات المفتوحة
نعم للإعلامات المفضوحة
نعم لتقليص الدور السياسى
نعم لكبح أى عمل حماسى
نعم لتزوير الانتخابات
نعم لكبت الحريات
نعم لتصدير الغاز لإسرائيل
نعم ليكون شبابنا عويل
نعم للوساطة والمحسوبية
نعم لنهب البلد من الحرامية
نعم لكوارث الطرقات
نعم لغرق العبارات
نعم لتصادم السيارات
نعم لصطلام القطارات
نعم لرتفاع الأسعار
نعم لتكون بلدنا دمار
نعم لسرقة المدخرات
نعم للنهب والإتاوات
نعم لخصخصة الشركات
وكمان المستشفيات
وبيع المخدرات
نعم للرشاوى ومجالس القهاوى
نعم لاستيراد الموارد
وهو فى بلدنا فايض
نعم للقروض بس للقرود
والأمر متعسر وكله متيسر
نعم للهيافة ووزير الثقافة
نعم للضرايب وكله له نايب
ولا تقلى زراعة ولا حتى حصاد
الكل مسرطن والكل مباد
تعليمنا نازل ونازل فى الحضيض
لا حد بيقرأ ولا خطه عريض
وسرقة أراضى والكل راضى
ومسكن مفيش وشبابنا فاضى
نعم لغزو العراق وضرب لبنان
نعم لحصار غزة وتقسيم السودان
كوارث يا بيه ويستر عليه
قاعد مبلط وكأنه ابن إيه
سيدى يا سيدى يا عم الطيار
إرحل كفاية السبعين مليار
صدقنى هم يكفوا كفنك أكيد
بس حل أنت عنا ولقاؤنا الوعيد
يا حببنا يا ريس يا حبيب الكل
إرحل بس عنا وهنكون بكرة فل
يا حببنا يا ريس يا حبيب الجميع
يا حبيب أمريكا يا مدلل مطيع

شكرا للمرور يا لؤلؤه
جزاكي الله خيرا

انا لا اسخر ولكن اذا هناك انجازات لم تخرج هذه الثورة .الثورة خرجت بسبب جوع الناس وسوء المستوى المعيشي والصحي والاقتصادي ولو الانجازات صحيحة لكانت مصر افضل دولة في العالم واريد ان اسألك اموال مباراك من اين حصل عليها؟؟؟؟.

عشان برده اوضحلك يا عمر
لانك بقالك كتير غايب ومش متابع كلامي
انا مش مع الرئيس السابق حسني مبارك او ضده
انا كنت خايف علي مصر من ان يكون فيه فوضي
بس راجل ليه انجازات ليه اخفيها
ويمكن انتي قريت العنوان ومقرتش بقيت الموضوع
انا كاتب ان ابنه سبب رئيسيس ف اللي حصل
وامواله حصل عليها لما ابنه حط ايده مع رجال الاعمال وتحالف معاهم علي الشعب
وغلطه الرئيس السابق مبارك
انه لما كبر متنحاش
وساب البلد لابنه وكان بيثق فيه
لكن كان بيثق في خاين
اتمني ان راي يكون وصلك
وموضوع السخريه انتا بتضحك بعد كل كلمتين
لازم احتسبها سخريه
والاختلاف ف الراي لا يفسد للود قضيه
المهم نحترم بعض

يا نهار ابيض يا الوشاااا
بقى مبارك اللى عمل كل دا يا بنتى حرام عليكى
انتى بجد مقتنعه ان واحد بس عمل كل البلاوى دى
دا و الله و لا 30 سنه حكم يكفوا يا الاء
مش معنى انه غلط
ان مسئوليه كل حاجه وحشه كانت ف حياتنا هو اللى عملها
و احنا معملناش حاجه خالص
85 مليون برىء و 6 بوظوا البلد ازاى بس؟؟؟؟

هههههههههههههههههههههه
لا يا فوءة مش هو لوحده وانا عارفة انى مكبرة الموضوع شوية
بس هو راس الافعى هههههههههههه
متخلنيش اغلط فى الراجل انا معتش عايزة اغلط والله
وبعدين افتحى الميل يا ندلة

السلام عليكم
زى مافى انجازات فيه مساوىء
بس دلوقتى معظمكوا بينكر اى ميزة عملها وبيركز ف المساوىء دى
اظن محدش يقدر ينكر انو كان فيه فساد ف عهده
بس حرام اوى اننا ننسى بردو انجازاته
ليه كل لما حد يغلط مانفتكرش ليه الا الوحش !!
ده مهما كان انسان بردو ولازم علينا نحترمه وزى ما احنا طول عمرنا بنقول الحاجات الوحشه اللى ف عهده مش هنخسر حاجة يعنى لما نقول مميزاته
جزاك الله خيرا ع التوبيك
بارك الله فيك

ميرو انا لو كنت اعرف ان ده تفكيرك صدقينى مكنتش سلمت عليكى النهاردة
فى ايه يابنتى داخلة شمال اوى كدة ليه
اهدى شوية مبارك ميستاهلش ده كله
انا اللى ضايقنى بس الشتيمة اللى هو اتشتمها كان نفسى انه يمشى بكرامته
بس هو اللى غلط هو اللى خلانا نحس انه معندوش ولا ذرة دم
ربنا يسامحه ويشفيه علشان ينفع نعرضه لمحاكمة عسكرية
المهم بقى علشان خطرى بلاش نتكلم فى الموضوع ده تانى لانى بحس انى بخسر صحابى فى الموضوع ده فخلاص بقى

يالهوى
ايه يابت احنا هنخسر بعض عشان موضوع زى ده ؟!!!
انا فعلا مدايقه لانو خلاص بقى انتو قولتوا عليه وحش وخليتوه ملهوش كرامة للاسف وسابكوا عشان يريحكوا عايزين ايه تانى بقى ماتفكروا ف بلدكوا وبس
بس هى دى النقطة اللى مدايقانى وكمان اللى مدايقنى ان فى ناس مش بتحترم رأى غيرها مع ان احنا بنطالب بالحرية واللى منها حرية الرأى واكيييييييييييد الحرية معناها انك تقول رأيك بصدق بس ياريت بدون تجريح ولا اساءة لحد
وانا طبعا مقصدكيش بالكلام ده انا بتكلم عموما سواء مؤيد او معارض لان المفروض الكلمتين دول يتلغوا اصلا ونحط "انا مصرى ..بحب مصر ..مصر بس من غير مبارك ولا احمد ولا مايكل ولا حسين "ولااااااااااااااااا اى حد فيها
ياريت تكون فكرتى وصلت بشكل مش هيدايق حد وان كان بيعارضنى
ونفسى اضربك يا الاء ع الكلمتين اللى ف الاول دول بس لما اشوفك هههههههههه

قوليلى يا اميرا الزمان و المكان
و انا اجيب الرجاله بعد صلاه العصر و نطلع ع البت الاء دى
لما نشوف اخرتها معاها هههههههههههه
خلاص يا جماعه صلوا ع النبى دى عين و صابتكوا و الله
مش عارفه المنتدى مولع ليه كدا النهارده
سيبوا الراجل ف حاله بقى و خلينا نشوف حالنا و الفيزيا و كدا

هههههههههههههههههههه
ربنا يسترها عليا بكرة
بس برده يا ميرو انا مبسوطة اوى ومحدش هيقدر يزعلنى الا لو مفهمتش فرنش زى الحصة اللى فاتت فهقوم معيطة علطول هههههههههههه عبط بقى بعيد عنك

المهم يا جميل (انا عارفة انك بتضايقة بس انا بررتلك موقفى من الكلمة دى ) مش تزعلى عليه لان اللى عايزه ربنا هيكون
ولما قامت المظاهرات دى مكانش ليها مخطط ومحدش كان يصدق انها توصل لكدة
فاكيد ربنا عايز كدة
سواء بقى علشان نتعذب ونفهم اننا غلط
او علشان نعيش حياة كريمة نقدر فيها نعيش بجد

اقتباس :

قوليلى يا اميرا الزمان و المكان
و انا اجيب الرجاله بعد صلاه العصر و نطلع ع البت الاء دى
لما نشوف اخرتها معاها هههههههههههه
خلاص يا جماعه صلوا ع النبى دى عين و صابتكوا و الله
مش عارفه المنتدى مولع ليه كدا النهارده
سيبوا الراجل ف حاله بقى و خلينا نشوف حالنا و الفيزيا و كدا

كدة يا فوءة انتى كمان ضدى طب والله لقول لخالك بكرة
ده طبعا لو عرفت اكلمه بعد العصاية بتاعة الحصة اللى فاتت
لا انا بستهبل معاها والله بهزار يعنى
واااااااااااااااء بتفكرينى بالفيزياء ليه؟؟؟؟؟؟؟؟؟
ده احنا النهاردة عشنا فى الحصة لدرجة انى كنت حاسة انى بطير مع العجلة هههههههههههه