الله على ثورة الشعب طب مانخليها ثورة جوه النفس ..

السلام عليكم ورحمة الله وبركاته
عملنا ثورة
نجحنا فيها
بقى لينا كلمة
قدرنا نثبت ان مش كل الشباب تافه
طيب
تماااااااااااااام اوى
كل واحد فينا
يدور جوه نفسه
هيلاقيه ناقص ايمان
ناقصه صدق مع نفسه
ناقصه انو يقعد مع نفسه ويفكر فيها ويحاول يصلح من نفسه ويتقرب من ربنا اكتر
طب ماتيجوا نحاول سوا نعمل كده وهنسميها
"ثورة النفس"
وكل جمعة هتكون
"يوم التحدى"
ممكن تستغربوا كلامى الله اعلم
بس فعلاااااااااااا ده اللى لازم نعمله
لازم نفوق
زى مافوقنا وشوفنا مصلحة بلدنا
لام نصلح نفسنا
ونخلى اهم هدف ليها هو ارضاء الله عز وجل
على اقتناع
ونقاش
مش بس عشان احنا مسلمين هنعمل كده عشان هو ده الصح
طبعا ده الصح بس لازم نكون فعلا مقتنعين
هو احنا بقينا ليه قاسيين اوي كده ليه مابقاش شغلنا الشاغل هو دينا ليه

ناسيين ان فيه جنه وفيه نار ليه لما بنسمع درس دين مابنتأثرش بيعدي زي

مااي درس بيعدي ليه ربنا مش كبير في قلوبنا ليه اتمحت من شخصيتنا

الايجابيه ليه كلنا بقينا انانيين نفسي وبس لو لاقينا حد بيدعونا للدين نتريق

عليه ونقول عم الشيخ وست الحاجه لو لاقينا حد بيصلي في المسجد

يبقيعم المتدين لو قاعدين بنتفرج علي التليفزيون وقام حد فينا يقول ياله

نقرأ القران نقوله يابني مااحنا قاعدين طب شويه كده او نعمل مش واخدين

بالنا من كلامه او تلاقي واحد يقول حول علي قناة كذا ده عليها فيلم جامد وليه

المحجبه بقت تمشي موطيه راسها وحاسه ان الافضل هي اللي مش

محجبه او اللي عامله نفسها محجبه اصل اللي مش محجبه بتلاقي شغل

وبتتجوز بسرعه ده غير انها برستيج وشيك

انا بسأل هي الثقه ديه جبناها منين جبنا منين الثقه اننا هانعيش كتير واننا اكيد اكيد بس قول ان شاء الله هاندخل الجنه

هو ايه الصح وايه الغلط مش احنا لو ايام الرسول صلي الله عليه وسلم او

الصحابه هايبقي الكلام معكوس ليه لو قلت ياجماعه المفروض نعمل كذا وربنا

قالنا كذا ورسولنا قال كذا تبقيمتزمد ومتعصب وممكن تطلع ارهابي والناس

ممكن تبعد عنك لانك عليطول بتدخل الدين في كل حاجه وبالتالي انت

بتعكنن عليهم حتي علي النت لو جيت تبص في الفيس بوك علي جروب

نكت او جروب بينزلك احدث الاغاني او بيقولك اخر اخبار الفنانين تلاقي عدد

الجروب معدي وتلاقي علي صفحته حاجات مكتوبه لسه من دقيقه اصل

الفنان الفلاني كان بياكل ولسه نازل وبعدين سافر ومتخانق مع فلانه وفي

نفس الوقت ادخل علي جروب اسلامي هدفه مثلا الدعوه لربنا او لتفسير

القران تلاقي الادمن بس هو اللي بيكتب لغاية مايأس واخر مره كتب فيها كان

من شهرياجماعه احنا محتاجين نقعد مع نفسنا شويه محتاجين نفكر امتي

هانتغير امتي الدين هايبقي كل حياتنا احنا بنقعد بالسنين نفكر في

مستقبلنا وشغلنا وجوازنا وكل ده مش دايم فكر في اللي هايدوملك عملك

الصالح ومش معني كلامي انك ماتشتغلش ولاتفكرش في مستقبلك ولافي

جوازك لا فكر فيهم بس غير نيتك بدل مابتفكر عشان دنيا ومتاع زائل فكر

فيهم عشان ربنا واسأل نفسك واسألي نفسك كل يوم الصبح هو ربنا

مشتاق يشوفني ازاي النهارده؟؟؟؟؟؟؟ وقول الحديث القدسي ده ( ياداوود لو

يعلم المدبرون عني شوقي اليهم لذابوا شوقا في ياداوود هذا حالي مع المدبرين عني فكيف حالي مع المقبلين علي)

اقبل عليه وماتخافش الدين سهل وجميل والقرب من ربنا احلي ودووق حلاوة

السجده وجرب تكلمه قله اسرارك حتي اخطاءك واللي داق ده قبل كده وكان

قريب وبعدولعبت بيه الدنيا جرب ترجعله اطلب منه المساعده اطلب منه

ياخد بأيدك ودور علي صحبه صالحه تعينك صدقوني وقتها هاتعرفوا ايه معني السعاده

ربنا معانا كلنا ويكون هدفنا رضا ربنه بكل الطرق
اميرة

جزاكى الله خيرا يا اميرة

اقسم بالله ان الموضوع ده يستحق التقدير والتحيه لاميره
والله معاكي حق في كل كلمه قلتيها
احنا لازم نغير من نفسنا فعلا لان احنا بقيينا وحشيين اوي من جوانا والفساد مالي البلد
بكبيرها وصغيرها
(اللهم اصلح فساد قلوبنا يارب)
جزاكي الله كل خير وجعله من ميزان حسناتك ان شاء الله

شكرااااااااا اميرة

توبيك هايل جدا

وجزاك الله خيرا

الله الله الله بجد يااميرة ولو ينفع اقيمك عليه مليون مرة كنت اقيمك والله
بجد ربنا يبارك فيكى ويصلح حوالنا جميعاااااااااا
جزاكى الله به عنا الف خير ياااااااااارب

اميييييييييييين يارب العالمين
ردودكوا بجد فرحتنى
وربنا يقدرنا كلنا على فعل الخييير
نورتوا التوبيك بجد

» برنامج" ثورة علي النفس" .. رحلة اليقين لـ معز مسعود
» "ثورة التحرير.. أسرار وخفايا ثورة الشباب" أول كتاب عن الثورة
» لم جعل الله معراجا لرسول الله صلى الله عليه وسلم يصل به إلى السموات

الله على ثورة الشعب طب مانخليها ثورة جوه النفس ..

الله على ثورة الشعب طب مانخليها ثورة جوه النفس ..

مواضيع مماثلة

مواضيع مماثلة